TRANSPARENCY, ACCOUNTABILITY AND CIVIC ENGAGEMENT
AIS Newsletter Korrik-Gusht 2024
Keqpërdorimi i Financave Publike në Zgjedhje, tre OJF propozojnë përmirësim ligjor dhe Reformë Zgjedhore Konsultimi Publik mbi Draft Strategjinë Antikorrupsion. AIS propozon përfshirje të Shoqërive me Zotërim Publik SOC në listën e sektorëve me risk Pjesëmarrje Qytetare për Buxhetim të Drejtë. 107 aktivist në Veri të Shqipërisë pjesëmarrës në Programin për Rritje Kapacitetesh
Open Data FellowShip Youth Network, punojmë me të rinjtë për rritje kapacitetesh
Keqpërdorimi i Financave Publike në Periudha Zgjedhore me qëllim korruptim i zgjedhësve, përbën fenomen me rrisk për Zgjedhje të Drejta. Tre Organizata të Shoqërisë Civile i janë drejtuar zyrtarisht Parlamentit. AIS promotor e Open Data Albania; Shoqata për Kulturë Demokratike dhe Qendra Shqiptare për Kërkime Ekonomike ACER i kanë kërkuar Parlamentit të konsiderojë me Prioritet rregullimin e nenit 91 pika 4 dhe 5, Ligji Nr. 10019/2008 Kodi Zgjedhor. Kjo me qëllim për të Garantuar Mospërdorim Abuziv të Fondeve Publike për Interesa Partiake në Zgjedhje. Pagesa nga Thesari i Shtetit përmes granteve individuale në data zgjedhore, rrezikojnë të krijojnë influencë të padrejtë të forcës politike në pushtet. Organizata AIS, me herët gjatë fushatës zgjedhore 2021 ka denoncuar dhe litiguar .
Konsultimi Publik mbi Draft Strategjinë Antikorrupsion. AIS propozon përfshirje të Shoqërive me Zotërim Publik SOC në listën e sektorëve me risk
AIS morri pjesë në Konsultimin Publik për Draft Strategjinë Kombëtare Anti-korrupsion organizuar nga Ministria e Shtetit për Administratën publike dhe Antikorrupsionin. Në takim AIS kërkoi të shtohet një Objektiv Specifik në Strategji, konkretisht: Depolitizimi dhe Përmirësimi i Kontrollit dhe Integritetit të Ndërmarrjeve me Zotërim Publik SOC. Ky propozim është depozituar edhe me Shkresë si pjesë e Konsultimit të Strategjisë nga Shoqëria Civile. Sektori i SOC-ve ka defekte të theksuara në Drejtim Menaxherial dhe Kontroll Financiar. Administratorët e SOC emërohen drejtpërdrejt pa kriter meritokracie nga titullar politik Ministra dhe Kryebashkiak. Organizata AIS prej 2016 ka mirë-strukturuar të dhëna të SOC-ve duke krijuar një databazë me evidenca se si menaxhohen dhe performojnë SOC-et. Kontrolli Financiar i aseteve të Shoqërive nuk po ushtrohet, ndërsa legjislacioni për Privatizimin e Pronave Shtetërore ka mbivendosje dhe rregullime të munguara.
Pjesëmarrje Qytetare për Buxhetim të Drejtë. 107 aktivist në Veri të Shqipërisë pjesëmarrës në Programin për Rritje Kapacitetesh
107 përfaqësues të shoqërisë civile dhe medias lokale në Rajone të ndryshme të Veriut të Vendit, kërkojnë një Parlament më të vëmendshëm ndaj nevojave për Buxhetim në Bashki të vogla e periferike. Organizata AIS si pjesë e konsorciumit që zbaton programin Rritja e Përgjegjshmërisë së Parlamentit ndaj shqetësimeve të Qytetarëve, Projekt i mbështetur nga Ambasada Britanike në Tiranë, ka përmbyllur një cikël trajnimesh me aktivist në Lezhë, Malësi e Madhe, Kamëz, Kukës , Shkodërdhe Peshkopi. Sfida të emigrimit, tkurrjes së popullsisë, infrastrukturës arsimore dhe mbrojtjes sociale ishin aspekte për të cilat qytetarët pretendojnë më shumë dialog me Deputetët dhe Parlamentin. Po njësoj pas publikimit të Rezultateve të Census 2023, shumë qytetarë të Bashkive me tkurrje popullsie, kanë kërkuar rishikim të Formulës që ndan Transfertat e Pakushtëzuara në Buxhetin e Shtetit. Aktivist Civil u trajnuan për rritje kapacitetesh dhe njohuri mbi Instrumente të pjesëmarrjes së qytetarëve në Parlament dhe dialogut për Planifikimin e Drejtë të Buxhetit të Shtetit
Albanian Institute of Science
Supported from
