TRANSPARENCY, ACCOUNTABILITY AND CIVIC ENGAGEMENT
AIS Newsletter Janar 2024
Fuqizimi i të Rinjve Kundër Korrupsionit – Edukim Qytetar dhe Përmirësim të modelit për kontroll të fakteve Konferencë mbi Mbikëqyrjen e Financave Publike, Rolin e Parlamentit, Institucioneve të Pavarura dhe Shoqërisë Civile Publikimi i Indeksit të Perceptimit të Korrupsionit nga TI, organizata AIS komenton në media Problematika të Shtetit të së drejtës dhe Pavarësisë së Institucioneve
Fuqizimi i të Rinjve Kundër Korrupsionit – Edukim Qytetar dhe Përmirësim të modelit për kontroll të fakteve
AIS punoi me 45 student dhe profesionist të rinj duke i fuqizuar ata në përdorimin e të Dhënave të Hapura; vlerësimin e fakteve dhe krijimin e evidencave. OpenData Fellowship Network, Voicing Youth for Anti – Corruption funksionoi si program tre vjeçare 2021 – 2023 me cikël trajnimesh, evente kreative, sesione informuese, DataThons, dhe MasterClasses. Programi synoi edukim qytetar dhe fuqizim të të rinjve në mbledhjen dhe analizën e të dhënave, sikurse prezantimin e gjetjeve në publik dhe përgatitjen e artikujve për blogun FollowtheMoney (Data.al ).Disa nga Anëtarët e Fellowshipit u punësuan në periudha të shkurta, 3 deri 6 muaj si analist të rinj pranë organizatës duke fituar eksperiencë dhe kompetencë në analiza të bazuara në të dhëna. Ky Program u mbështet në trevjeçarin 2021 – 2023 nga Ambasada Suedeze në Tiranë përmes fondeve të Swedish Internacional Development Cooperation Agency Sida, dhe mbetet një program në Kërkim Fondesh për vitin 2024.
Konferencë mbi Mbikëqyrjen e Financave Publike, Rolin
e Parlamentit, Institucioneve të Pavarura dhe Shoqërisë
Civile
AIS organizoi në datën 31 Janar Konferencën me titull Mbikëqyrja e Shpenzimeve Publike dhe Roli i Parlamentit, Institucioneve të Pavarura dhe Shoqërisë Civile. Në konferencë morën pjesë Deputet dhe Drejtues në Komisione Parlamentare, Titullar pranë Kontrollit të Lartë të Shtetit, Zyrtarë në Institucione të Pavarura, Përfaqësues nga Ambasadat dhe Organizmat e huaja, nga Shoqëria Civile, Media dhe Universitetet. Në dy panelet e Konferencës u prezantuan një Dokument Politikash Mbikëqyrja Parlamentare e Financave Publike nga Kontrolli i Lartë i Shtetit; dhe një Raport Analize Roli i Parlamentit në mbikëqyrje të hartimit, ekzekutimit dhe efektivitetit të Politikës Fiskale. Gjetjet dhe Rekomandimet e Ekspertëve u shoqëruan me debat, qëndrime dhe opinione nga Panelist dhe Pjesëmarrës. Ky event i përket Projektit Rritja e Përgjegjshmërisë së Parlamentit ndaj Shqetësimeve të Qytetarëve, Projekt i mbështetur nga Ambasada Britanike në Tiranë dhe zbatuar nga një konsorcium drejtuar nga IDM në partneritet me Citizens Channel dhe AIS. Më herët AIS ka organizuar workshop-e me përfaqësues të shoqërisë civile në zona të ndryshme të vendit.
Publikimi i Indeksit të Perceptimit të Korrupsionit nga TI, organizata AIS komenton në media Problematika të Shtetit të së drejtës dhe Pavarësisë së Institucioneve
Në datën 30 Janar, Transparency International Publikoi Indeksin e Perceptimit të Korrupsionit për vitin 2023, ku Shqipëria ka vetëm një pikë përmirësim dhe renditet në vendin 98 nga 180 vende. Drejtorja e AIS, Aranita Brahaj e ftuar në A2 CNN Albania komentoi mbi situatën dhe pozicionin e Shqipërisë. Vendi qëndron në një pozicion vendnumëro pa shumë përparim dhe problemet me Shtetin e së Drejtës dhe Pavarësinë e Pushteteve janë evidente u shpreh Brahaj. Roli i Parlamentit në mbikëqyrje të Ekzekutivit është ende i dobët dhe shpesh jo ekzistent. Brahaj u shpreh edhe për krijimin e Ministrisë Antikorruspion duke theksuar se një Njësi e Fortë Antikorrupsion duhet të jetë strukturë e pavarur dhe jo pjesë e Ekzekutivit. Forcimi i Institucioneve të Pavarura si Kontrolli i Lartë i Shtetit (KLSH) apo Inspektorati i Lartë i Deklarimit të Kontrollit të Pasurive dhe Konfliktit të Interesit (ILDKPKI) do të ishte një proces më i dobishëm.
Albanian Institute of Science
Supported from
