Kronika ne Top Channel për Shell Companies

Gazetarja: Një pjesë e mirë e koncesioneve në vlera të mëdha monetare dhe në afate të gjata në vendin tonë, i janë dhënë kompanive guaskë, të cilave nuk u dihen aksionerët dhe janë të regjistruara në vende si Holanda.

Aranita Brahaj: N.q.s. ne do të shikojmë vetëm 11 kontrata konçensionare, të cilat kanë mbështetje nga buxheti i shtetit, ne do të shohim që ndër 11 kemi një numër të lartë, ndoshta 50% e tyre, të cilat janë kompani për të cilat ne nuk e kemi të qartë se cilët janë zotëruesit apo paketat e tyre kontrolluese janë të regjistruara në vende të cilat veprojnë për sisteme guackë (shell) kompani ose off shore.

Gazetarja: Sipas znj. Brahaj nuk ka vullnet të autoriteteve për të kontrolluar integritetin e këtyre kompanive të huaja të cilat fitojnë shuma të mëdha monetare në vendin tonë. Këto kompani nuk duhen lejuar të mbështeten me fonde publike.

Aranita Brahaj: Nuk ka asgjë të keqe ndoshta që të pranojmë kompani, të cilat ushtrojnë aktivitet tregtar në Shqipëri, kompani të cilat i rezervojnë të drejtën e konfidencialitetit për zotëruesit, por ama ky kriter nuk duhet të ekzistojë në momentin që këto kompani bëhen kontraktorë publikë.

Gazetarja: Mungesa e kontrollit të detajuar ndaj këtyre kompanive sipas Brahës lidhet edhe me interesa të caktuara të palëve.

Aranita Brahaj: Apo janë kompani të cilat, në ndonjë rast, mund të kenë edhe lidhje ose konflikt interesi, mund të jemi edhe në kushtet e State Capture që do të thotë shteti e ka lenë vetë me mungesë vullneti, pra qeverisja e ka lënë vetë me mungesë vullneti këtë praktikë të pakontrolluar ose disa mungesa në legjislacion për të lënë mundësinë që të ketë kontrata ku palë të caktuara, entitete të caktuara, përfitojnë dhe nuk kemi këtu një qeverisje në interes publik, por kemi një qeverisje e cila është në interes të palëve.

Gazetarja: Në fakt, në vendin tonë ka kompani të cilat nuk kanë ndonjë background në sektorë të caktuar, ndërkohë që shpallen fitues në atë fushë.