TRANSPARENCY, ACCOUNTABILITY AND CIVIC ENGAGEMENT
AIS Newsletter Nentor & Dhjetor 2020
AIS i propozon Qeverisë krijimin e Regjistrit Elektronik për Magjistratët, AKSHI ngre grup pune për zbatim. Dita Kundër Korrupsionit, Open Data Albania vlerësohet me Çmim për Civil Society Action. Nëntor - Dhjetor dhe Situata Covid, Shqipëria hyn në një fazë kritike, Rritet numri i Vdekjeve
AIS i propozon Qeverisë krijimin e Regjistrit Elektronik për Magjistratët, AKSHI ngre grup pune për zbatim.
Një Regjistër Magjistratësh, me të dhëna, dokumenta dhe informacion për Gjyqtaret dhe Prokuroret Shqiptar është kërkesë e Ligjit që në vitin 2016, vit i miratimit të Paketës Ligjore për Reformën e Drejtësisë. Ky regjistër bën të mundur arkivimin me kujdes të të gjithë dokumentave dhe informacioneve që lidhen me integritetit, performancën dhe figurën e Gjyqtarëve dhe Prokurorëve. AIS ka konstatuar që dy institucionet Këshilli i Lartë i Prokurorisë dhe ai Gjyqësor nuk kanë bërë ndonjë përpjekje për krijim të regjistrit në format elektronik. Për këtë Arsye i është kërkuar zyrtarisht qeverisë të angazhohet për këtë databazë, me rëndësi për besimin publik dhe integritetin e Sistemit të Drejtësisë së Reformuar. Axhensia Kombëtare e Shoqërisë së Informacionit ka ngritur një grup pune dhe pritet të startojë procesin. Ndërhyrja lidhet me katër etapa: Plotësim Akte Nën Ligjore; Infrastrukturë Software; infrastrukturë Hardware dhe kapacitete staf implementues. AIS ka krijuar web-databazën Akses Info Drejtësi si një model pilot për tu konsideruar nga Institucionet.
Dita Kundër Korrupsionit, Open Data Albania vlerësohet me Çmim për Civil Society Action.
Java e Integritetit dhe Dita Botërore kundër Koruspionit janë finalizuar me disa çmime vlerësimi për aktor të rëndësishëm dhe aktiv në vend. Organizata jonë e njohur si promotore e Open Data Albania u vlerësua me çmimin për Civil Society Action . Çmimi është dhënë me motivin Si Kontribues në fuqizimin e llogaridhënies dhe përmirësimin e politkëbërjes. Gjithashtu për kontribut në Promovimin e Transparencës, Llogaridhënies dhe Pjesëmarrjes Qytetare përmes përdorimit të inovacionit dhe teknologjisë së informacionit. Java e Integritetit është një Iniciative e ICC Albania me mbështetje të Ambasadës së Mbretërisë së Holandës; Delegacionit të EU në Tiranë; Ministrisë së Drejtësisë dhe partner Mediatik A2CNN. Për vlerësim u nominuan 15 aktor të rëndësishëm.
Nëntor - Dhjetor dhe Situata Covid, Shqipëria hyn në një fazë kritike, Rritet numri i Vdekjeve
Numër në rritje i vdekjeve në spitalet Covid – 19 është shënuar javët e fundit. Të dhënat e përpunuara në grafikët e Open Data Albania flasin për rritje disafish në krahasim me muajt nga Marsi deri në Tetor. Në muaji Nëntor janë shënuar në vendin tonë 301 vdekje në spitale me diagnozën Covid 19. Në muajin dhjetor të vdekurit janë mesatarisht 15 çdo ditë. Deri me 31.12.2020 vetëm 8.98% e totalit të popullsisë kanë siguruar një testim, dhe rreth 2% e popullsisë ka rezultuar e infektuar nga Marsi deri Dhjetor. Të dhënat janë sipas raportimit të Autoriteteve Shtetërore, ku nuk shënohen personat e vdekur gjatë mjekimit në një spital të huaj, personat që vdesin të sëmurë, pasi janë fillimisht me Covid 19 por të verifikuar më tej si negative në tampon dhe të vdekur në spitale me pasoja afatgjata të sëmundjes. Në datën 30 Nëntor, të infektuar aktiv në vend janë 18 523 ose më saktë 49% e totalit të infektimeve nga fillimi I Pandemisë në Muajin Mars. Të dhënat përditësohen në faqen e Open.Data.Al/Covid-19/.
Albanian Institute of Science
Supported from
