Za’Lart 2017 Newsletter - Qytetarët raportojnë me video parregullsi zgjedhore.

Në platformën për raportime qytetare Za’Lart 2017 kana mbërritur në ditët e fushatës zgjedhore për procesin e datës 25 Qershor disa video dhe audio me fakte për problematika, shkelje dhe korrupsion zgjedhor. Të spikatura kanë qenë disa raportime Video dhe Audio tashmë të vendosura edhe në kanalin You Tube të platformës . Nga më të spikaturat që do të duhet të zbardhen dhe ndiqen në vijimësi për ecurinë e tyre në investigim administrativ dhe penal:

Në Shkodër ka patur raportime me video për blerje vote dhe shpenzime të ekzagjeruara sikurse për abuzim me asete dhe para publike. Në këtë zonë janë parë në fushatë drejtor të administratës në nivel qendror dhe lokal duke punuar dhe artikuluar për krah të ndryshëm politik. Në një video të disa banorëve në Malësinë e Madhe është raportuar se policia bashkiake e kësaj bashkie ka ushtruar presion ndaj banorëve me qëllim pasjen e votës së tyre . Gjithashtu nga Shkodra me video janë raportuar ankesa dhe denoncime të personave të përmbytur ndër vite të cilët presim rimbursimin për dëmet e shkaktuara. Ata pretendojnë se fati i rimbursimeve për dëmet e shkaktuara është i lidhur me pranimin e tyre për të votuar familjarisht një forcë politike të caktuar.

Po nga Shkodra në disa raste me video janë sjellë dëshmi të qytetarëve që artikulojnë se në vite të mëhershme kanë marrë para për votën dhe kanë të njëjtën pritshmëri për këtë vit. Ata deklarojnë se një pagesë për votën familjare është një mundësi e madhe për mbijetese dhe ushqim për një deri dy muaj në kushte të një varfre ekstreme .

Deputeti Tom Doshi ka artikuluar publikisht përgatitjen e 400 pakove ushqimore për familje në nevojë në Shkodër dhe po me video është raportuar shpërndarja e tyre .