Buxheti për Shëndetësinë 2020, Rritje e Pakët, Mosrealizim Investimesh, Mungesë vëmendje për Shërbimin e Kujdesit Parësor

/in , , /by
  • Buxheti për shëndetësinë gjatë Vitit 2020 si vit i përballjes me Situatën e Pandemisë shkoi 39.625 Miliard Lekë ose 320.85 Milion Euro.
  • Kjo vlerë finale u shënua pas ndryshimeve të Buxhetit Plan gjatë vitit ku për Programet Shëndetësi u shtuan 2.1 Miliard lek si pjesë e përballimit të situatës Covid19.
  • Ndërsa në total Buxheti për Shpenzime 2020 u rrit me 30.16 Miliard lek, katër programet e shëndetësisë morën vetëm 2.1 Miliard.
  • Programe të Lidhura drejtpërdrejt më Shëndetësinë janë programet si vijon: Shërbimi i Kujdesit Parësor; Shërbimi i Kujdesit Dytësor; Shërbimi i Shëndetit Publik dhe Shërbimi Kombëtar i Urgjencës.
  • Rritje gjatë vitit pati vetëm Shërbimi i Kujdesit Dytësor pra Spitale rajonale dhe Qendra Universitare.
  • Mosrealizim Buxheti shënuan gjatë vitit 2020 Shërbimi i Kujdesit Parësor që janë qendrat shëndetësore në zona urbane dhe rurale.
  • Nëse shohim raportin e shpenzimeve si Korrente (paga dhe utilitete) dhe Kapitale qe janë investime dhe asete (godina e pajisje), rezulton që Investimet shënuan mosrealizim në nivelin 15.75%.

Të gjitha shpenzimet të bëra nga Institucionet Buxhetore të Shëndetësisë gjatë vitit 2020 dhe në vijim janë të aksesueshme në Rubrikën Transaksione Thesari portali Spending Data Albania. Aty për çdo pagesë jepet informacion mbi datën, përshkrimin, institucionin që paguan, klientin që përfiton. Konkretisht shpenzime Qendra Spitalore Universitare Nënë Tereza QSUNT, Ministria e Shëndetësisë, Qendra Spitalore Shefqet Ndroqi , Spitali Universitar i Traumës dhe secili institucion shëndetësor sipas kërkimit kanë të publikuara dhe mund të aksesoren me kërkim përmes filtrave për Institucion Pagues, Kategori, Datë, Klient dhe përshkrim Fature.

Blerjet dhe Investimet Kapitale për Sektorin e Shëndetësisë e që lidhen me Covid 19 janë të listuara me pasaporta për çdo kontraktim në databazën për Prokurime Transparente. Çdo procedurë ka të plotë informacion nga njoftimi, afatet, vlera fond limit, oferta e suksesshme, apelime dhe realizime.

Të dhënat e hapura (Open Data; Open Porcurement; Open Spending) mbi shpenzime, pagesa, tenderime, kontraktime dhe të tjerë tregues, nxisin Transparencën, Llogaridhënien dhe Mirëqeverisjen.

Treguesit dhe të dhënat e plota janë të përmbledhura në hulumtimin e Open Data Albania: Shpenzime Shëndetësi, Buxheti i Shtetit 2020 dhe Pandemia Covid-19.

Regjistër i Magjistratëve dhe Kontributi Shkencor, Publikime dhe Klikime

/in , , /by

Magjistrati që vlerësohen (klikohen) për punimet shkencore, publikimet dhe kontributi në doktrinën e të Drejtës

Ne Regjistrin e Magjistratëve krijuar nga organizata AIS, promotore e OpenData për Shqipërinë, renditja e klikimeve sipas Google Analytics dhe Google Search Console tregojnë se cilët Gjyqtar dhe Prokuror janë të pëlqyeshëm për shkak të kontributit të tyre në Doktrinën e së Drejtës dhe në fusha si Konstitucionalizmi, Pronësia, E Drejta e Kontratave , E drejta Kushtetuese e më tej.

Në krijimin e kësaj miniere me të dhëna dhe dokumenta për Gjyqtar dhe Prokuror Magjistrat në Republikën e Shqipërisë, janë vendosur veç CV, Vendimeve, Vlerësimeve, Kontrolleve e Vet deklarimeve edhe Punimet Shkencore të Magjistratëve. Më poshtë janë dokumentet më të kilikuara në DataBazën AksesInfoDrejtësi RegjistriMagjistratëve Magjistrat.al

 

Në vend të parë për muajin Janar, dokumente të klikuara:

  1. Doktoratura e zonjës Evelina Qirjako është dokumenti më i klikuar në Muajin Janar, titull i Disertacionit është “Kuptimi Rëndësia dhe Kushte të Vlefshmërisë së Veprimit Juridik në Rastin e Kalimit të Pasurisë së Paluajtshme, Rëndësia, Natyra dhe Efekti që Ka Regjistrimi i Titullit të Pronësisë në Regjistrat Publik të Pasurive të Paluajtshme”, Disertacioni është mbrojtur në vitin 2016 pranë Universitetit të Tiranës, Fakulteti i Drejtësisë. Udhëheqës i Temës është Profesor Ardian Nuni. LINK Dokumenti: http://magjistrat.al/dokumenta/1603967583EVELINA-QIRJAKO.pdf
    Zonja Qirjako ka ushtruar detyrën e Gjyqtares së Lartë në periudhën 2008-2017, Mandati i saj është i përfunduar me vendim të Këshillit të Lartë Gjyqësor datë 24.04.2019 dhe titulli i saj si Magjistrat është subjekt për shqyrtim në Institucionet e përkohshme të drejtësisë. Profili znj. Qiriako  http://aksesdrejtesi.al/profil/200

  1. Në vendin e dytë si dokumentet më të klikuar në muajin Janar qëndron një Temë Disertacion Doktoraturë në fushën e Konstitucionalizmin. Disertacioni me temë “Kontrolli Kushtetues në Shqipëri Roli i Gjykatës Kushtetuese si garante e Shtetit të së Drejtës dhe të Drejtave Themelore të Njeriut”. Është zonja Valbona Bala (Pajo), autore e këtij punimi shkencor në fushën e konstitucionalizmit. Zonja Bala ka qenë më herët ndihmës gjyqtare në Gjykatën e Lartë. Procesi i saj i rivlerësimit (Vetting) është ndërprerë pas një sage të gjatë ankesash dhe vendimesh nga institucionet e përfshira. Disertacioni është mbrojtur po pranë Universitetit të Tiranës me udhëheqës shkencorë Prof. Aurela Anastasi Akademike e Asociuar. Dokumenti http://magjistrat.al/dokumenta/1603190115Doktoratura-Valbona-Bala-Fakulteti-i-Drejtesise-Departamenti-i-te-Drejtes-Publike.pdf Zonja Bala është autore e botimeve shkencore edhe në çështje që lidhen me ekzekutimin e vendimeve të Gjykatës Europiane për të Drejtat e Njeriut. http://magjistrat.al/profil/173,/span>

  1. Në vendin e tretë si dokument me karakter Publikim Shkencor autor Magjistrat (Magjistrat.AL) është Disertacioni për Mbrojtje Grada Doktor po një Magjistrati për të cilin institucionet e Përkohshme të Drejtësisë kanë vendosur ndërprerje të procesit të rivlerësimit. Zonja Rezarta Mata me dokument punimin shkencor me titull “Përgjegjësia Jashtë Kontraktore e Organeve Publike në Shqipëri është klikuar me qindra herë në Muajin Janar. http://magjistrat.al/profil/203 Në momentin e ndërprerjes së procesit të rivlerësimit zonja Mata ushtronte detyrën e Gjyqtarit të Rrethit Gjyqësor Tiranë. Disertacioni dhe Grada Doktor është mbrojtur po pranë Universitetit të Tiranës Fakluteti i Drejtësisë me udhëheqës Shkencor Profesor Ermir Dobjani. http://magjistrat.al/dokumenta/1604050953Rezarta_Mataj_tema_e_doktoratures_pdf.pdf  Publikimi Shkencor është vendosur si në rubrikën Dokumente Të profilit të Magjistrat Rezarta Mataj në Regjistrin e Magjistratëv

Ndërkohë në nivele të mirë klikimi vijon të qëndrojë Disertacioni Doktoratura e Anëtarit të KLGJ z. Erjon Muharremaj
http://magjistrat.al/dokumenta/1592233057Challenges%20of%20the%20Albanian%20Legislation%20on%20the%20Protetion%20of%20Biodiversity.pdf

Ndërsa nga Profilet (jo dokument) më të klikuara në Janar janë:

Eloida Goxhi http://magjistrat.al/profil/59

Ardian Dvorani http://magjistrat.al/profil/40

Olsian Cela http://magjistrat.al/profil/23

Në Akses Info Drejtësi (magjistrat.al) do të gjeni informacion dhe dokumenta për Sistemin e Drejtësisë, Institucione dhe Individ. Databaza synon të rrisë kontrollin publik mbi Integritetin, të krijojë modelin e Regjistrit të Magjistratëve dhe të kontribuojë për Akses të Gjerë në Informacionet që Lidhen me Sektorin duke rritur besimin publik. http://magjistrat.al/

Regjistri i Magjistratëve dhe Kontributi Shkencor, Publikime dhe Klikime

/in , , /by

Magjistrat vs Kontribut në Doktrinë

Evelina Qirjako Valbona Bala dhe Rezarta Mataj janë 3 Magjistrate që megjithëse jashtë apo të pezulluara në Institucionet e drejtësisë vlerësohen për kontribut në Doktrinën Juridike. Doktoraturat e tyre në sektorët E Drejtë Pronësi; Konstitucionalizëm dhe Dëme Jashtë Kontraktore janë tre dokumentat më të klikuar në Muajin Janar 2021 në Regjistrin e Magjistratëve AksesInfoDrejtesi.

Regjistër i Magjistratëve dhe Kontributi Shkencor, Publikime dhe Klikime

Magjistrat që vlerësohen (klikohen) për punimet shkencore, publikimet dhe kontributi në doktrinën e të Drejtës

Ne Regjistrin e Magjistratëve krijuar nga organizata AIS, promotore e OpenData për Shqipërinë, renditja e klikimeve sipas Google Analytics dhe Google Search Console tregojnë se cilët Gjyqtar dhe Prokuror janë të pëlqyeshëm për shkak të kontributit të tyre në Doktrinën e së Drejtës dhe në fusha si Konstitucionalizmi, Pronësia, E Drejta e Kontratave , E drejta Kushtetuese e më tej.

Në krijimin e kësaj miniere me të dhëna dhe dokumenta për Gjyqtar dhe Prokuror Magjistrat në Republikën e Shqipërisë, janë vendosur veç CV, Vendimeve, Vlerësimeve, Kontrolleve e Vet deklarimeve edhe Punimet Shkencore të Magjistratëve. Më poshtë janë dokumentet më të kilikuara në DataBazën AksesInfoDrejtësi RegjistriMagjistratëve Magjistrat.al

Në vend të parë për muajin Janar, dokumente të klikuara:

1.    Doktoratura e zonjës Evelina Qirjako është dokumenti më i Kliluar në Muajin Janar, titull i Disertacionit është “Kuptimi Rëndësia dhe Kushte të Vlefshmërisë së Veprimit Juridik në Rastin e Kalimit të Pasurisë së Paluajtshme, Rëndësia, Natyra dhe Efekti që Ka Regjistrimi i Titullit të Pronësisë në Regjistrat Publik të Pasurive të Paluajtshme”, Disertacioni është mbrojtur në vitin 2016 pranë Universitetit të Tiranës, Fakulteti i Drejtësisë. Udhëheqës i Temës është Profesor Ardian Nuni.

Zonja Qirjako ka ushtruar detyrën e Gjyqtares së Lartë në periudhën 2008-2017, Mandati i saj është i përfunduar me vendim të Këshillit të Lartë Gjyqësor datë 24.04.2019 dhe titulli i saj si Magjistrat është subjekt për shqyrtim në Institucionet e përkohshme të drejtësisë. Profili znj. Qiriako

2.    Në vendin e dytë si dokumentet më të klikuar në muajin Janar qëndron një Temë Disertacion Doktoraturë në fushën e Konstitucionalizmin. Disertacioni me temë “Kontrolli Kushtetues në Shqipëri Roli i Gjykatës Kushtetuese si garante e Shtetit të së Drejtës dhe të Drejtave Themelore të Njeriut”. Është zonja Valbona Bala (Pajo), autore e këtij punimi shkencor në fushën e konstitucionalizmit. Zonja Bala ka qenë më herët Këshilltare pranë Gjykatës Kushtetuese. Procesi i saj i rivlerësimit (Vetting) është ndërprerë pas një sage të gjatë ankesash dhe vendimesh nga institucionet e përfshira. Disertacioni është mbrojtur po pranë Universitetit të Tiranës me udhëheqës shkencorë Prof. Aurela Anastasi Akademike e Asociuar.  Zonja Bala është autore e botimeve shkencore edhe në çështje që lidhen me ekzekutimin e vendimeve të Gjykatës Europiane për të Drejtat e Njeriut. Profili znj. Bala

3.    Në vendin e tretë si dokument me karakter Publikim Shkencor autor Magjistrat (Magjistrat.AL) është  Disertacioni për Mbrojtje Grada Doktor po një Magjistrati për të cilin institucionet e Përkohshme të Drejtësisë kanë vendosur ndërprerje të procesit të rivlerësimit. Zonja Rezarta Mata me dokument punimin shkencor me titull “Përgjegjësia Jashtë Kontraktore e Organeve Publike në Shqipëri është klikuar me qindra herë në Muajin Janar. Në momentin e ndërprerjes së procesit të rivlerësimit zonja Mata ushtronte detyrën e Gjyqtarit të Rrethit Gjyqësor Tiranë. Disertacioni dhe Grada Doktor është mbrojtur po pranë Universitetit të Tiranës Fakluteti i Drejtësisë me udhëheqës Shkencor Profesor Ermir Dobjani. Publikimi Shkencor është vendosur në rubrikën Dokumente të profilit të Magjistrat Rezarta Mataj (në Regjistrin e Magjistratëve)

Ndërkohë në nivele të mirë klikimi vijon të qëndrojë Disertacioni Doktoratura e Anëtarit të KLGJ z. Erjon Muharremaj

Ndërsa nga Profilet (jo dokument) më të klikuara në Janar janë:

Eloida Goxhi

Ardian Dvorani

Olsian Cela

Në Akses Info Drejtësi (magjistrat.al) do të gjeni informacion dhe dokumenta për Sistemin e Drejtësisë, Institucione dhe Individ. Databaza synon të rrisë kontrollin publik mbi Integritetin, të krijojë modelin e Regjistrit të Magjistratëve dhe të kontribuojë për Akses të Gjerë në Informacionet që Lidhen me Sektorin duke rritur besimin publik. http://magjistrat.al/

EXIT.AL Publikon: Kompanitë e Ndërtimit, Klientët më të Paguar të Shtetit për Vitin 2020

/in , , /by

Portali EXIT.AL në datën 26 Janar 2021 ka Publikuar artikullin me titull Kompanitë e Ndërtimit Klientët më të Paguar të Shtetit për Vitin  2020. Artikulli liston disa kompani që kanë fituar tendera buxhetor duke evidentuar që një grup prej tyre ka një numër të madh kontratash. Duke përshkruar secilën kompani dhe volumin apo historikun e kontratave të saj, Artikulli përdor Pasaporta të Shoqërive të Biznesit të cilat janë produkt i Aktiviteteve të Projektit të AIS mbi Transparencën për Kontraktor të Bashkive dhe Kontraktimeve me Impakt për Qeveritë Lokale.

Në renditjen e 10 kompanive më të paguara nga qeveria për vitin 2020, 8 prej tyre janë kompani ndërtimi.

Ato kanë përfituar në total 110 milionë euro nga tenderat publikë, për vetëm një vit, sipas të dhënave të publikuara nga Open Data Albania, të martën.

Mes tyre janë kompanitë e ndërtimit të njohura për lidhjen e ngushtë me qeverinë dhe me Bashkinë Tiranë si Fusha, Salillari e Alb-Star, në 8 vitet e fundit.

Sipas të dhënave publikuar nga Open Data Albania, kompanitë të cilat kanë përtifituar më shumë para nga buxheti i shtetit janë:

– Kompania e ndërtimit G.P.G Company ka përfituar rreth 22.61 milionë euro, kryesisht nga Fondi Shqiptar i Zhvillimit dhe Autoriteti Rrugor Shqiptar. Ajo ka përfituar tendera për ndërtimin e shesheve të qyteteve si pjesë e Rilindjes Urbane.

Kompania është në pronësi të Paqsor Buzit dhe Gëzim Danit. Në vitin 2019, Buzi u arrestua nga policia si pjesë e një skeme të dyshuar mashtrimi me TVSH-në. Gjykata e ka lënë në arrest shtëpie, ndërsa çështja është ende në gjykim.

– Kompania Gjoka 87 ka përfituar rreth 20,5 milionë euro, si pagesa për kontratën koncesionare të Rrugës së Arbrit, ende në ndërtim.

– Kompania Fusha ka përfituar 14,7 milionë euro, si fituese e tenderave të ndryshëm publikë, pjesa më e madhe dhënë nga Bashkia e Tiranës. Fusha shpk njihet si një prej kompanive të preferuara të qeverisë Rama dhe bashkisë Tiranë në tenderat e ndërtimit. Ajo së fundi ka fituar dhe tenderin për rindërtimin e Piramidës.LEXO  Investigimi i ‘Boom’ – Mensat sociale të Bashkisë Tiranë shërbime me burokraci

– Kompania  Salillari ka përfituar 13,6 milionë euro, si fituese e tenderave të Autoritetit Rrugor Shqiptar dhe Fondit të Zhvillimit Shqiptar, për ndërtime rrugësh. Ndër të tjera, Salillari ka fituar dhe tenderat për Lotin e I dhe të II të Unazës së Madhe.

– Kompania  Alb-Star ka përfituar 13,5 milionë euro në një sërë tenderash nga Fondi i Zhvillimit Shqiptar, Drejtoria e Përgjithshme e Ujësjellës Kanalizimeve etj. Alb-Star njihet si kompania që ndërtoi me PPP stadiumin e ri kombatër ‘Air Albania’.

– Kompania  Gjikuria  ka përfituar 13,3 milionë euro si fituese e tenderave nga ARRSH-ja, FZHSH-ja apo Bashkia Himarë.

– Kompania  Agbes Construction ka përfituar rreth 11,8 milionë euro si fituese e tenderave sërish nga ARRSH, FZHSH apo Bashkia Fier.

Mes 10 kompanive më të paguara për vitin 2020, nuk kanë përfituar pagesa në lidhje me ndërtimin 3 kompani:

– Kompania Trans Adriaktik Pipeline AG Albania (TAP) ka përfituar rreth 40 milionë euro si rimbursim për TVSH-në.

– Kompania Kastrati ka përfituar rreth 15 milionë euro, si pagesa për furnizime në karburant dhe vaj.

– Kompania  AYEN-AS Energy ka përfituar 11.8 milionë euro si rimbursim për TVSH-në. kompania ka një kontratë koncesionare për Ndërtim-Operim, transferim të hidrocentraleve Peshqesh, Ura e Fani Fangut.

Projekti ka titull “Monitorimi Qytetar dhe Transparencë mbi Kontraktor Privat të Bashkive për Shërbime dhe Investime Publike„ mbështetur Financiarisht nga Leviz Albania, një Projekt i Agjencisë Zvicerane për Zhvillim dhe Bashkëpunim SDC. Pasaportat e Kontraktorëve të listuara janë: G. P. G Company , Gjoka 87, Fusha shpk , Salillari , Alb Star, Gjikuri, Agbes Construction .

Link Artikulli Origjinal: https://exit.al/kompanite-e-ndertimit-klientet-me-te-paguar-nga-buxheti-i-shtetit-per-vitin-2020/

Tendera për Kite dhe Teste situate Covid – 19, Spitalet Rajonale pritet Buxheti 2021

/in , , /by

Në faqen Open Procurement Albania, sektori Shëndetësi janë të gjitha tenderat e institucioneve që punojnë në sektorin publik.

Për të kuptuar sa po shpenzohet në blerjen e Kiteve dhe Testeve për Covid19, kush janë furnitorët, cilën tipologji testi po kërkon Instituti i Shëndetit Publik dhe Qendrat Spitalore mund të shikohen me kujdes  si Vijon:

Me Vlerë 496 000 000 Lekë (katërqind e nëntëdhjetë e gjashtë milion lekë të reja) është shpallur në datën 2 Dhjetor tenderi me titull Blerje Teste Diagnostike antigenike të shpejta për Sars – Cov -2 për nevoja të Njësive Vendore të Kujdesit Shëndetësor periudha 12 mujore, sipas listës së miratuar nga OBSH. Ky është një tender i hapur, ndërkombëtar për Blerje Mallrash përmes marrëveshjes kuadër. Afati për mbylljen e këtij tenderi është 18 Janari 2021. Link Ky tender http://openprocurement.al/sq/htender/view/id/25822

 

EUROMED shpk do të furnizojë Institutin e Shëndetit Publik në Tiranë me Blerje Kit (tampon + terren) dhe tamponë orofaringeal e nazofaringeal për marrjen e mostrave të testimeve Covid 19. Tenderi kishte fond limit prej 166 260 000 lekë, në tender morën pjesë 10 operator, Oferta më e ulët e EUROMED shpk u shpall fituese me vlerë 41 760 000 lekë. Link ky tender http://openprocurement.al/sq/htender/view/id/25643

Ndërkohë pa garë me negocim të drejtpërdrejtë pa shpallje paraprake, Ministria e Shëndetësisë  ka blerë nga kompania EVITA shpk një sasi Teste Diagnostike antigenike të shpejta për SARS-COV-2 për nevoja emergjente të Njësive Vendore të Kujdesit Shëndetësor. Kjo kontratë ishte planifikuar me fond limit 124 000 000 Lekë (njëqind e njëzet e katër milion lekë) dhe është ofertuar dhe lidhur kontratë 100% e vlerës së fondit limit.

Të tjera tendera të shpallura dhe finalizuar me fjalë kyçe kërkimi KIT janë listuar:

http://openprocurement.al/sq/htender/list/keyword/kit?

Të tjerë tendera të shpallura dhe finalziuara me fjalë kyce kërkimi TEST:

http://openprocurement.al/sq/htender/list/keyword/test?

Të tjera tendera të shpallura dhe finalizuara me fjalë kyçe kërkimi COVID:

http://openprocurement.al/sq/htender/list/keyword/covid?

 

Projekti Open Procurement Albania ju fton të kërkoni dhe vlerësoni edhe mbi tendera të fundit të Spitaleve Rajonale. Këto tendera tregojnë se blerjet dhe furnizimet për pajisje, medikamente, oksigjen dhe të tjera mallra apo shërbime që nejvoiten për funksionim si spitale Covid, janë të lidhura fort me buxhetin e vitit 2021. Ato janë tendera të saposhpallur  ose ende në proces.

 

Databaza e tenderave gjatë periudhës së gjendjes të katastrofës natyrore Covid19  është pjesë e projektit “Kontrata publike në një gjendje të katastrofës natyrore Covid19- Forcimi i Mekanizmave të Pavarur të Monitorimit”  të mbështetur financiarisht nga Programi i Granteve të Vogla i Komisionit për Demokraci i Ambasadës së SH.B.A.-së në Tiranë. Opinionet, gjetjet, konkluzionet dhe rekomandimet e shprehura janë të autor-it/ve dhe nuk përfaqësojnë domosdoshmërisht ato të Departamentit të Shtetit.

Bizneset e Rindërtimit deri tani 162 Shoqëri kanë fituar kontrata Publike

/in , , /by

Cilat janë Bizneset që po Realizojnë Punime në Kuadër të Programit të Rindërtimit Post Tërmeti i 26 Nëntor 2019?!

Open Corporates Albania ka krijuar një kategori të veçantë në Menu ku vendosen pasaporta për të gjitha bizneset shoqëritë që janë angazhuar me kontratë për të bërë Punë dhe Projekte pjesë e Programit të Rindërtimit të Qeverisë Shqiptare. Emri i Kategorisë (menu) është Biznese Rindërtimi.

http://opencorporates.al/sq/rindertimicompany

Këto shoqëri kanë të paktën 1 kontratë të lidhur me Institucionet Shqiptare. Kontratat janë kryesisht në bazë marrëveshje kuadër të hartuara pas tenderimit me Procedurë të Kufizuar.

Aktualisht deri datën e sotme, sistemi ka identifikuar 162 shoqëri që kanë një kontratë për një projektim, mbikëqyrje, ndërtim apo riparim në kuadër të Programit të Qeverisë Shqiptare për Rindërtimin.

Për secilin operator shfaqen të dhëna mbi administratorin, zotëruesin, objektin e aktivitetit, data e themelimit, ndryshime në strukturën e shoqërisë, performanca ekonomike në vitet e fundit, pagesat nga Thesari, të dhëna dhe listime për tender fitues.

Lista mund të shkarkohet si PDF ose si Excel për ripërdorim sipas dëshirës tuaj.

Shoqëritë janë vendase. Kategoria do të përditësohet me të tjera pasaporta biznesi që do të fitojnë statusin e Kontraktorit për Kontrata në Kuadër të Programit të Rindërtimit Post Tërmet.

Secili Biznes është listuar duke marrë si të dhënë kontratën apo marrëveshjen. Këto Kontrata apo marrëveshje janë pjesë e sistemit për Prokurime Transparente krijuar nga AIS. Procedurat Tenderuese për Rindërtimin janë mbajtur nga Fondi Shqiptar për Zhvillim dhe Bashkitë.

Konkretisht:

Fondi Shqiptar për Zhvillim  http://openprocurement.al/sq/albaniandf/list/faqe/2/keyword/programi+i+rindertimit

Bashkitë:  http://openprocurement.al/sq/tender/list/keyword/programi%20i%20rindertimit

Gazetarët që kanë nevoje për të aksesuar dhe kuptuar procedura të tenderimit Programi i Rindërtimit pas tërmetit, mund të kontaktojnë zyrën tonë

 

P.s Këtu nuk janë të listuar Bizneset qo kanë fituar kontrata për tenderime me fonde të EU, e për të cilat autoritet tenderues nuk është një Institucion i Shtetit Shqiptar.

Publiku kontrollon Integritetin e Sistemit të Drejtësisë, Individët më të Klikuar në Regjistrin e Magjistratëve, Dhjetor 2020

/in , , , /by

Web-Databaza Akses Drejtësi është krijuar nga organizata AIS, si një minierë të dhënash dhe dokumentesh mbi Institucionet e reja të Drejtësisë dhe Individëve pjesë e Sistemit. Në këtë Web-Databazë është krijuar Regjistri i Magjistratëve, një regjistër me informacion dhe pasaportë për secilin Gjyqtar http://aksesdrejtesi.al/persons/1 , Prokuror http://aksesdrejtesi.al/persons/2 , Anëtar në Institucione të Drejtësisë http://aksesdrejtesi.al/persons/3 dhe Gjyqtar e Prokuror të Pezulluar http://aksesdrejtesi.al/persons/4 .

Tre profilet më të klikua-ra në muajin Dhjetor sipas google analytics, për këtë databazë janë:

  • Profili i zotit Altin Binaj i zgjedhur Gjyqtar Kushtetues http://aksesdrejtesi.al/profil/25 . Për Binajn në databazën Akses Drejtësi, Regjistri i Magjistratëve ishte krijuar më herët një profil si Prokuror. Ky profil u Përditësua në muajin dhjetor me të dhëna dhe dokumente për Procesin e Promovimit të tij si Gjyqtar Kushtetues.

Pasaporta Profil për zotin Binaj ka Informacion dhe Dokumente të kategorizuara: Gjeneralitete; Eksperiencë profesionale‘ Kualifikime dhe Promovime; Dokumente dhe Deklarim Pasuror.

  • Tema e Doktoraturës Dr. Erjon Muharremaj anëtar i Këshillit të Lartë Gjyqësor KLGJ http://aksesdrejtesi.al/profil/12 , është dokumenti më i klikuar për muajin Dhjetor në faqen Akses Drejtësi, Regjistri i Magjistratëve. Doktoratura ka titullin “Ndikimi i të Drejtës Ndërkombëtare të Mjedisit në Legjislacionin Shqiptar“. Disertacioni për mbrojtjen e Gradës Doktor është paraqitur pranë Universitetit të Tiranës, Fakulteti i Drejtësisë, Departamenti i të Drejtës Publike http://aksesdrejtesi.al/dokumenta/1592233239Disertacion.pdf .
  • Në vend të tretë për nivel Klikimesh është profili i Gjyqtarit Alaudin Malaj për të cilin procesi i Rivlerësimit është ndërprerë pas kërkesës së tij për Dorëheqje http://aksesdrejtesi.al/profil/153 .

Klikimet për 12 muajt e vitit 2020, listojnë të parin profilin e Prokurorit pranë Prokurorisë së Posaçme Kundër Korrupsionit dhe Krimit të Organizuar SPAK, zotit Sotir Kllapi http://aksesdrejtesi.al/profil/106 , pasuar nga profili zoti  Altin Binaj Gjyqtar Kushtetues dhe Luan Daci anëtar i pezulluar i KPA dhe nën ndjekje Penale http://aksesdrejtesi.al/profil/90 .

Deri tani në Regjistrin e Magjistratëve janë krijuar pasaporta me informacion për individ që kanë kaluar vettingun, janë dorëhequr apo janë promovuar në krye të institucioneve të drejtësisë.

Të dhënat dhe dokumentet janë aksesuar përmes burimeve zyrtare dhe kërkesave për informacion pranë Institucioneve. Profili i një Magjistrati synon të forcojë Kontrollin Publik dhe të rrisë besimin e publikut tek Sistemi. Secili profil përmban të dhëna dhe dokumente mbi gjeneralitete; data e emërimit fillestar; pozicioni aktual data e marrjes së detyrës aktuale; përvoja profesionale pozicione të mëparshme arsimi dhe kërkimi shkencor; kualifikime  te veçanta; vendime të institucioneve të kualifikimit; vlerësime të etikës dhe veprimtarisë profesionale; masa disiplinore në fuqi vërejte; deklarimi pasuror.

Web-Databaza jonë për regjistrin e Magjistratëve është një model pilot i propozuar nga Organizata AIS si model për institucionet shtetërore që kanë detyrim ligjor të krijojnë Regjistrin e Magjistratëve. Reforma në Drejtësi lidhet fort me nevojën për Kontroll dhe Besim nga Publiku tek Integritetin e Individëve Pjesë e Sistemit.

Web-Databaza jonë për Regjistrin e Magjistratëve është pjesë e një projekti në kërkim fondesh për vitin 2021. Web-Faqja dhe zgjidhja software është krijur nga ekipi AIS me financim nga OSFA përmes një projekti disamujor në vitin 2019. Gjatë vitit 2020 mirëmbajtja e web faqes dhe përditësimi i Profileve Magjistratë janë bërë vullnetarisht nga organizata AIS.

Për të aksesuar lehtësisht informacionin në databazë ju propozojmë Makinën e Kërkimit sipas kategorizimeve >http://aksesdrejtesi.al/searchform .

 

Altin Binaj Kushtetuese, Erjon Muharremaj KLGj dhe Alaudin Malaj gjyqtar i pezulluar janë tre me te kilikuarit e google ne dhjetor 2020. Publiku ka interes për emra qe promovohen ne sistemin e drejtësisë.

#aksesdrejtesi #reformedrejtesi #vetting

AIS i propozon Qeverisë krijimin e Regjistrit Elektronik për Magjistratët, AKSHI ngre grup pune për zbatim.

/in , , /by

Një Regjistër Magjistratësh, me të dhëna, dokumenta dhe informacion për Gjyqtaret dhe Prokuroret Shqiptar është kërkesë e Ligjit që në vitin 2016, vit i miratimit të Paketës Ligjore për Reformën e Drejtësisë. Ky regjistër bën të mundur arkivimin me kujdes të të gjithë dokumentave dhe informacioneve që lidhen me integritetit, performancën dhe figurën e Gjyqtarëve dhe Prokurorëve. AIS ka konstatuar që dy institucionet Këshilli i Lartë i Prokurorisë dhe ai Gjyqësor nuk kanë bërë ndonjë përpjekje për krijim të regjistrit në format elektronik. Për këtë Arsye i është kërkuar zyrtarisht qeverisë të angazhohet për këtë databazë, me rëndësi për besimin publik dhe integritetin e Sistemit të Drejtësisë së Reformuar. Axhensia Kombëtare e Shoqërisë së Informacionit ka ngritur një grup pune dhe pritet të startojë procesin. Ndërhyrja lidhet me katër etapa: Plotësim Akte Nën Ligjore; Infrastrukturë Software; infrastrukturë Hardware dhe kapacitete staf implementues. AIS ka krijuar web-databazën Akses Info Drejtësi si një model pilot për tu konsideruar nga Institucionet.

Hapa Kronologjik:

Apliko për Praktikë Profesionale në temën: Kërkimi dhe Hulumtimi të dhëna dhe statistikore Drejtësi

/in , /by

AIS po kërkon të angazhojë në një praktikë profesionale 3 deri 6 mujore, një ose dy student profili Drejtësi. Praktika ka në fokus aftësimin për punë kërkimore dhe evidence në sektorin e drejtësisë. Kandidati duhet të jetë student në master, të ketë mesatare të mirë dhe dëshirë për të zgjeruar njohuritë mbi: databaza të institucioneve, regjistra publik, mirë-strukturimin e dokumentit zyrtarë, dinamikën dhe vëllimin e fenomeneve që lidhen me të Drejtën Publike dhe të Drejtën Civile, agregimin e informacionit statistikor për këtë sektor.

Aplikanti duhet të njohë mirë programe kompjuterike si Excel dhe Microsoft Word.

Praktikanti duhet të angazhohet të paktën 60 orë në muaj.

Në fund të praktikës 3 mujore, Praktikanti i Suksesshëm mund të përfitojë angazhim si i punësuar pranë AIS.

Databaza të AIS ku aplikohet Kërkimi dhe Hulumtimi të dhëna dhe statistikore Drejtësi janë

http://aksesdrejtesi.al/

http://opencorporates.al

Të interesuarit të dërgojnë një letër interesi me titull Aplikant Praktikë Profesionale, Kërkimi dhe Hulumtimi të dhëna dhe statistikore Drejtësi në adresën e emailit [email protected] deri në datën 12 Dhjetor.

JOQ – |Harta e Oligarkëve të Shqipërisë| EMRAT që kanë marrë MILIONA EURO nga Taksat e Shqiptarëve (Sipas Qyteteve)

/in , , /by

Vlerësimi i Riskut në Tenderime/ Bashkitë që 30% të vlerës së kontratave ia japin një Kompanie të vetme me negocim të drejtpërdrejtë

|FLAMUJ TË KUQ| Institucionet e Njësisë Vendore në Republikën e Shqipërisë, janë ndër ato që shpallin më shumë tendera abuzivë dhe siç ka treguar historia, tenderat me vlerë të vogël deri në mesatare, e përfitojnë familjarë apo miq të vetë atyre që punojnë aty, ndërsa procedurat publike me vlera të mëdha i hyjnë në xhep kryesisht oligarkëve të fushës së ndërtimit, atyre që zotërojnë kompani të pastrimit të plehrave apo gjelbërimit, e ndër to tenderat për mirëmbajtje sistemesh kompjuterike, apo rikonstruktimi rrugësh apo objektesh, janë mes atyre që kapin vlerat më të mëdha në bashkitë e vendit.

Negocimet e Drejtpërdrejta janë Kontrata Publike (që furnizohen me para publike) me risk të lartë për abuzime dhe përvetësim. Procedura me Negocim është procedura përmes së cilës autoriteti kontraktor i përzgjedh vetë operatorët ekonomikë dhe negocion kushtet e kontratës me një ose më shumë prej tyre. Kjo, thjesht e përkthyer në: “Para në dorë” me marrëveshje nga taksat e shqiptarëve, për klientin e preferuar. Të gjitha bashkitë e vendit kanë nga një klient të preferuar, i cili ka fituar 30% të vlerës së kontratave të një bashkie me procedurën Negocim i Drejtpërdrejtë.

BASHKIA TIRANË

Procedurë me Negocim

Përsa i përket Bashkisë Tiranë, në Procedurat e Tenderimit me Negocim, në total 12 MILIARD Lekë pa TVSH, VENDIN E PARË e mban e vetmja, e preferuara, klientja e Veliajt për kullat, rrugët dhe gjithçka tjetër, kush mund të ishte, veçse kompania e Shkëlqim oligarkut, “FUSHA SHPK” me mbi 3.3 MILIARD Lekë pa TVSH për vetëm 3 tendera.

Negocim Pa Njoftim

I vetmi i privilegjuar i kësaj lloje procedure tenderimi që kap në total mbi 2.3 MILIARD pa TVSH, padyshim që do të ishte kompania e pastrimit PASTRIME SILVIO e Fiqiri Allmuçës, me vetëm 2 tendera nga Bashkia Tiranë për blerje materialesh higjieno sanitare dhe dezinfektim me vlerë totale mbi 500 MILIONË Lekë me TVSH, të dy me REDFLAGS.

QYTETET SIPAS RADHËS | KOMPANITË E OLIGARKËVE QË KANË PËRFITUAR VLERAT MË TË LARTA TË TENDERAVE ME NEGOCIM

  1. FLORIAN BORSHI (BORSHI SHPK)- MBI 1 MILIARD LEKË PA TVSH, 56% TË TENDERAVE TË BASHKISË SHKODËR
  2. FATMIR KUÇI (VICTORIA INVEST SHPK)- RRETH 1 MILIARD LEKË PA TVSH, 52% TË TENDERAVE TË BASHKISË ELBASAN
  3. YZEDIN BOZHAJ (SHËNDELLI SHPK)- 845 MILION LEKË PA TVSH, 94% TË TENDERAVE TË BASHKISË GJIROKASTËR
  4. ADHURIM DUKA,VEIS DUKA (DUKA)- 752 MILIONË LEKË PA TVSH, 79% TË TENDERAVE TË BASHKISË VLORË
  5. LUAN KAPRI, BAJRAM ALLDERVISHI (REJ 3)- 530 MILION LEKË PA TVSH, 80% TË TENDERAVE TË BASHKISË POGRADEC
  6. DAVA KAZA, ZEF KAZA (AEK MUNELLA SHPK)- 387 MILION LEKË PA TVSH, 97% TË TENDERAVE TË BASHKISË MIRDITË
  7. LEJDI KOÇI, ENOR NAKUÇI, LINA SOKOLI (KREATX)- 234 MILION LEKË PA TVSH, 84% TË TENDERAVE TË BASHKISË DURRËS
  8. SHKËLQIM KUPA, QAMIL KUPA (KUPA SHPK)- 193 MILION LEKË PA TVSH, 33% TË TENDERAVE TË BASHKISË KAMËZ
  9. KLAJDI PALOKA (KLAJDI CONSTRUCTION)- 124 MILION LEKË PA TVSH, 35% TË TENDERAVE TË BASHKISË LEZHË
  10. KLARIDA SEMANJAKU (SUBJEKT FIZIK)- 118 MILION LEKË, 44% TË TENDERAVE TË BASHKISË FIER
  11. ASLLAN RUÇI (RUÇI)- 110 MILION LEKË PA TVSH, 70% TË TENDERAVE TË BASHKISË KLOS
  12. ARBEN GOLEMI (PROJECT & PEOPLE)- 105 MILION LEKË PA TVSH, 33% TË TENDERAVE TË BASHKISË BELSH
  13. NJAZI PRENÇI (REGLI SHPK)- 64 MILION LEKË PA TVSH, 45% TË TENDERAVE TË BASHKISË BULQIZË
  14. ARBËR ABAZI (ALKO IMPEX CONSTRUCTION)- 57 MILION LEKË PA TVSH, 72% TË TENDERAVE TË BASHKISË DEVOLL
  15. IRENA DERVISHI, GËZIM DERVISHI (ALFA 2 SHPK)- 33 MILION LEKË PA TVSH, 41% TË TENDERAVE TË BASHKISË BERAT
  16. MARSEL SHEGA, FATOS JAUPI, SHERIF KAPLLANI (VIOLA GREEN)- 14 MILION LEKË PA TVSH, 73% TË TENDERAVE TË BASHKISË PRRENJAS

BASHKIA SHKODËR

1.FLORIAN BORSHI (BORSHI SHPK)- MBI 1 MILIARD LEKË PA TVSH, 56% TË TENDERAVE TË BASHKISË SHKODËR

Florian Borshi është pronari i “BORSHI SHPK”, kompanisë që ka “mbretëruar” prej vitesh në bastionin e djathtë verior të Shkodrës. Le të themi që prej vitit 2006, ai është dendur me shuka parash NË DORË përsa i përket tenderave multimiliardësh të pastrimit me negocim të drejtpërdrejtë, me vlerë mbi 1 MILIARD Lekë pa TVSH për vetëm 7 të tillë.

Borshi, ndër 7 tenderat me lekë në dorë nga Bashkia e Shkodrës, ka përfituar në shkelje të plotë për mungesë konkurrence dhe mungesë gare negocim të drejtpërdrejtë, një tender më vlerë mbi 236 MILION Lekë pa TVSH.Gjatë viteve 2015-2018, Florian Borshi me kompaninë e tij ka përfituar mbi 3.6 MILIARD Lekë pa TVSH nga Thesari i Shtetit dhe vetëm për vitin 2019-2020 mbi 1.3 MILIARD Lekë pa TVSH.

Në kohën kur përfitimi nëpërmjet tenderave ishte një metodë e sapofutur në lojën politike dhe mediat nuk vinin në dispozicion të publikut informacion se si paratë e popullit u jepeshin klientëve të qeverisë, ishin vetë shkodranët ata të cilët demaskonin Borshin. “Bukur, bukur, Florian Borshi quhet personi që ka fituar tenderin për pastrimin e Shkodrës. Është e dyta a e treta herë që e “fiton” tenderin. Vetëm me lekët që duhet të pastronte vendin rreth koshave, ka blerë kohët e fundit një “JEEP” prodhim Limited, të ri akull, me ngjyrë të zezë, me kilometrazh 0. Nuk po flasim për ortakët e tjerë Xh. Sh (anëtar i këshillit bashkiak) dhe G.K”,- shkruanin shkodranët për patriotin e tyre multimiliarder në një raport ku shkruhej se Shkodra pavarësisht se hapte tendera pastrimit me lekët e qytetarëve të Shkodrës, rezultonte qyteti më i keqpastruar.

 

FLORIAN BORSHI (BORSHI SHPK)

Të djathët janë aktualisht në pushtet në Shkodër dhe Borshi vazhdoi i qetë “mbretërimin” e tij, derisa nisi të ndjente se pushteti po i ikte nga duart kur nipi i deputetit të PS Sadri Abazit, Arbër Abazi, me kompaninë e tij ALKO IMPEX CONSTRUCTION nisi t’i rrëmbente nga duart tenderat me të cilët ai ishte pasuruar deri më sot.

Kryebashkiakja e djathtë Voltana Ademi “e tradhtoi” kur i hoqi nga duart një tender BOSS-it të kompanisë së patrimit për t’ia dhënë miqve Rilindas, konkretisht Arbër Abazit, “dhuratë” kjo e cila ngjalli shumë polemika… Por megjithatë Florian Borshi nuk qëndroi “squk” dhe e paditi penalisht Voltanën për të rifituar MILIARDAT e tij dhe ia doli, BORSHI SHPK SUNDON SHKODRËN për tenderat me shkelje!

BASHKIA ELBASAN

2.FATMIR KUÇI (VICTORIA INVEST SHPK)- RRETH 1 MILIARD LEKË PA TVSH, 52% TË TENDERAVE TË BASHKISË ELBASAN

“VICTORIA INVEST” e Fatmir Kuçit është një prej kompanive që ka përfituar vlerat më të mëdha të parave të popullit shqiptar, si në nivel qendror ashtu edhe në atë vendor për pastrimin e Elbasanit. Aludime të shumta kanë ngjallur dyshime se pas kësaj kompanie qëndron vetë Lulzim Basha, pasi jo vetëm që kompania mban emrin e vajzës së tij, por për disa fakte që do i analizojmë më poshtë.

Në rang vendor, 13 tendera me Negocim të Drejtpërdrejtë nga Bashkia e Elbasanit, 10 prej tyre REDFLAGS për mungesë konkurrencë dhe gare, VICTORIA INVEST ka përfituar mbi 1 MILIARD Lekë pa TVSH!

Përsa i përket transaksioneve të derdhjes nga Thesari i Shtetit ka përfituar SHIFRAT E FRIKSHME për 3 vite (2015-2018) mbi 15 MILIARD LEKË PA TVSH! Dhe për vitin 2019-2020, mbi 4.4 MILIARD Lekë pa TVSH!

FATMIR KUÇI (VICTORIA INVEST)

Lidhja me Bashën, kush është Fatmir Kuçi?

Rezulton se Benzi me targë AA 111 EN me të cilin qarkullon Basha, është blerë nga Victoria Invest dhe pikërisht me këtë makinë, kreu i PD zbarkoi të takonte protestuesit e Astirit. Basha e ka patur mbështetje të fortë Kuçin në zgjedhjet elektorale të 2009-ës pasi ky i fundit e ka suportuar financiarisht për të barazuar numrin me 6 deputetë në Elbasan, gjatë kohës kur lideri i tanishëm i PD ka qenë koordinator i fushtës elektorale të Partisë Demokratike. Por tashmë duket se Kuçi i ka kthyer sytë nga PS dhe nuk po ngopet me tendera duke rrjepur të djathtë e të majtë.

Megjithëse person i njohur për drejtësinë shqiptare, asgjë nuk e ka ndalur Kuçin të përfitojë tendera në shkelje… Në vitin 2014-të, biznesmeni Fatmir Kuçi u procedua penalisht në gjendje të lirë për “shkelje të rregullave të lundrimit”, por e mbylli me një gjobë. Ky i fundit i shkaktoi vdekjen e Denis Kaiumov, një turisti rus në Livadh në vitin 2016 teksa e përplasi me skaf i preu gjymtyrët me helikën e mjetit lundrues. Për këtë u vu në pranga por arriti të dalë pas pak kohësh pasi tha se kishte probleme me zemrën.

Rrjedhin milliardat…

Historiku i përfitimeve të kësaj kompanie është i gjatë dhe tejet i përfolur. Segmentin e tretë prej 0.74 km të ndërtimit të Unazës së Madhe, e ka fituar pikërisht kompania “Victoria Invest Internacional & Viktoria Invest” me një vlerë prej 1.17 MILIARD Lekë pa TVSH. 15 MILIONË Euro të tjera pa garë, qeveria ia ka dhënë Victorias së Lulzim Bashës bashkuar me një kompani italiane, për rehabilitimin e Porto Romanos.

Emri i Fatmir Kuçit, del në tjetër lidhje të dyshimtë, atë me kompaninë “Victoria Marine LTD”. Nga publikimi i dokumenteve pas “Panama Papers”, rezulton se kjo kompani është e regjistruar në Maltë, vendi i parajsave fiskale.

Manipulimi me tenderat| Skema e shëmtuar për të përfituar para publike

Nuk di nga t’ia nisësh e nga ta përfundosh informacionin për VICTORIA INVEST, jo vetëm për lidhjet politike, por edhe ato skandalozet në prokurimet publike. Kompania e kumbarit të vajzës së Bashës, rezulton disa herë e vënë nën sekuestro për shkak mosmarrëveshjesh me kompani të tjera. Përmendim këtu kërkesën për hetim administrativ nga Bashkia e Kamzës, e cila pretendonte se kompania në fjalë kishte manipuluar dokumentacionin e paraqitur për pjesëmarrje në një tender të saj, në mënyrë që të kualifikohej në garë. “Victoria Invest” u përjashtua me një vit nga pjesëmarrja në koncesione dhe skema PPP (3 Gusht 2018-3 Gusht 2019).

2 KONCESIONE ME LIDHJE GJAKU

Kjo kompani është zotëruese e 2 KONCESIONEVE, Victoria Hydroenergy me administrator Endri Kuçin për ndërtimin e HEC-it të Lunikut 1 dhe 2 në Elbasan, dhe FINSEC PORT, për ndërtimin e portit të jahteve në Kalanë e Turrës, Komuna Synej, Kavajë (ky koncesion ka gjithashtu një afat 35 vjeçar dhe parashikon ndërtimin e një porti jahtesh me të paktën 800 vende akostimi, 150 apartamente dhe një hotel). Victoria Invest është nën zotërim të shoqërisë VICTORIA INVEST INTERNATIONAL të Valbona Kuçit, të ëmës së Endrit Kuçit, familjarë të Fatmir Kuçit. Adresa e kësaj dege është e njëjtë me atë të “Victoria Invest”, në të njëjtin kat, pallat, rrugë dhe lagje të qytetit të Elbasanit.

 

BASHKIA GJIROKASTËR

3.YZEDIN BOZHAJ (SHËNDELLI SHPK)- 845 MILION LEKË PA TVSH, 94% TË TENDERAVE TË BASHKISË GJIROKASTËR

“SHËNDELLI SHPK” e Yzedin Bozhajt është kompania që ka bërë namin me tenderat me “para dorë më dorë” në Gjirokastër për 2 tendera me Negocim të Drejtpërdrejtë për masa inxhinierike për parandalim rrëshqitje kodrash në zonë, të dy tenderat me vlerën E ÇMENDUR NË TOTAL PREJ 845 MILION Lekë pa TVSH, njëri prej tyre me shkelje për mungesë gare, negocim i drejtpërdrejtë dhe mungesë konkurrence.

 

Përpos faktit që kompania e Yzedinit merr miliona për parandalime rrëshqitjesh, që në të shumtën e rasteve këto tendera kanë objekt prokurimi inekzistent, nuk janë të pakta as MILIARDAT e përfituar ndër vite nga Thesari i Shtetit. Mbani frymën! Gjatë 3-vjeçarit (2015-2018), Shëndelli ka përfituar mbi 8 MILIARD Lekë pa TVSH dhe për një vit (periudha 2019-2020) mbi 3.6 MILIARD Lekë pa TVSH.

YZEDIN BOZHAJ (SHËNDELLI SHPK)

Çudia me SHËNDELLIN nuk mbaron këtu sepse kontratat për të nga Rilindja janë të pafundme, qofshin këto vetëm ose në bashkëpunim me “gllabërues” taksash publike, oligarkë me lidhje pushtetare… Në rang vendor, Bozhaj me kompaninë e tij ka fituar 8 MILIARD LEKË pa TVSH për 73 tendera. Tenderi më i frikshëm në bashkëpunim me GPG Company të oligarkut Paqsor Buzi, ME VLERË MARRAMENDËSE PREJ 6.5 MILIARDË Lekësh pa TVSH.


BASHKIA VLORË

4.ADHURIM DUKA, VEIS DUKA (DUKA)- 752 MILIONË LEKË PA TVSH, 79% TË TENDERAVE TË BASHKISË VLORË

“DUKA” me kurorë e vlonjatëve! Kompania e Adhurim dhe Veis Dukës është kompania e renditur në vend të 4-t në rang lokal, ndër kompanitë që kanë fituar tendera me Negocim të Drejtpërdrejtë, në shkelje. Bëni mirë të uleni, në rast se mos ju luhatet tensioni, para se të analizojmë në detaje shifrat e majme që ka marrë DUKA e Adhurimit… Janë VETËM 2 tenderat që ka marrë DUKA për pastrimin e Vlorës, të dy me para në dorë! Dhe nuk janë pak, por PLOT 752 MILIONË Lekë pa TVSH. Ajo që bie në sy është se të dy tenderat janë me flamuj të kuq, për mungesë gare dhe mungesë konkurrence, pra e thënë thjesht DUKË-s i ka mjaftuar të “kërcasë gishtat” për të përfituar shumat e majme.

Nga Institucionet Buxhetore të Shtetit, DUKA ka përfituar një THESAR plot me transaksione xhevahirësh, me plot gojën! 7.7 MILIARD Lekë pa TVSH për 3 vite(2015-2018) dhe për vetëm 1 vit (2019-2020), 3.7 MILIARD Lekë pa TVSH.

 

Adhurimi i Vlorës, i cili ka trashëguar kompaninë e të atit Veisit, nuk është ndalur vetëm në Bashki, por ka përfituar edhe plot tendera në sektorin e Shëndetësisë, pasi dihet që është maja e qershisë për oligarkët, si burimi nga ku dalin më shumë para. Kështu MBI 48 MILIONË Lekë pa TVSH i ka fituar nga Spitali Psikiatrik i Vlorës, të gjithë tenderat me objekt “Evadim i Mbetjeve Urbane”.

ADHURIM DUKA (DUKA SHPK)

Veis Duka, themeluesi i kompanisë, njihet si person me influencë dhe lidhje të fuqishme me biznesmenë në Vlorë, kryesisht në fshatrat Mallkeq, Vllahinë, Sevaster, Shushicë dhe Nivicë, ku për këtë të fundit ka kontribuar financiarisht për të krijuar një shoqatë.

BASHKIA POGRADEC

5. LUAN KAPRI, BAJRAM ALLDERVISHI (REJ 3)- 530 MILION LEKË PA TVSH, 80% TË TENDERAVE TË BASHKISË POGRADEC

Luan Kapri, djali i xhaxhait të ish-kryebashkiakut të Elbasanit Eduart Kapri nga radhët e djathta, është personi i cili ka në pronësi kompaninë REJ 3, me të cilën ka fituar vetëm një tender në shkelje (Para në Dorë! Pa garë, negocim midis institucionit prokurues dhe kontraktorit), nga rivali mavi i kushëririt të tij, kryebashkiaku aktual socialist i Pogradecit Ilir Xhakolli.

ILIR XHANGOLLI-EDUART KAPRI

S’ka asgjë të keqe deri këtu, se do mendoni ju ja del në pah lidhja PD-PS (hajt e kalojmë këtë), mund të mendoni edhe se hajt ç’bëri një tender kur ne na vjedhin miliardat, por pikërisht ky tender për pastrim-grumbullim të plehrave të qytetit ka vlerën marramendëse prej më shumë se GJYSMË MILIARDI Lekë pa TVSH.

 

REJ 3 me Administrator Bajram Alldervishin, është një prej klientëve të preferuar të qeverisë. E kthemi këtë pasi shifrat që ai ka përfituar nga Thesari i Shtetit ndër vite nuk u mbarojnë zerot nga pas. Për 3 vite gjatë periudhës 2015-2018, Luan Kapri ka përfituar 4.6 MILIARD Lekë pa TVSH, ndërsa vetëm për 1 vit (2019-2020) mbi 3 MILIARD Lekë pa TVSH!

 

Luan Kapri dhe lidhja me Gëzimin e Kashtës për KONCESIONIN

REJ 3 është zotëruese e një koncesioni me PPP, REJ ENERGY me administrator Gëzim Salillarin, që ka marrë përsipër ndërtimin e 3 HEC-eve, Cemerica 1,2,3.

Kompania “Rej 3” është krijuar në vitin 1994 nga Luan Kapri. Në vitin 2011, Kapri i shet 20% të aksioneve kompanisë “KLIVA”, në pronësi të Gëzim Salillarit nga Durrësi, i njohur ndryshe si “Gëzimi i Kashtës”. Kjo nofkë iu vu Salillarit, për faktin sepse dikur në zonën e ish-Bllokut ka patur në pronësi një lokal me të njëjtin emërtim, i cili frekuentohej shpesh nga kryeministri në atë kohë, Fatos Nano.

GËZIM SALILLARI (REJ 3)

Salillari është gjithashtu personazh i përmendur në kronikat mediatike në mesin e viteve 2000, si i akuzuar për pjesëmarrje në organizata kriminale si trafikant lëndësh narkotike nga Shqipëria në Itali, u dënua me 11 vite burg, por më pas arriti të fitojë lirinë. Si fillim Salillari regjistroi “KLIVËN” dhe pak ditë më pas, bleu 20% të REJ, kompanisë së Kaprit.

BASHKIA MIRDITË

6.DAVA KAZA, ZEF KAZA (AEK MUNELLA SHPK)- 387 MILION LEKË PA TVSH, 97% TË TENDERAVE TË BASHKISË MIRDITË

Dava Kaza është një prej biznesmeneve femra e cila renditet në vendin e tretë përsa i përket fitimit të tenderave në rang lokal nga gjinia femërore. Kompania e saj dhe të shoqit, “AEK MUNELLA” (Adrian, Enida, Kristian) bashkimi i emrave të fëmijëve të çiftit Kaza, renditet në vend të shtatë, një prej kompanive që ka përfituar vlerat më të larta të tenderave me Negocim të Drejtpërdrejtë. Kjo kompani ka përfituar GATI GJYSMË MILIARDI me TVSH nga Bashkia e Mirditës, për 3 tendera të gjithë me shkelje për mungesë konkurrence dhe mungesë gare me negocim të drejtpërdrejtë.

 

Në periudhën 2016-2018, Kazët kanë përfituar rreth 6 MILIARD Lekë me TVSH nga Institucionet Buxhetore, ndërsa për vetëm 1 vit (2019-2020) rreth 3 MILIARD me TVSH për 58 transaksione nga Thesari i Shtetit.

 

Të gjitha tenderat në rang lokal, kryesisht për rehabilitime ujësjellësit, kjo kompani i ka përfituar nga Bashkia e Mirditës, numri total 21 të tillë me vlerë MBI 3.5 MILIARD Lekë pa TVSH!

DAVA KAZA (AEK MUNELLA)

Kazët janë një prej familjeve me lidhje të forta me Rilindjen, pasi siç shihet postojnë edhe foto në rrjetet sociale me personazhe të mavive, përmendim këtu të voglin e Kazëve, Kristianin, në shoqërinë e Erion Veliajt dhe Lindita Nikollës.

KRISTIAN KAZA | ERION VELIAJ | LINDITA NIKOLLA

Në lidhje me punët e dobëta të kësaj kompanie ka patur edhe denoncime nga qytetarët për dështimin e mirëmbajtjes në Rrugën e kombit në vitin 2016 si pasojë e aksidenteve të shumta, punë për të cilën MUNELLA ishte kontraktuar. Thuhet se kjo firmë mbrohet dhe ka mbështetjen e kreut të Bashkisë Mirditë, Ndrec Deda, i cili i ka dhënë çdo tender për mirëmbajtje dhe pastrim e jo vetëm…. T’i ngopësh në MILIARDA të tutë, i thonë kësaj pune!

BASHKIA DURRËS
7.LEJDI KOÇI, ENOR NAKUÇI, LINA SOKOLI (KREATX)- 234 MILION LEKË PA TVSH, 84% TË TENDERAVE TË BASHKISË DURRËS

Mbase nuk do jua kishte marrë mendja kurrë, por kompania që renditet e para në Durrës përsa i përket tenderave me Negocim të Drejtpërdrejtë, para këto të dhëna në dorë për përmirësim dhe mirëmbajtje software, është KREATX e Enor Nakuçit. KREATX ka përfituar 3 tendera me vlerë MBI 234 MILIONË Lekë pa TVSH, të tre në shkelje, tendera të klasifikuar si REDFLAGS për mungesë gare dhe konkurrence.

  

 

ENOR NAKUÇI | LEJDI KOÇI

Kjo kompani ka përfituar tendera po ashtu edhe nga bashkia e Vorës, Shkodrës, Përmetit dhe Vlorës për shërbime të ngjashme, 9 tendera me vlerë MBI 307 MILIONË Lekë pa TVSH, 6 prej tyre me FLAMUJ TË KUQ!

Çudia më e madhe më këtë kompani qëndron në faktin se për periudhën 3-vjeçare (2015-2019) kjo kompani ka përfituar nga Thesari i Shtetit shumën prej MBI 260 MILIONË Lekë pa TVSH. Ndërsa për 1 vit (2019-2020)… këtë shumë e ka DYFISHUAR! Për 21 transaksione nga Institucionet Buxhetore ka përfituar MBI 531 MILION Lekë pa TVSH!!!

 

BASHKIA KAMËZ
8.SHKËLQIM KUPA, QAMIL KUPA (KUPA SHPK)- 193 MILION LEKË PA TVSH, 33% TË TENDERAVE TË BASHKISË KAMËZ

Namin bëjnë këto firmat e pastrimit! I fshijnë paratë që marrin nga tenderat ashtu siç fshijnë plehrat e rrugëve. Rasti konkret është kompania KUPA SHPK, ajo që mbretëron në Kamëz përsa i përket procedurave të prokurimeve publike me objekt “Pastrimin e qytetit”. Kompania e themeluar nga Qamil Kupa, trashëguar birit të tij Shkëlqimit, prej vitesh ka rënë shumë në sy për tenderat multi-milionësh që merr me një të rënë të lapsit.

Për vetëm 3 tendera nga Bashkia Kamëz për pastrim, kjo kompani ka marrë rreth 200 MILIONË Lekë me TVSH, ndërkohë që njëri prej tyre është klasifikuar si REDFLAG!

 

Shkëlqim Kupa, zotëruesi i KUPA SHPK, është gjithashtu edhe zotërues i Elite Real Estate dhe KORABI SHPK (kompanisë që i ka vënë emrin e të birit të mitur) me fitim në rang lokal rreth 98 MILIONË Lekë pa TVSH. Mesa duket KUPA është kompania e preferuar në Kamëz për tendera, pasi në harkun kohor të tetë muajve (Maj-Dhjetor 2017), ka zhvilluar 12 tendera dhe fitues i të gjithëve ka qenë po kjo kompani.

KUPA është zotëruese e tre kompanive të tjera të fuqishme IONIAN REFINING COMPANY, HYDRO SETA, ACCESS ENERGY ALBANIA. Po ashtu edhe e 2 KONCESIONEVE.

Atë të HEC-eve në Gjuraj, Kashec, Ragam dhe Lepurushë dhe HEC-in mbi lumin Seta, ku në shoqërinë koncesionare HYDO SETA e kanë në bashkëpronësi edhe me KALIA SHPK, kompani e të afërmve të Fatime Kupës, bashkëshortes së Shkëlqim Kupës, kompani e njohur në zonën e Dibrës.

Artikullin e plote te publikuar e gjeni ne kete link: ketu