TRANSPARENCY, ACCOUNTABILITY AND CIVIC ENGAGEMENT
AIS Newsletter Nëntor 2018
Dekriminalizimi, një instrument me të dhëna për rekorde të vetë deklaruara nga DeputetëtTrajnim për Inspektorë të ILDKPKI, rriten kapacitetet mbi modele dhe sisteme të deklarimit onlineTPPR: Portalet Shqiptare me të dhëna të hapura, cilat janë alternativat?
Dekriminalizimi, një instrument me të dhëna për rekorde të vetë deklaruara nga Deputetët
AIS ka krijuar një instrument që bën të mundur transparencën e rekordeve që lidhen me integritetin e përfaqësuesve të Kuvendit. Ky instrument konsiston në një databazë të mirë strukturuar me të dhëna të vetë deklaruara nga Anëtarë të Kuvendit dhe Anëtarë të Këshillit të Ministrave të dalë pas zgjedhjeve të 2017. Publikimet janë në një format të hapur të lehta për t'u gjetur, kuptuar, përdorur dhe ripërdorur. Të dhënat janë pjesë e Deklarimit të bërë në respekt të ligjit të Dekriminalizimit, Nr 138/2015 “Për Garantimin e Integritetit të Personave që Zgjidhen emërohen ose Ushtrojnë funksione Publike”. Ky informacion ndihmon në vlerësimin e figurës së personave të zgjedhur dhe përfaqësues në Legjislativ.
Trajnim për Inspektorë të ILDKPKI, rriten kapacitetet mbi modele dhe sisteme të deklarimit online
Në kuadër të projektit të USAID Albania, Transparenca në Sistemin Shëndetësor, THE, AIS si partner lokal në projekt organizoi një workshop me Inspektorë të Inspektoratit të Lartë të Deklarimit dhe Kontrollit të Pasurive dhe Konfliktit të Interesave. Tema ishte "Modelet e Praktikave më të Mira të Sistemeve të Deklarimit të Pasurive për Maksimizimin e Transparencës". Ky workshop u mbajt në datën 29 Tetor në Tiranë. Shtesat dhe ndryshimet në Ligjin Nr. 42/2017 "Për Deklarimin dhe Kontrollin e Pasurive, të Detyrimeve Financiare të të Zgjedhurve dhe disa Nëpunësve Publikë” parashikojnë tashmë plotësim dhe publikim online të deklarimit të pasurisë nga zyrtarë dhe të zgjedhur të nivelit të lartë. Qëllimi i workshop-it ishte rritja e kapaciteteve dhe njohurive mbi sfida të vendeve të tjera në aplikimin e sistemit online të deklarimit dhe kontrollit publik.
TPPR: Portalet Shqiptare me të dhëna të hapura, cilat janë alternativat?
Portalet me të dhëna të hapura Open Data janë një nga standardet e transparencës, llogaridhënies dhe mirëqeverisjes. Kryesisht qeveritë janë të angazhuara në hapjen e të dhënave publike, por Open Data gjithnjë e më shumë po aplikohet edhe nga organizma jofitimprurës, biznese dhe institucione akademike. Portalet Shqiptare që ofrojnë Open Data janë disa. Këto portale hapin (disclose) të dhëna të thesarit të shtetit, të dhëna të kompanive koncensionare, të dhëna mbi prokurime dhe mbi sektorin e Shëndetësisë. Website-i zyrtar i Vlerësimit të Transparencës së Prokurimeve Publike (Transparent Public Procurement Rating-TPPR ka bërë një përmbledhje mbi Portalet Shqiptare me të Dhëna të Hapura.
Albanian Institute of Science
Supported from
