TRANSPARENCY, ACCOUNTABILITY AND CIVIC ENGAGEMENT
AIS Newsletter Mars 2022
Projeksion: Shqipërisë i duhet edhe një shekull për të mbërritur mesataren e të ardhurave për frymë të BE-së Prokurimet Publike dhe Fushata Zgjedhore 2021, NdiqParate.al: Në Prag fushate, 28% e Tenderëve u bënë pa Garë të Hapur Open Data Albania: Rriten me 173 % klikimet, qytetarët interes për analiza ekonomike e të dhëna transparente
Projeksion: Shqipërisë i duhet edhe një shekull për të mbërritur mesataren e të ardhurave për frymë të BE-së
Shqipëria mund të arrijë nivelin e të ardhurave për frymë të mesatares së vendeve të Bashkimit Europian pas një shekulli. Ky është një projeksion ekonomik i realizuar nga analistë të Open Data Albania, duke vlerësuar tre skenar të rritjes ekonomike dhe afrimit të nivelit të të ardhurave për frymë të Shqipërisë me BE-në. Analizat që publikohen tek #OpenDataAlbania kanë për qëllim të furnizojnë debatin dhe opinionin publik me fakte dhe argumente të bazuara. Të tjera analiza ekonomike për Shqipërinë krahasuar me vende të tjera i gjeni tek NdiqParate.al. Artikulli është publikuar në kuadër të aktiviteteve të Organizatës, për të ndihmuar të rinjtë të bëhen pjesë e artikulimit dhe debatit publik, të bazuar në të dhëna të hapura.
.
Prokurimet Publike dhe Fushata Zgjedhore 2021, NdiqParate.al: Në Prag fushate, 28% e Tenderëve u bënë pa Garë të Hapur
Portali Open Data Albania ka analizuar të gjitha procedurat tenderuese me fonde publike përgjatë viteve 2020 dhe 2021, vëllimin e tyre dhe identifikimin e fondit limit, të kontraktuar pa garë të hapur. Ajo çka u konstatua në analizë është se, viti 2020 dhe semestri që paraprin fushatën zgjedhore 2021 ka në tërësi vlerë monetare të prokuruar 150% më lartë se vitet e zakonshme. Kjo dëshmon për një mbipërqendrim fondesh për tenderim në prag të periudhës zgjedhore. Kjo vlerë mbetet e lartë, edhe pa llogaritur fondin special të Programit të Rindërtimit pas tërmetit. Në vigjilje të fushatës (semestri 2020) përqindja e fondit limit të kontraktuar me Procedurë të Limituar, apo Negocim pa shpallje(tender pa garë të hapur) shënoi 28% të totalit të Fondit, ndërsa viti pasardhës shënon më pak 13.1%.
Open Data Albania: Rriten me 173 % klikimet, qytetarët interes për analiza ekonomike e të dhëna transparente
OpenData, akses dhe transparencë për Sektorët e rriskuar nga Korrupsioni Open Data, Access and Transparency over sectors exposed to Risk of Corruption - ky është projekti që po zbaton Organizata jonë me mbështetje të Sida - Sweden International Development Cooperation Agency. Programi ka dy komponent: Rritje e transparencës mbi paratë publike dhe Fuqizim të të Rinjve kundër korrupsionit, përmes edukimit qytetar dhe forcimit të modeleve i verifikimit të fakteve. Në muajt e fundit, në databazën NdiqParate të OpenDataAlbania janë publikuar disa analiza me të dhëna të hapura dhe transparente në ekonomi, edukim, financa publike,Koncesionet PPP, shëndetësi dhe energjetik. Në tre muajt e fundit artikujt e publikuar kanë bërë që vizitorët unik në web të rriten me 173% nga periudha pararendëse.
Albanian Institute of Science
Supported from
