Prezantohet databaza, të dhëna dhe analiza për Prokurime Publike Sektori Shëndetësi

AIS, një organizatë promotore e Open Data për Shqipërinë ka prezantuar sot (26 Tetor 2016)  për përfaqësues të medias një databazë / portal me të dhëna për prokurime dhe kontrata të sektorit Publik Shëndetësi. Të dhënat datojnë që prej 1 janar 2016, dhe përditësohen ditë pas dite. Të dhënat janë të mirë-strukturuara, në formatin dhe standardin Open Contracting Data (OCDS). Ky portal dhe ky format publikimi, shërbejnë për informim, transparencë dhe monitorim qytetar për kontratat publike të sektorit. Ai funksionon si një instrument për antikorrupsion, dhe i shërben gazetarisë dhe artikulimit publik të bazuar në fakte. Projekti synon të rrisë cilësinë dhe eficensën e procesit të prokurimeve publike edhe përmes kontrollit dhe presionit qytetar.

Tenderë të sektorit shëndetësi kanë ndikim të drejtpërdrejtë në cilësinë e jetës së qytetarëve dhe pacientëve. 8 deri 9 % e Buxhetit të Shtetit shkojnë çdo vit për këtë sektor.

I gjithë informacioni gjendet në Portalin Prokurime Transparente http://openprocurement.al , kliko Prokurime Shëndetësi .

Nga sistemimi i të gjitha procedurave dhe kontratave, rezulton se:

  • në nëntëmujorin e parë të vitit 2016 janë shpallur 4881 procedura për prokurime publike.
  • Gjatë kësaj periudhe numri i tenderëve të finalizuar me fitues, është 4119. Pjesa tjetër janë procedura të anuluara apo procedura për të cilat ende nuk ka përfunduar procesi i prokurimit.
  • Në total fondi limit, pra vlera e vënë në dispozicion të procedurës për tendera, tashmë të konkretizuar me shpallje fituesi dhe lidhje kontrate, është 72 miliard Lekë ose e konvertuar 55.1 milion dollarë.
  • 4119 kontratat dhe vlera prej 1 milion US$, janë fituar nga 430 operator ekonomik, kontraktor.
  • Vlera sipas ofertave fituese, ose thënë ndryshe vlera e kontratave të lidhura, e pa Tatim mbi Vlerën e Shtuar (TVSH) është 31 miliard Lekë ose 51.77 dollarë amerikan.
  • Diferenca ndërmjet Fondit Limit dhe Ofertës së Shpallur Fituese është 1 % e fondit të vënë në dispozicion.  Kjo diferencë tregon cilësinë e konkurueshmërisë, dhe eficensën buxhetore përmes prokurimeve.
  • Kjo diferencë, përkon me para të kursyera si rezultat i konkurrencës dhe ofertimit më të mirë ekonomik.
  • Përmes procedurës Negocim i Drejtpërdrejtë , procedurë kjo pa garë, janë lidhur kontrata me një vlerë 55 miliard Lekë.
  • Kjo vlerë është 5% e totalit të Vlerës së Ofertuar, thënë ndryshe Vlerës së Kontratës.
  • Me konkurrent të vetëm në garë, janë realizuar 1 260 procedura, me vlerë oferte 04 miliard Lekë që përkon me 16.5 % të vlerës totale të ofertave. 4.9% e vlerës së kontraktuar përkon me Punë Publike (investime), 25.4% e vlerës totale janë Shërbime , 69.6 % janë Furnizime Publike dhe pjesa e mbetur janë Marrje me Qira dhe Shërbime Konsulence.
  • Dhjetë kompanitë e listuara si kompani me vlera më të larta të kontratave të fituara, në tërësi kanë 9 % të totalit të vlerës së kontratave.
  • Kompania me vlerën më të lartë të kontratave në sektorin shëndetësi për nëntëmujorin e 2016, është kompania Megapharma Rezultati: 352 kontrata me një vlerë prej 452 milion Lekësh. Ndërkohë që përveç vlerës së shënuar më lart, kjo kompani ka edhe të tjera kontrata, ku ka fituar në bashkime operatorësh me kompani të tjera.
  • Megapharma shpk pasohet nga kompania Rejsi Farma shpk, ne vend të dytë me 355  milion Lekë të kontraktuara, dhe kompania Devis shpk, vendi i tretë me 313 milion Lekë, vlerë kontratash të nënshkruara.
  • Autoriteti Prokurues me vlerat më të larta të tenderuara është Qendra Spitalore Universitare “Nënë Tereza”.
  • Ky institucion ka kontraktuar 15 miliard Lekë.

Të tjera gjetje dhe analiza mund të bëhen sipas interesit për institucione apo lloje të caktuara kontratash.

Filtra të kërkimit bëjnë të mundur listimin e gjetjeve sipas interesimit për: institucion, procedurë, operator fitues, lloj kontrate, fazë tenderimi, nivel konkurueshmërie, vlerë kontrate apo fjalë kyçe të saj.

Ky portal është pjesë e projektit të mbështetur financiarisht nga Programi i Granteve të Vogla të Komisionit për Demokraci i Ambasadës së SH.B.A – ve në Tiranë. Opinione, gjetje, konkluzione dhe rekomandimet e shprehura janë të autorëve dhe nuk përfaqësojnë domosdoshmërisht ato të Departamentit të Shtetit.

20161026_10153820161026_100727 20161026_101043 20161026_101113
20161026_102051 20161026_102103 20161026_105301

 

 

 

 

 

 

 

 

 

 

 

 

 

 


Pjesmarrës

NR EMRI MBIEMRI Institucioni / MEDIA
1 Adriatik Doci Gazeta shqiptarja.com
2 Almarina Gegvataj ATSH
3 Anjeza Alliu Ministria Shendetesise
4 Anxhela Ruci Gaz Investigative
5 Arlinda Gjonaj ATSH
6 Armida Shukulli Freelance
7 Artan Rama Freelance/Públicus
8 Bashkim Shala Koha Ditore
9 Bepin Kolvataj Tv1 Channel
10 Besa Ombashi OSFA
11 Bledar Hoti Gazeta Shekulli
12 Brikela Qelemeni TV “KORCA”- RTSH
13 Brunilda Bakshevani OSFA
14 Bukurije Kastrati A1 Tv
15 Denisa Canameti Shendet Plus
16 Edmond Shehu HAP Project TDH
17 Elona Tereziu Shendet plus
18 Elvis Nabolli Rozafa
19 Enfrid Islami OSBE
20 Entela Barjamaj Scan Tv
21 Erjola Azizolli Ora News
22 Fatbardha Nergjoni Report Tv
23 Fejzi Braushi Gazeta Mapo
24 Gjergj Erebara BIRN
25 Inva Hasanaliaj Gazeta Mapo
26 Juljan Shota Report Tv
27 Keti Banushi Ora News
28 Klaudja Karabolli Report Tv
29 Klevis Paloka Gazetaria Investigative
30 Manjola Malo World Bank
31 Orjada Tare Leviz Albania
32 Rezar Balla Leviz Albania
33 Rukida Veizi HAP Project TDH
34 Saimir Lleshi Ora News
35 Violeta Shqalsi Scan Tv
36 Xhenisa Skenderaj MIAP
37 Xhevahir Zhabina Tv Klan
38 Xhuliana  Jakimi NewsBomb

 

Follow the Money / Ndiq Paratë – Një Cikël Workshop-esh

AIS një organizatë joqeveritare e njohur si promotore e Open Data për Shqipërinë po planifikon të realizojë një cikël Tryezash Workshop dhe Forum, me titull Follow the Money / Ndiq Paratë. Tryezat synojnë të prezantojnë instrumente dhe databaza që sigurojnë të dhëna dhe fakte mbi shpenzime publike , prokurime, kontrata , kontraktor dhe procese të tjera që lidhen me para dhe qeverisje. Synimi është të diskutohet mbi përdorimin e fakteve në investigime gazetareske apo advokime qytetare dhe të bëhet më cilësor dhe konkret procesi i gjetjes së të dhënave. Të pranishëm në këto tryeza janë të ftuar të bëhen pjesë gazetar dhe aktivist nga Tirana dhe Bashki të tjera të vendit. Tre tryezat e para do të zhvillohen në muajt Tetor 2016 – Janar 2017 dhe përkojnë me tre tema të ndryshme si dhe vijon:
1. Prokurime Publike, Tendera dhe Kontrata të Sektorit Shëndetësi, Data 26 Tetor, Donator Programi i Granteve të Vogla i Komisionit për Demokraci i Ambasadës së SH.B.A.-së në Tiranë projekti Prokurime të Sektorit të Shëndetit Publik për 2016.
2. Auditimi i Partive Politike dhe Subjekteve Elektorale donator Ambasada Hollandeze në Tiranë  
3. Monitoro Klient të bashkive në Kontrata Publike. Mbështetur nga Lëviz Albania.
Për të qenë pjesë e tryezave ju duhet paraprakisht të regjistroheni dhe të merrni konfirmimin e përzgjedhjes për pjesëmarrje në këtë formë regjistrimi. AIS do të mbulojë shpenzimet që justifikojnë kosto të pjesëmarrjes. Eventet do të jenë një ditore. Dy tryezat e para do të realizohen në Tiranë.

Për t’u regjistruar ju lutem klikoni këtu
Për çdo pyetje apo informacion të mëtejshëm do duhet të shkruani në adresën e [email protected] .

FINANCIMI I PARTIVE POLITIKE DHE FUSHATAVE ZGJEDHORE, Policy Paper

Në kuadër të projektit Dhoma Zgjedhore për Reformën Zgjedhore , Instituti Shqiptar i Shkencave (AIS)  ka hartuar nje Policy Paper me rekomandime për “FINANCIMI I PARTIVE POLITIKE DHE FUSHATAVE ZGJEDHORE”.

Drafti i plotë i këtyre rekomandimeve gjendet në linkun :  ais-dhoma-zgjedhore-per-reformen-elektorale-policy-paper

AIS i drejtohet Gjykatës së Strasburgut, Shqipëria nuk garanton gjykim në afat të arsyeshëm (neni 6 KEDNJ)

Në datën 09.06.2015 Instituti Shqiptar i Shkencave i dërgoi tre subjekteve zgjedhore kryesore, përkatësisht Partisë Socialiste (PS), Partisë Demokratike (PD) dhe Lëvizjes Socialiste për Integrim (LSI) kërkesën zyrtare me shkrim në të cilën kërkonte prej secilit prej këtyre subjekteve informacion për:

a) listën e dhuruesve të fondeve jopublike që kishin përfituar prej datës 21 maj 2015 dhe që janë mbi shumën 100 000 (njëqind mijë) lekë ose shërbime apo sende të barazvlershme me të;
b) listën e çdo shpenzimi që kishin kryer eventualisht prej datës 21 maj 2015 me fondet vjetore të përfituara nga buxhetit i shtetit 2015.

Subjektet zgjedhore të sipërcituara e morrën kërkesën në datën 10 – 11.06.2015 dhe kjo vërtetohet me dëftesat postare të marrjes së kërkesës.
Subjektet zgjedhore të mësipërme nuk iu përgjigjën kësaj kërkese, ndaj në përputhje me nenin 24 të ligjit nr.119/2014 “Për të drejtën e informimit” Instituti Shqiptar i Shkencave paraqiti kërkesë ankimore pranë Komisionerit për të Drejtën e Informimit dhe Mbrojtjen e të Dhënave Personale në datën 7.07.2015.
Komisioneri për të Drejtën e Informimit dhe Mbrojtjen e të Dhënave Personale në datën 25.07.2015 na vuri në dijeni për vendimin e tij nr. 44, datë 22.07.2015 “Për rrëzimin e ankesës”, me anë të të cilit rrëzonte kërkesën ankimore të paraqitur prej nesh me nr. 675 prot., datë 9.07.2015 me arsyetimin se “informacioni administrohet nga organizata të cilat në kuptim të këtij ligji dhe konform nenit 2 të tij, për nga mënyra e organizimit të tyre, funksionimit dhe kuadrit ligjor rregullator nuk përkufizohen si autoritete publike”.

Në mbështje të nenit 25 të ligjit nr. 119/2014 “Për të drejtën e Informimit” Instituti Shqiptar i Shkencave paraqiti padi në Gjykatën Administrative të Shkallës së Parë Tiranë.

Në përfundim të shqyrtimit gjyqësor, Gjykata Administrative të Shkallës së Parë Tiranë dha vendimin nr. 5687, datë 10.11.2015 (nr. rregjistri themeltar 5714 310004-05334-80-2015, me anë të të cilit vendosi:

“Rrëzimin e kërkesëpadisë së paditësit Instituti Shqiptar i Shkencave, të paditur Komisioneri për të Drejtën e Informimit dhe Mbrojtjen e të Dhënave Personale, Partia Socialiste e Shqipërisë, Partia Demokratike e Shqipërisë dhe Lëvizja Socialiste për Intergim dhe me objekt “Shfuqizimi i vendimit nr. 44, datë 22.07.2015 të Komisionerit për të Drejtën e Informimit dhe Mbrojtjen e të Dhënave Personale. Detyrimin e partive politike (subjekteve zgjedhore) Partia Socialiste, Partia Demokratike dhe Lëvizja Socialiste për Integrim t’i japë Institutit Shqiptar të Shkencave informacionin e kërkuar për financimin e fushatës zgjedhore, të kërkuar prej këtij të fundit në datën 09.06.2015, si të pabazuar në prova dhe në ligj.”

Ndaj vendimit të Gjykatës Administrative të Shkallës së Parë Tiranë, Instituti Shqiptar i Shkencave ka paraqitur ankim në Gjykatën Administrative të Apelit në datën 25 nëntor 2015.

Në datën 10.02.2016, Instituti Shqiptar i Shkencave paraqiti kërkesë me shkrim në Gjykatën Administrative të Apelit “për përshpejtimin e shqyrtimit gjyqësor të kësaj çështjeje në një afat kohor sa më të shpejtë që të jetë e mundur”. Nga objekti i padisë dhe rëndësia që ka ajo për interesin publik vlerësojmë se është e domosdoshme shqyrtimi i saj në një kohë të shpejtë, dhe jo në një periudhë disa vjeçare, për të cilën vetë objekti i padisë dhe shqyrtimi gjyqësor i saj humb aktualitetin.

Gjykata Administrative e Apelit nuk i ktheu përgjigje ndaj kësaj kërkese.
Në datën 31.03.2016 Instituti Shqiptar i Shkencave paraqiti kërkesë të dytë për përshpejtimin e gjykimit, dhe ende sot e kësaj dite nuk ka përgjigje nga Gjykata Administrative e Apelit.

Në Gjykatën e Strasburgut kërkohet që të vendoset se për shkak të tejzgjatjes së shqyrtimit të kësaj cështje në gjykatat shqiptare (ende nuk ka vajtur cështja në Gjykatën e Lartë) ka shkelje të procesit të rregullt ligjor sipas nenit 6 të Konventës dhe se në legjislacionin shqiptar nuk kemi mjete efektive sipas nenit 13 për të kërkuar dhe mundësuar gjykimin e shpejtë të cështjeve të tilla.

Kërkesa e Plotë për Gjykatën e Strasburgut

Kërkohen bashkëpuntorë: Data Analist për të dhëna mbi shoqëritë tregtare

Data Analist për të dhëna mbi shoqëritë tregtare

Kush mund të aplikojë: Student Master për Drejtësi, preferohet e Drejtë Biznesi, ose student Shkolla e Avokatisë.

Kritere: mesatare mbi 9. Nota në lëndët e Drejtë Tregtare dhe e Drejtë Shoqëri Tregtare të jetë 10. Aftësi për të analizuar dhe ekstraktuar të dhëna të regjistrit tregtar. Njohuri mbi Kodin Tregtar dhe Ligjin për Shoqëritë Tregtare.

Preferohen individ të trajnuar në auditim ligjor të shoqërive të biznesit. Preferohen individ që janë të aftë të rriten profesionalisht duke mësuar gjatë punës.

Dërgoni një CV dhe një paragraf motivimi (jo më shumë se 250 fjalë) në adresën [email protected] titulli i emailit CV Data Analist për të dhëna mbi shoqëritë tregtare.

Kërkohen bashkëpuntorë me kohë të pjesshme : Data Analist për të dhëna mbi kriminalitetit, vëllimi, trendi dinamika.

Data Analist për të dhëna mbi kriminalitetit, vëllimi, trendi dinamika.

Kush mund të aplikojë:  Student Maste për Drejtësi, Profili e Drejtë Penale ose student në Shkollën e Avokatisë.

Kritere: Mesatare fakulteti mbi 9. Nota e tre viteve shkollë e mesme për lëndën matematikë duhet të jetë 10. Njohuri shumë të mira mbi të drejtën penale, aftësi për të artikuluar, aftësi në analizë, të ketë formuluar të paktën një ese apo detyrë kursi bazuar në analiza sasiore/statistikore mbi fenomene kriminale.

Preferohen student të fakultetit publik. Preferohen individ që janë të aftë të rriten profesionalisht duke mësuar gjatë punës. Dërgoni një CV dhe një paragraf motivimi (jo më shumë se 250 fjalë) në adresën [email protected] titulli i emalit CV Data Analist për të dhëna mbi kriminalitetit, vëllimi, trendi dinamika.

Trajnim për përdorimin e ICT tools për të rritur transparencën për buxhetet dhe shpenzimet e njësive të qeverisjes vendore.

Ky trajnim u mbajt në datën 13 shtator, në ambientet e Doro City Hotel…

Kontrolli i Konfliktit të Interesit hapen të dhëna të deklarimit të Pasurisë për drejtues të lartë të Bankës së Shqipërisë.

Në kuadër të projektit tonë Money Government and Politisc MGP në rubrikën Para dhe Pushtet jan publikuar të dhëna për deklarime të pasurisë së drejtuesve të lartë të Bankës së Shqipërisë. Këto deklarime hedhin dritë mbi interesa pasurore dhe ekonomike të zyrtarëve të lartë që kanë në dorë politika bankare tepër të rëndësishme për vendin. Të dhënat zbardhin strukturën e pasurive dhe të ardhurave, burime të pasurive të vëna gjatë viteve nën detyrë dhe interesave ekonomike. Rubrika Para dhe Pushtet, i hap dhe i bën të monitorueshme të dhënat të pasurisë, të ardhurave dhe shpenzimeve të zyrtarëve të lartë publik. Po në këtë rubrikë janë përditsuar të dhëna për deklarime të ardhura dhe shtesa pasurie në vitin e fundit për deputet të Kuvendit të Shqipërisë.

Prokurime të Sektorit të Shëndetit Publik për 2016

Përmes projektit Public Health Sector Procurements është finalizuar ndërtimi i një databaze të mirëstrukturar që shërben si intrument për transparencë, informim, kontroll qytetar dhe reagim mbi prokurime[1] të Sektorit të Shëndetit Publik për 2016. Të dhënat e kësaj databaze, për çdo procedurë prokurimi të shpallur dhe realizuara që prej datës 1 janar 2016, update-ohen në kohë reale[2]. Databaza shërben si një instrument për atikorrupsion. Gazetari dhe argument publik i bazuar në fakte është qëllimi final i krijimit të kësaj databaze të mirëstrukturaruar. Informacioni është  shterrues për çdo prokurim publik për sektorin shëndetësi, për çdo institucion të politikave dhe shërbimeve të shëndetit publik përfshi edhe Institutin e Sigurimit të Kujdesit Shëndetësorë ISKSH si një institucion i skemës së detyrueshme publike.

Për çdo tender është krijuar një pasaportë me informacion mbi autoritetin prokurues, vlerën e parashikuar, objektin e kontratës, afatet për konkurrim, llojin e kontratës, llojin e procedurës, numrin e konkurrentëve dhe operatorin ekonomik fitues. Informacioni bëhet i analizueshëm falë filtrave të kërkimit sipas elementëve të shënuar më lart. Prokurime të çdo lloji dhe çdo vlere do të jenë të kontrollueshme për publikun në kohë reale dhe sipas open contracting data standard

Donator :  Programi i Granteve të Vogla i Komisionit për Demokraci i Ambasadës së SH.B.A.-së në Tiranë

[1] Tender të hapur, Kërkesa për propozim, Negocime të Drejtpërdrejta, Prokurime të Partneritetit Publik Privat, konsulenca dhe Ankande.
[2] Çdo ditë do të hidhen njoftime për Prokurime Publike dhe ku njoftim do të update me të dhëna të tjera që kanë të bëjnë me oferta, ankesa, anulime, shpallje  fituesi apo lidhje kontrate.

‘Civil Society Monitoring Public Procurement and Contracts’ Workshop Tirana, 29 July 2016

AIS organized on 29 July 2016, in Tirana, a Workshop on Civil Society Monitoring Public Procurement and Contracts.