Mediat Shqiptare : Përgjimet e Antimafias Italiane për Influencë në Tender në Tiranë, 80 Prokurime u denoncuan për risk dhe korrupsion nga Open Procurement Albania.

Në muajin Janar janë disa portale që kanë përdorur të dhënat e databazave tona për raportime mbi çështje të korrupsionit dhe parregullsive. Në disa prej tyre bëhet një lidhje mes përgjimeve të bëra nga Antimafia Italiane ne 2017 (publikuar ne Itali Janar 2021), dhe tenderave të denoncuar me risk për parregullsi dhe korrupsion në databazën tonë për Prokurime Transparente. Në përgjimet të subjekteve të hetimit nga Antimafia Italiane, Individ të hetuar si anëtar të Organizatës Mafioze Ndrag’heta flasin për tendera të paravendosur dhe persona me influencë të dyshimtë pranë autoriteteve të Tiranës Zyrtare. Përgjimet u zbardhën publikisht në janar 2021 ne median italiane dhe u riprodhuan në mënyrë të pjesshme në Tiranë kryesisht nga portale mediatike apo freelands. Disa gazetar bënë lidhje logjike mes përgjimeve mbi “personazhe me influencë” apo “tendera klientelist” dhe listës të shënuar me risk për korrupsion algoritmi RedFlag në databazën tonë për Prokurime Publike.

Prej disa vitesh Organziata jonë ka krijuar databaza për monitorim të kontraktimeve publike në sektorët Shëndetësi, Infrastrukturë Kombëtare dhe Bashki. Duke hapur të dhënat në standartin OpenContracting krijohen mundësi për të vlerësuar automatikisht disa tendera që kanë mungesë gare, mungesë konkurrence, skualifikim të të gjithë operatorëve me ofertë ekonomike të leverdisshme. Këto tendera listohen dhe markohen me një Flamur të Kuq si tendera me risk të lartë për parregullsi dhe defekte të procedurës. RedFlag Index tender është një instrument për denoncimin e korrupsionit, instrument krijuar nga shoqëria civile në vend.

Disa pasazhe nga Portalet mediatike janë si vijon:

Në shkrimet e mësipërm janë cituar databazat me të dhëna të hapura dhe transparente të organizatës AIS. Linja editoriale e shkrimit, argumentet edhe fakte të artikullit i përkasim medias dhe autorit ato jo domosdoshmërisht janë të konfirmuara nga OpenDataAlbania. Të dhëna të databazave tona i gjeni duke klikuar opencorporates.al spendingdata.al opendata.al openprocurement.al dhe aksesdrejtesi.al .

Përgjimet e Ndrag’hetas që përfshinë Bashkinë Tirane e Shëndetësinë – Çfarë dimë deri tani?

Exit.al ka publikuar në datën 21 Janar një Shkrim me Titull: Përgjimet e Ndrag’hetas që Përfshijnë Bashkinë Tiranë dhe Shëndetësisë.

Përmbajtja e Shkrimit si vijon:

Arrestimi i dhjetëra anëtarëve të grupit italian mafioz të ‘Ndrangheta-s, nxorri në pah lidhjen e tyre me zyrtarë të Bashkisë Tiranë e qeverinë Rama dhe përfshirjen e tyre në tendera korruptivë e leje ndërtimi. E gjithë skema e pastrimit të parave të Mafias Italiane në Shqipëri dyshohet se kap vlerën e 250 milionë eurove.
Dosja e plotë e përgjimeve është mbi 1000 faqe dhe pritet që në ditët në vijim të publikohen pjesë të tjera të saj.
Exit News sjell më poshtë një përmbledhje të plotë të atyre që dihen deri më tani.

Arrestimi. Në 18 janar, Antimafia Iitaliane arrestoi 50 anëtarë të grupit Italian mafioz të ‘Ndrangheta-s, në një operacion të nisur prej vitesh.

Mes të arrestuarve janë:
Kryetari i bashkisë së Rosarno në Kalabri, Giuseppe Idà,
Një këshilltar komunal i së njëjtës komunë, Domenico Scriva,
Sipërmarrësi kalabrez Antonio Gallo i njohur me nofkën ‘Princi’,
Ish-nëntenenti i Guadia di Finanzas Ercole D’Alesandro,
Sipërmarrësit Tomaso e Saverio Brutto që po përpiqeshin të hynin dhe në tregun shqiptar. Po ashtu, Tomaso Brutto është dhe këshilltar në komunën e Cattanzaros, ndërsa Saverio Brutto këshilltar në komunë Simeri Crichi në provincën e Katanzaros.
Po ashtu u arrestuan dhe shtatë shqiptarë, roli i të cilëve nuk dihet ende:

Edmond Baci, lindur në Shqipëri, banues në Catanzaro;
Henrik Baci, lindur në Shqipëri, banues në Shqipëri;
Odeta Hasaj, lindur në Shqipëri;
Bilar Hoxha, lindur në Shqipëri, banues në Shqipëri;
Alban Keta, lindur në Shqipëri, banues në Catanzaro;
Bledar Koçi, lindur në Tiranë, banues në Tiranë;
Memlin Voci, lindur në Shqipëri, banues në Catanzaro.
Përgjimet

Sipas përgjimeve të të arrestuarve, sipërmarrësit italianë të arrestuar kanë hapur biznese dhe në Shqipëri, veçanërisht në ndërtim dhe shëndetësi. Për këtë arsye, përfaqësuesit e mafies kanë përdorur si ndërmjetës politikanë italian, të cilët janë të lidhur me politikanët dhe zyrtarët e lartë në Shqipëri.
Në përgjime ka biseda për takime me zyrtarë të Bashkisë Tiranë apo ministra, të cilat në këmbim të rryshfetit do të jepnin tendera dhe leje ndërtimi për italianët.

Sipas OraNews, e cila ka zbardhur një pjesë të përgjimeve, sipërmarrësit Antonio Gallo dhe Antionio Speziali flasin me avokatin Claudio Larussa, përfaqësues i politikanëve Tomaso e Saverio Brutto për tu lidhur me zyrtarë pranë kryebashkiakut Veliaj. Qëllimi ishte marrja e lejeve të ndërtimit në qendër të qytetit, në zonën pranë Pallatit të Kulturës, ku çmimet e shitjes janë të larta. Në bisedë përmendet dhe marrja e tenderave në shëndetësi, për të furnizuar spitale me mjete spitalore.

Përgjimet e mëposhtme janë të datës 28.10.2017.

Në kokën e faqes numër 618 shkruhet:  “Gallo (Antonio) i shpjegon Spezialit, Larussa, e Brutti, mënyrën e veprimit në Shqipëri, për të marrë tendera në sektorin publik duke aluduar qartë ryshfetet.
Gallo: Ai është shqiptar është president i këtij grupi atje në Shqipëri.
Speziali: Dhe në spitale mund të punohet
Gallo: Nuk e di por ai është President i Sol në Shqipëri, të gjithtë spitalet, është pranë Kryeministrit, pranë Kryetarit të Bashkisë së Tiranës, është një njeri i rëndësishëm..
Qytetarët ngrihen t’i thonë jo shkatërrimit të trashëgimisë kulturore në Durrës
Speziali: Ka shkuar Claudio (Larussa) atje me kryetarin e Bashkisë së Tiranës..
Gallo: Po ka shkuar.
Speziali: Më thuaj, në Shqipëri, unë vërtet i kam impiantet por jam pak skeptik t’i çoj. Nëse i marrim e t’i çoj është mirë për mua, por jo që të ma hedhin. Duhet dërguar personi i duhur.
(Flasin për një person me emrin Nik, shtetas shqiptar.)
Gallo: Kam folur me këtë mikun tim Nik, që më ka thënë se tipi që mori tri licenca për të ndërtuar në Tiranë… ka tri licenca në duar e për 180 milionë që duan, për të bërë ka 10 milionë.
Speziali: Realisht
Gallo: Kërkojnë financues më tha. Gjejnë një sipërmarrës që është mirë dhe banka e financon. Mund të bëhen para pasi shiten 4 milionë 5 milionë për metër, gjysma e Tiranës.
Speziali: Apartamentet?
Gallo: Apartamentet. Ky ka në duar tri licenca gradaçelash, ky konstruktori.
Speziali: 4000 euro jo… 2700-2800 euro.
Brutto: Për atë Perëndi….në qendër të Tiranës?
Gallo:  Në gradaçelat e reja shiten 3800-4000 euro për metër katrorë. Kosto e di sa është kosto e vërtet? 510 euro.
Speziali: Po nëse e bën diçka luksoze..
Brutto: A a mund të flasim me këtë Nikun?
Gallo: Nëse je në Romë më 9 nëntor vjen. Është Presidenti i Grupit Sol në Shqipëri, i oksigjenit, ka lidhje me spitalet, me Enel, me të gjitha ka lidhje. E ma tha qartë se tenderat duan 20% -shin më tha. Por mund ta paguajnë ata (i referohet Nik).

Cili është Niku – kontakti në Shqipëri?

Sipas MCN TV, ‘Niku’ që përmendet në përgjimet e të arrestuarve në Itali është Besnik Halili. Ai njihet si person i afërt me kryebashkiakun Veliaj, por dhe me ministra të tjerë socialist.
Besnik Halili është pronari i vetëm i shoqërisë NCI shpk, si dhe përfaqësues i shoqërisë GTS-Gazra Teknike Shqiptare shpk, ku aksioner i vetëm është shoqëria italiane Sol s.p.a., e cila përmendet dhe në përgjime.
Besnik Halili është bashkëshorti i Luneda Sufalit, ish drejtoreshë e Agjencisë së Mbikëqyrjes së Lojërave të Fatit, AMLF, në vitet 2013-2015, sot drejtoreshë e Shërbimit Social Shtetëror.
Tenderat e fituar nga kompania GTS-Gazra Teknike Shqiptare shpk
Sipas të dhënave të Open Data Albania, kompania GTS ka fituar 80 tendera në fushën e shëndetësisë, me vlerë totale 7.5 milionë euro, pa TVSH.
Bie në sy fakti se GTS ka fituar të gjithë tenderat ku ka aplikuar. Të gjithë tenderat janë fituar me ofertë të njëjtë sa fondi limit i vënë në dispozicion nga institucionet.
Platforma Open Data Albania kishte ngritur disa herë alarmin se tenderat e fiuar nga GTS shpk ishin bërë në mungesë të konkurrencës, pra me vetëm GTS-në pjesëmarrëse në tender.

Në shkrimin e mësipërm janë cituar databazat me të dhëna të hapura dhe transparente të organizatës AIS. Linja editorial e shkrimit, argument edhe fakte të artikullit i përkasim medias dhe autorit. Të dhëna të databazave tona i gjeni duke klikuar opencorporates.alspendingdata.alopendata.alopenprocurement.al, dhe aksesdrejtesi.al

Te dhënat/ Si i fitoi kompania e përgjimeve të Ndragheta-s 80 tendera publik në Shqipëri, “Open Data” ngriti flamurin e kuq po askush nuk e dëgjoi

Dosja.al ka publikuar më 23 Janar 2021 artikullin me titull: Të dhëna / Si fitoi Kompania e Ndragheta-s 80 tendera publikë në Shqipëri, Open Data ngriti flamurin e kuq po askush nuk e dëgjoi

Nis marrja në pyetje e personave të përfshirë në aferën prej 250 mln € në Itali
Sipas të dhënave, kompania e përgjimeve të Ndragheta-s ka përfituar 80 tendera publikë në Shqipëri. Të gjitha në shëndetësi! Siç lexohet në dokument, numri i tenderave të fituar është 80.

 

ITALI– Garancia e Princit të Ndragheta-s, Antonio Gallos për të kryer korruptimin e qeverisë shqiptare dyshohet se është presidenti i grupit ‘Sol’ në Shqipëri, Besnik Halili! Kompania e cila njihet në vendin tonë dhe me emrin “GTS-Gazra Teknike Shqiptare shpk”, është tashmë në ‘lupën’ e autoriteteve pasi dyshohet se merrej edhe me pastrimin e parave. Sipas të dhënave nga ‘Open Data’ kompania e përgjimeve të Ndragheta-s ka përfituar 80 tendera publikë në Shqipëri. Të gjitha në shëndetësi! Siç lexohet në dokument, numri i tenderave të fituar është 80.


Tenderat e fituara janë të gjitha në fushën e shëndetësisë. Dosja.al sjell dhe dokumentin ku shihet skema e numrit total te tenderave sipas autoriteteve tenderuese.

‘Flamurin e kuq’ për këtë rast e ka ngritur ‘Open Data’ e cila është një platformë e hapur që shërben për katalogimin e të dhënave nga institucionet qeveritare. Në një dokument të bërë publik shihej qartë se kompania ‘GTS.SHPK’ ka përfituar tender në spitalin universitar ‘Shefqet Ndroqi’. Në të gjithë tenderat e zhvilluar nga Ministria e Shëndetësisë dhe strukturat vartëse, përfshirë Qendrën Spitalore Universitare Tiranë, për oksigjenin spitalor, fitues shpallet “GTS”.

U desh që autoritetet italiane të kryenin megaoperacionin në mënyrë që të zbulohej se në Shqipëri është një kompani që kryen pastrim parash dhe mbi të gjitha kryen lidhjen mes qeverisë shqiptare dhe figurave të grupeve mafioze!

Besnik Halili së bashku me figura të tjera të njohura në shtetin italian kanë dalë në dritë pas përgjimeve që u nisën nga finalizimit i megaoperacionit italian. Falë aksionit policor u vune në pranga 50 persona, biznesmenë, e anëtarë të klanit Ndrangheta që kishin lidhje me qeveritarë e biznesmenë në Shqipëri. Të gjithë akuzohen se janë pjesë e një afere korruptive prej 250 milionë eurosh.
Dosja.al

Në shkrimin e mësipërm janë cituar databazat me të dhëna të hapura dhe transparente të organizatës AIS. Linja editorial e shkrimit, argument edhe fakte të artikullit i përkasim medias dhe autorit. Të dhëna të databazave tona i gjeni duke klikuar opencorporates.alspendingdata.alopendata.alopenprocurement.al, dhe aksesdrejtesi.al

JOQ – |Harta e Oligarkëve të Shqipërisë| EMRAT që kanë marrë MILIONA EURO nga Taksat e Shqiptarëve (Sipas Qyteteve)

Vlerësimi i Riskut në Tenderime/ Bashkitë që 30% të vlerës së kontratave ia japin një Kompanie të vetme me negocim të drejtpërdrejtë

|FLAMUJ TË KUQ| Institucionet e Njësisë Vendore në Republikën e Shqipërisë, janë ndër ato që shpallin më shumë tendera abuzivë dhe siç ka treguar historia, tenderat me vlerë të vogël deri në mesatare, e përfitojnë familjarë apo miq të vetë atyre që punojnë aty, ndërsa procedurat publike me vlera të mëdha i hyjnë në xhep kryesisht oligarkëve të fushës së ndërtimit, atyre që zotërojnë kompani të pastrimit të plehrave apo gjelbërimit, e ndër to tenderat për mirëmbajtje sistemesh kompjuterike, apo rikonstruktimi rrugësh apo objektesh, janë mes atyre që kapin vlerat më të mëdha në bashkitë e vendit.

Negocimet e Drejtpërdrejta janë Kontrata Publike (që furnizohen me para publike) me risk të lartë për abuzime dhe përvetësim. Procedura me Negocim është procedura përmes së cilës autoriteti kontraktor i përzgjedh vetë operatorët ekonomikë dhe negocion kushtet e kontratës me një ose më shumë prej tyre. Kjo, thjesht e përkthyer në: “Para në dorë” me marrëveshje nga taksat e shqiptarëve, për klientin e preferuar. Të gjitha bashkitë e vendit kanë nga një klient të preferuar, i cili ka fituar 30% të vlerës së kontratave të një bashkie me procedurën Negocim i Drejtpërdrejtë.

BASHKIA TIRANË

Procedurë me Negocim

Përsa i përket Bashkisë Tiranë, në Procedurat e Tenderimit me Negocim, në total 12 MILIARD Lekë pa TVSH, VENDIN E PARË e mban e vetmja, e preferuara, klientja e Veliajt për kullat, rrugët dhe gjithçka tjetër, kush mund të ishte, veçse kompania e Shkëlqim oligarkut, “FUSHA SHPK” me mbi 3.3 MILIARD Lekë pa TVSH për vetëm 3 tendera.

Negocim Pa Njoftim

I vetmi i privilegjuar i kësaj lloje procedure tenderimi që kap në total mbi 2.3 MILIARD pa TVSH, padyshim që do të ishte kompania e pastrimit PASTRIME SILVIO e Fiqiri Allmuçës, me vetëm 2 tendera nga Bashkia Tiranë për blerje materialesh higjieno sanitare dhe dezinfektim me vlerë totale mbi 500 MILIONË Lekë me TVSH, të dy me REDFLAGS.

QYTETET SIPAS RADHËS | KOMPANITË E OLIGARKËVE QË KANË PËRFITUAR VLERAT MË TË LARTA TË TENDERAVE ME NEGOCIM

  1. FLORIAN BORSHI (BORSHI SHPK)- MBI 1 MILIARD LEKË PA TVSH, 56% TË TENDERAVE TË BASHKISË SHKODËR
  2. FATMIR KUÇI (VICTORIA INVEST SHPK)- RRETH 1 MILIARD LEKË PA TVSH, 52% TË TENDERAVE TË BASHKISË ELBASAN
  3. YZEDIN BOZHAJ (SHËNDELLI SHPK)- 845 MILION LEKË PA TVSH, 94% TË TENDERAVE TË BASHKISË GJIROKASTËR
  4. ADHURIM DUKA,VEIS DUKA (DUKA)- 752 MILIONË LEKË PA TVSH, 79% TË TENDERAVE TË BASHKISË VLORË
  5. LUAN KAPRI, BAJRAM ALLDERVISHI (REJ 3)- 530 MILION LEKË PA TVSH, 80% TË TENDERAVE TË BASHKISË POGRADEC
  6. DAVA KAZA, ZEF KAZA (AEK MUNELLA SHPK)- 387 MILION LEKË PA TVSH, 97% TË TENDERAVE TË BASHKISË MIRDITË
  7. LEJDI KOÇI, ENOR NAKUÇI, LINA SOKOLI (KREATX)- 234 MILION LEKË PA TVSH, 84% TË TENDERAVE TË BASHKISË DURRËS
  8. SHKËLQIM KUPA, QAMIL KUPA (KUPA SHPK)- 193 MILION LEKË PA TVSH, 33% TË TENDERAVE TË BASHKISË KAMËZ
  9. KLAJDI PALOKA (KLAJDI CONSTRUCTION)- 124 MILION LEKË PA TVSH, 35% TË TENDERAVE TË BASHKISË LEZHË
  10. KLARIDA SEMANJAKU (SUBJEKT FIZIK)- 118 MILION LEKË, 44% TË TENDERAVE TË BASHKISË FIER
  11. ASLLAN RUÇI (RUÇI)- 110 MILION LEKË PA TVSH, 70% TË TENDERAVE TË BASHKISË KLOS
  12. ARBEN GOLEMI (PROJECT & PEOPLE)- 105 MILION LEKË PA TVSH, 33% TË TENDERAVE TË BASHKISË BELSH
  13. NJAZI PRENÇI (REGLI SHPK)- 64 MILION LEKË PA TVSH, 45% TË TENDERAVE TË BASHKISË BULQIZË
  14. ARBËR ABAZI (ALKO IMPEX CONSTRUCTION)- 57 MILION LEKË PA TVSH, 72% TË TENDERAVE TË BASHKISË DEVOLL
  15. IRENA DERVISHI, GËZIM DERVISHI (ALFA 2 SHPK)- 33 MILION LEKË PA TVSH, 41% TË TENDERAVE TË BASHKISË BERAT
  16. MARSEL SHEGA, FATOS JAUPI, SHERIF KAPLLANI (VIOLA GREEN)- 14 MILION LEKË PA TVSH, 73% TË TENDERAVE TË BASHKISË PRRENJAS

BASHKIA SHKODËR

1.FLORIAN BORSHI (BORSHI SHPK)- MBI 1 MILIARD LEKË PA TVSH, 56% TË TENDERAVE TË BASHKISË SHKODËR

Florian Borshi është pronari i “BORSHI SHPK”, kompanisë që ka “mbretëruar” prej vitesh në bastionin e djathtë verior të Shkodrës. Le të themi që prej vitit 2006, ai është dendur me shuka parash NË DORË përsa i përket tenderave multimiliardësh të pastrimit me negocim të drejtpërdrejtë, me vlerë mbi 1 MILIARD Lekë pa TVSH për vetëm 7 të tillë.

Borshi, ndër 7 tenderat me lekë në dorë nga Bashkia e Shkodrës, ka përfituar në shkelje të plotë për mungesë konkurrence dhe mungesë gare negocim të drejtpërdrejtë, një tender më vlerë mbi 236 MILION Lekë pa TVSH.Gjatë viteve 2015-2018, Florian Borshi me kompaninë e tij ka përfituar mbi 3.6 MILIARD Lekë pa TVSH nga Thesari i Shtetit dhe vetëm për vitin 2019-2020 mbi 1.3 MILIARD Lekë pa TVSH.

Në kohën kur përfitimi nëpërmjet tenderave ishte një metodë e sapofutur në lojën politike dhe mediat nuk vinin në dispozicion të publikut informacion se si paratë e popullit u jepeshin klientëve të qeverisë, ishin vetë shkodranët ata të cilët demaskonin Borshin. “Bukur, bukur, Florian Borshi quhet personi që ka fituar tenderin për pastrimin e Shkodrës. Është e dyta a e treta herë që e “fiton” tenderin. Vetëm me lekët që duhet të pastronte vendin rreth koshave, ka blerë kohët e fundit një “JEEP” prodhim Limited, të ri akull, me ngjyrë të zezë, me kilometrazh 0. Nuk po flasim për ortakët e tjerë Xh. Sh (anëtar i këshillit bashkiak) dhe G.K”,- shkruanin shkodranët për patriotin e tyre multimiliarder në një raport ku shkruhej se Shkodra pavarësisht se hapte tendera pastrimit me lekët e qytetarëve të Shkodrës, rezultonte qyteti më i keqpastruar.

 

FLORIAN BORSHI (BORSHI SHPK)

Të djathët janë aktualisht në pushtet në Shkodër dhe Borshi vazhdoi i qetë “mbretërimin” e tij, derisa nisi të ndjente se pushteti po i ikte nga duart kur nipi i deputetit të PS Sadri Abazit, Arbër Abazi, me kompaninë e tij ALKO IMPEX CONSTRUCTION nisi t’i rrëmbente nga duart tenderat me të cilët ai ishte pasuruar deri më sot.

Kryebashkiakja e djathtë Voltana Ademi “e tradhtoi” kur i hoqi nga duart një tender BOSS-it të kompanisë së patrimit për t’ia dhënë miqve Rilindas, konkretisht Arbër Abazit, “dhuratë” kjo e cila ngjalli shumë polemika… Por megjithatë Florian Borshi nuk qëndroi “squk” dhe e paditi penalisht Voltanën për të rifituar MILIARDAT e tij dhe ia doli, BORSHI SHPK SUNDON SHKODRËN për tenderat me shkelje!

BASHKIA ELBASAN

2.FATMIR KUÇI (VICTORIA INVEST SHPK)- RRETH 1 MILIARD LEKË PA TVSH, 52% TË TENDERAVE TË BASHKISË ELBASAN

“VICTORIA INVEST” e Fatmir Kuçit është një prej kompanive që ka përfituar vlerat më të mëdha të parave të popullit shqiptar, si në nivel qendror ashtu edhe në atë vendor për pastrimin e Elbasanit. Aludime të shumta kanë ngjallur dyshime se pas kësaj kompanie qëndron vetë Lulzim Basha, pasi jo vetëm që kompania mban emrin e vajzës së tij, por për disa fakte që do i analizojmë më poshtë.

Në rang vendor, 13 tendera me Negocim të Drejtpërdrejtë nga Bashkia e Elbasanit, 10 prej tyre REDFLAGS për mungesë konkurrencë dhe gare, VICTORIA INVEST ka përfituar mbi 1 MILIARD Lekë pa TVSH!

Përsa i përket transaksioneve të derdhjes nga Thesari i Shtetit ka përfituar SHIFRAT E FRIKSHME për 3 vite (2015-2018) mbi 15 MILIARD LEKË PA TVSH! Dhe për vitin 2019-2020, mbi 4.4 MILIARD Lekë pa TVSH!

FATMIR KUÇI (VICTORIA INVEST)

Lidhja me Bashën, kush është Fatmir Kuçi?

Rezulton se Benzi me targë AA 111 EN me të cilin qarkullon Basha, është blerë nga Victoria Invest dhe pikërisht me këtë makinë, kreu i PD zbarkoi të takonte protestuesit e Astirit. Basha e ka patur mbështetje të fortë Kuçin në zgjedhjet elektorale të 2009-ës pasi ky i fundit e ka suportuar financiarisht për të barazuar numrin me 6 deputetë në Elbasan, gjatë kohës kur lideri i tanishëm i PD ka qenë koordinator i fushtës elektorale të Partisë Demokratike. Por tashmë duket se Kuçi i ka kthyer sytë nga PS dhe nuk po ngopet me tendera duke rrjepur të djathtë e të majtë.

Megjithëse person i njohur për drejtësinë shqiptare, asgjë nuk e ka ndalur Kuçin të përfitojë tendera në shkelje… Në vitin 2014-të, biznesmeni Fatmir Kuçi u procedua penalisht në gjendje të lirë për “shkelje të rregullave të lundrimit”, por e mbylli me një gjobë. Ky i fundit i shkaktoi vdekjen e Denis Kaiumov, një turisti rus në Livadh në vitin 2016 teksa e përplasi me skaf i preu gjymtyrët me helikën e mjetit lundrues. Për këtë u vu në pranga por arriti të dalë pas pak kohësh pasi tha se kishte probleme me zemrën.

Rrjedhin milliardat…

Historiku i përfitimeve të kësaj kompanie është i gjatë dhe tejet i përfolur. Segmentin e tretë prej 0.74 km të ndërtimit të Unazës së Madhe, e ka fituar pikërisht kompania “Victoria Invest Internacional & Viktoria Invest” me një vlerë prej 1.17 MILIARD Lekë pa TVSH. 15 MILIONË Euro të tjera pa garë, qeveria ia ka dhënë Victorias së Lulzim Bashës bashkuar me një kompani italiane, për rehabilitimin e Porto Romanos.

Emri i Fatmir Kuçit, del në tjetër lidhje të dyshimtë, atë me kompaninë “Victoria Marine LTD”. Nga publikimi i dokumenteve pas “Panama Papers”, rezulton se kjo kompani është e regjistruar në Maltë, vendi i parajsave fiskale.

Manipulimi me tenderat| Skema e shëmtuar për të përfituar para publike

Nuk di nga t’ia nisësh e nga ta përfundosh informacionin për VICTORIA INVEST, jo vetëm për lidhjet politike, por edhe ato skandalozet në prokurimet publike. Kompania e kumbarit të vajzës së Bashës, rezulton disa herë e vënë nën sekuestro për shkak mosmarrëveshjesh me kompani të tjera. Përmendim këtu kërkesën për hetim administrativ nga Bashkia e Kamzës, e cila pretendonte se kompania në fjalë kishte manipuluar dokumentacionin e paraqitur për pjesëmarrje në një tender të saj, në mënyrë që të kualifikohej në garë. “Victoria Invest” u përjashtua me një vit nga pjesëmarrja në koncesione dhe skema PPP (3 Gusht 2018-3 Gusht 2019).

2 KONCESIONE ME LIDHJE GJAKU

Kjo kompani është zotëruese e 2 KONCESIONEVE, Victoria Hydroenergy me administrator Endri Kuçin për ndërtimin e HEC-it të Lunikut 1 dhe 2 në Elbasan, dhe FINSEC PORT, për ndërtimin e portit të jahteve në Kalanë e Turrës, Komuna Synej, Kavajë (ky koncesion ka gjithashtu një afat 35 vjeçar dhe parashikon ndërtimin e një porti jahtesh me të paktën 800 vende akostimi, 150 apartamente dhe një hotel). Victoria Invest është nën zotërim të shoqërisë VICTORIA INVEST INTERNATIONAL të Valbona Kuçit, të ëmës së Endrit Kuçit, familjarë të Fatmir Kuçit. Adresa e kësaj dege është e njëjtë me atë të “Victoria Invest”, në të njëjtin kat, pallat, rrugë dhe lagje të qytetit të Elbasanit.

 

BASHKIA GJIROKASTËR

3.YZEDIN BOZHAJ (SHËNDELLI SHPK)- 845 MILION LEKË PA TVSH, 94% TË TENDERAVE TË BASHKISË GJIROKASTËR

“SHËNDELLI SHPK” e Yzedin Bozhajt është kompania që ka bërë namin me tenderat me “para dorë më dorë” në Gjirokastër për 2 tendera me Negocim të Drejtpërdrejtë për masa inxhinierike për parandalim rrëshqitje kodrash në zonë, të dy tenderat me vlerën E ÇMENDUR NË TOTAL PREJ 845 MILION Lekë pa TVSH, njëri prej tyre me shkelje për mungesë gare, negocim i drejtpërdrejtë dhe mungesë konkurrence.

 

Përpos faktit që kompania e Yzedinit merr miliona për parandalime rrëshqitjesh, që në të shumtën e rasteve këto tendera kanë objekt prokurimi inekzistent, nuk janë të pakta as MILIARDAT e përfituar ndër vite nga Thesari i Shtetit. Mbani frymën! Gjatë 3-vjeçarit (2015-2018), Shëndelli ka përfituar mbi 8 MILIARD Lekë pa TVSH dhe për një vit (periudha 2019-2020) mbi 3.6 MILIARD Lekë pa TVSH.

YZEDIN BOZHAJ (SHËNDELLI SHPK)

Çudia me SHËNDELLIN nuk mbaron këtu sepse kontratat për të nga Rilindja janë të pafundme, qofshin këto vetëm ose në bashkëpunim me “gllabërues” taksash publike, oligarkë me lidhje pushtetare… Në rang vendor, Bozhaj me kompaninë e tij ka fituar 8 MILIARD LEKË pa TVSH për 73 tendera. Tenderi më i frikshëm në bashkëpunim me GPG Company të oligarkut Paqsor Buzi, ME VLERË MARRAMENDËSE PREJ 6.5 MILIARDË Lekësh pa TVSH.


BASHKIA VLORË

4.ADHURIM DUKA, VEIS DUKA (DUKA)- 752 MILIONË LEKË PA TVSH, 79% TË TENDERAVE TË BASHKISË VLORË

“DUKA” me kurorë e vlonjatëve! Kompania e Adhurim dhe Veis Dukës është kompania e renditur në vend të 4-t në rang lokal, ndër kompanitë që kanë fituar tendera me Negocim të Drejtpërdrejtë, në shkelje. Bëni mirë të uleni, në rast se mos ju luhatet tensioni, para se të analizojmë në detaje shifrat e majme që ka marrë DUKA e Adhurimit… Janë VETËM 2 tenderat që ka marrë DUKA për pastrimin e Vlorës, të dy me para në dorë! Dhe nuk janë pak, por PLOT 752 MILIONË Lekë pa TVSH. Ajo që bie në sy është se të dy tenderat janë me flamuj të kuq, për mungesë gare dhe mungesë konkurrence, pra e thënë thjesht DUKË-s i ka mjaftuar të “kërcasë gishtat” për të përfituar shumat e majme.

Nga Institucionet Buxhetore të Shtetit, DUKA ka përfituar një THESAR plot me transaksione xhevahirësh, me plot gojën! 7.7 MILIARD Lekë pa TVSH për 3 vite(2015-2018) dhe për vetëm 1 vit (2019-2020), 3.7 MILIARD Lekë pa TVSH.

 

Adhurimi i Vlorës, i cili ka trashëguar kompaninë e të atit Veisit, nuk është ndalur vetëm në Bashki, por ka përfituar edhe plot tendera në sektorin e Shëndetësisë, pasi dihet që është maja e qershisë për oligarkët, si burimi nga ku dalin më shumë para. Kështu MBI 48 MILIONË Lekë pa TVSH i ka fituar nga Spitali Psikiatrik i Vlorës, të gjithë tenderat me objekt “Evadim i Mbetjeve Urbane”.

ADHURIM DUKA (DUKA SHPK)

Veis Duka, themeluesi i kompanisë, njihet si person me influencë dhe lidhje të fuqishme me biznesmenë në Vlorë, kryesisht në fshatrat Mallkeq, Vllahinë, Sevaster, Shushicë dhe Nivicë, ku për këtë të fundit ka kontribuar financiarisht për të krijuar një shoqatë.


BASHKIA POGRADEC

5. LUAN KAPRI, BAJRAM ALLDERVISHI (REJ 3)- 530 MILION LEKË PA TVSH, 80% TË TENDERAVE TË BASHKISË POGRADEC

Luan Kapri, djali i xhaxhait të ish-kryebashkiakut të Elbasanit Eduart Kapri nga radhët e djathta, është personi i cili ka në pronësi kompaninë REJ 3, me të cilën ka fituar vetëm një tender në shkelje (Para në Dorë! Pa garë, negocim midis institucionit prokurues dhe kontraktorit), nga rivali mavi i kushëririt të tij, kryebashkiaku aktual socialist i Pogradecit Ilir Xhakolli.

ILIR XHANGOLLI-EDUART KAPRI

S’ka asgjë të keqe deri këtu, se do mendoni ju ja del në pah lidhja PD-PS (hajt e kalojmë këtë), mund të mendoni edhe se hajt ç’bëri një tender kur ne na vjedhin miliardat, por pikërisht ky tender për pastrim-grumbullim të plehrave të qytetit ka vlerën marramendëse prej më shumë se GJYSMË MILIARDI Lekë pa TVSH.

 

REJ 3 me Administrator Bajram Alldervishin, është një prej klientëve të preferuar të qeverisë. E kthemi këtë pasi shifrat që ai ka përfituar nga Thesari i Shtetit ndër vite nuk u mbarojnë zerot nga pas. Për 3 vite gjatë periudhës 2015-2018, Luan Kapri ka përfituar 4.6 MILIARD Lekë pa TVSH, ndërsa vetëm për 1 vit (2019-2020) mbi 3 MILIARD Lekë pa TVSH!

 

Luan Kapri dhe lidhja me Gëzimin e Kashtës për KONCESIONIN

REJ 3 është zotëruese e një koncesioni me PPP, REJ ENERGY me administrator Gëzim Salillarin, që ka marrë përsipër ndërtimin e 3 HEC-eve, Cemerica 1,2,3.

Kompania “Rej 3” është krijuar në vitin 1994 nga Luan Kapri. Në vitin 2011, Kapri i shet 20% të aksioneve kompanisë “KLIVA”, në pronësi të Gëzim Salillarit nga Durrësi, i njohur ndryshe si “Gëzimi i Kashtës”. Kjo nofkë iu vu Salillarit, për faktin sepse dikur në zonën e ish-Bllokut ka patur në pronësi një lokal me të njëjtin emërtim, i cili frekuentohej shpesh nga kryeministri në atë kohë, Fatos Nano.

GËZIM SALILLARI (REJ 3)

Salillari është gjithashtu personazh i përmendur në kronikat mediatike në mesin e viteve 2000, si i akuzuar për pjesëmarrje në organizata kriminale si trafikant lëndësh narkotike nga Shqipëria në Itali, u dënua me 11 vite burg, por më pas arriti të fitojë lirinë. Si fillim Salillari regjistroi “KLIVËN” dhe pak ditë më pas, bleu 20% të REJ, kompanisë së Kaprit.


BASHKIA MIRDITË

6.DAVA KAZA, ZEF KAZA (AEK MUNELLA SHPK)- 387 MILION LEKË PA TVSH, 97% TË TENDERAVE TË BASHKISË MIRDITË

Dava Kaza është një prej biznesmeneve femra e cila renditet në vendin e tretë përsa i përket fitimit të tenderave në rang lokal nga gjinia femërore. Kompania e saj dhe të shoqit, “AEK MUNELLA” (Adrian, Enida, Kristian) bashkimi i emrave të fëmijëve të çiftit Kaza, renditet në vend të shtatë, një prej kompanive që ka përfituar vlerat më të larta të tenderave me Negocim të Drejtpërdrejtë. Kjo kompani ka përfituar GATI GJYSMË MILIARDI me TVSH nga Bashkia e Mirditës, për 3 tendera të gjithë me shkelje për mungesë konkurrence dhe mungesë gare me negocim të drejtpërdrejtë.

 

Në periudhën 2016-2018, Kazët kanë përfituar rreth 6 MILIARD Lekë me TVSH nga Institucionet Buxhetore, ndërsa për vetëm 1 vit (2019-2020) rreth 3 MILIARD me TVSH për 58 transaksione nga Thesari i Shtetit.

 

Të gjitha tenderat në rang lokal, kryesisht për rehabilitime ujësjellësit, kjo kompani i ka përfituar nga Bashkia e Mirditës, numri total 21 të tillë me vlerë MBI 3.5 MILIARD Lekë pa TVSH!

DAVA KAZA (AEK MUNELLA)

Kazët janë një prej familjeve me lidhje të forta me Rilindjen, pasi siç shihet postojnë edhe foto në rrjetet sociale me personazhe të mavive, përmendim këtu të voglin e Kazëve, Kristianin, në shoqërinë e Erion Veliajt dhe Lindita Nikollës.

KRISTIAN KAZA | ERION VELIAJ | LINDITA NIKOLLA

Në lidhje me punët e dobëta të kësaj kompanie ka patur edhe denoncime nga qytetarët për dështimin e mirëmbajtjes në Rrugën e kombit në vitin 2016 si pasojë e aksidenteve të shumta, punë për të cilën MUNELLA ishte kontraktuar. Thuhet se kjo firmë mbrohet dhe ka mbështetjen e kreut të Bashkisë Mirditë, Ndrec Deda, i cili i ka dhënë çdo tender për mirëmbajtje dhe pastrim e jo vetëm…. T’i ngopësh në MILIARDA të tutë, i thonë kësaj pune!


BASHKIA DURRËS
7.LEJDI KOÇI, ENOR NAKUÇI, LINA SOKOLI (KREATX)- 234 MILION LEKË PA TVSH, 84% TË TENDERAVE TË BASHKISË DURRËS

Mbase nuk do jua kishte marrë mendja kurrë, por kompania që renditet e para në Durrës përsa i përket tenderave me Negocim të Drejtpërdrejtë, para këto të dhëna në dorë për përmirësim dhe mirëmbajtje software, është KREATX e Enor Nakuçit. KREATX ka përfituar 3 tendera me vlerë MBI 234 MILIONË Lekë pa TVSH, të tre në shkelje, tendera të klasifikuar si REDFLAGS për mungesë gare dhe konkurrence.

  

 

ENOR NAKUÇI | LEJDI KOÇI

Kjo kompani ka përfituar tendera po ashtu edhe nga bashkia e Vorës, Shkodrës, Përmetit dhe Vlorës për shërbime të ngjashme, 9 tendera me vlerë MBI 307 MILIONË Lekë pa TVSH, 6 prej tyre me FLAMUJ TË KUQ!

Çudia më e madhe më këtë kompani qëndron në faktin se për periudhën 3-vjeçare (2015-2019) kjo kompani ka përfituar nga Thesari i Shtetit shumën prej MBI 260 MILIONË Lekë pa TVSH. Ndërsa për 1 vit (2019-2020)… këtë shumë e ka DYFISHUAR! Për 21 transaksione nga Institucionet Buxhetore ka përfituar MBI 531 MILION Lekë pa TVSH!!!

 


BASHKIA KAMËZ
8.SHKËLQIM KUPA, QAMIL KUPA (KUPA SHPK)- 193 MILION LEKË PA TVSH, 33% TË TENDERAVE TË BASHKISË KAMËZ

Namin bëjnë këto firmat e pastrimit! I fshijnë paratë që marrin nga tenderat ashtu siç fshijnë plehrat e rrugëve. Rasti konkret është kompania KUPA SHPK, ajo që mbretëron në Kamëz përsa i përket procedurave të prokurimeve publike me objekt “Pastrimin e qytetit”. Kompania e themeluar nga Qamil Kupa, trashëguar birit të tij Shkëlqimit, prej vitesh ka rënë shumë në sy për tenderat multi-milionësh që merr me një të rënë të lapsit.

Për vetëm 3 tendera nga Bashkia Kamëz për pastrim, kjo kompani ka marrë rreth 200 MILIONË Lekë me TVSH, ndërkohë që njëri prej tyre është klasifikuar si REDFLAG!

 

Shkëlqim Kupa, zotëruesi i KUPA SHPK, është gjithashtu edhe zotërues i Elite Real Estate dhe KORABI SHPK (kompanisë që i ka vënë emrin e të birit të mitur) me fitim në rang lokal rreth 98 MILIONË Lekë pa TVSH. Mesa duket KUPA është kompania e preferuar në Kamëz për tendera, pasi në harkun kohor të tetë muajve (Maj-Dhjetor 2017), ka zhvilluar 12 tendera dhe fitues i të gjithëve ka qenë po kjo kompani.

KUPA është zotëruese e tre kompanive të tjera të fuqishme IONIAN REFINING COMPANY, HYDRO SETA, ACCESS ENERGY ALBANIA. Po ashtu edhe e 2 KONCESIONEVE.

Atë të HEC-eve në Gjuraj, Kashec, Ragam dhe Lepurushë dhe HEC-in mbi lumin Seta, ku në shoqërinë koncesionare HYDO SETA e kanë në bashkëpronësi edhe me KALIA SHPK, kompani e të afërmve të Fatime Kupës, bashkëshortes së Shkëlqim Kupës, kompani e njohur në zonën e Dibrës.

Artikullin e plote te publikuar e gjeni ne kete link: ketu 

Programi i Rindërtimit pas tërmetit të datës 26 Nëntor, Tendera dhe Kontraktime

Qeveria Shqiptare ka vijuar në muajt Mars – Qershor procedura të tenderimit për rindërtim dhe zhvillit të godinave dhe zonave të dëmtuara nga Tërmeti i datës 26 nëntor 2019. Deri tani dy janë autoritetet që po procedojnë: Fondi Shqiptar i Zhvillimit dhe Bashkia e Tiranës . Open Procurement Albania po përgatit pasaporta për çdo procedurë tenderimi dhe kontraktimi lidhur me këtë program. Deri tani janë shpallur disa kontraktime nga Qeveria Shqiptare, Procedura e përzgjedhur në tenderime është ajo e Kufizuar (jo e hapur) dhe afati i kërkesave për shprehje interesi në secilin rast është jo më shumë se 10 data kalendarike. Procedura dhe Afati janë paracaktuar me Aktin Normativ Nr. 9 datë 16.12.2019 Për Përballimin e Pasojave të Fatëkeqësisë Natyrore, Akt Normativ me Fuqi Ligji. Kështu është shmangur dhe anashkaluar aplikimi i rregullit dhe legjislacionit të zakonshëm për Prokurimet Publike. E njëjta procedurë dhe i njëjti afat u aplikua edhe në rastin e Kontraktimeve mbi Kufirin e Lartë Monetar, kontraktime që kërkojnë garë dhe njoftim ndërkombëtar. Në ligj afati për shprehje interesi në rastin e procedurës së Kufizuar është për çdo fazë minimumi 20 ditë pune, ndërsa procedura e kufizuar përdoret vetëm në raste specifike. Aplikimi i rregullave dhe procedurave të parazgjedhura me Akt Normativ përmes Afateve tepër të shkurtra dhe Procedurës së Kufizuar përkon me situata kontraktimi me më shumë risk për defekte të konkurrencës dhe eficensës së ofertës. Më poshtë tenderët e shpallur deri tani (qershor 2019)

Lista e Tenderave Programi i Rindertimit nga Fondi Shqiptar i Zhvillimit janë 18 http://openprocurement.al/sq/albaniandf/list/keyword/Programi%20i%20Rindertimit?

Këto 18 tendera të Fondit Shqiptar për Zhvillim kanë në total një vlerë fondi Limit 14 281 395 708 (katërmbëdhjetë miliard lekë e dyqind e tetëdhjetë e një milion, e treqind e nëntëdhjetë e pesë mijë e shtatëqind e tetë) Lekë. Me një ekuivalencë të thjeshtë në monedhën Euro është 116.1 milion euro. Tenderat janë të listuar si vijon:

  1. Rindërtimi i banesave individuale dhe rikonstruksioni i infrastrukturës publike dhe çdo ndërhyrje tjetër në funksion të rindërtimit të këtyre banesave. Me fond 6 186 125 775 (gjashtë miliard e njëqind e tetëdhjetë e gjashtë milion njëqind e njëzet e pesë mijë e shtatëqind e shtatëdhjetë e pesë) Lekë. Buxheti i parashikuar për këtë vitit (2020) është 5,49 Miliard Lekë. Buxheti është vënë në dispozicion nga Buxheti i Qeverisë Shqiptare (jo donator). Objekti i marrëveshjes Kuadër përfshin rindërtimin e banesave individuale, ndërtimi dhe rikonstruksioni i infrastrukturës publike dhe çdo ndërhyrje tjetër në funksion të këtyre banesave në territorin e bashkive Durrës, Kamzë, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë. Ky tender është shpallur fillimisht në datën 10 Mars 2020 me afat për dorëzim të kërkesës për shprehje interesi vetëm 9 ditë. Tenderi dështoi dhe u rishpall në datën 28 Prill 2020. Ende Fondi Shqiptar për Zhvillim nuk ka njoftuar kualifikim, ofertë fituese apo kontraktime në bazë të një marrëveshje kuadër për këtë tenderim Link http://openprocurement.al/sq/albaniandf/view/id/293
  2. Tenderi tjetër është: Ndërtimi dhe Rikonstruksioni i Infrastrukturës publike në zonat e reja të shpallura për Zhvillim të Detyruar. Me fond të parashikuar deri 3 726 934 577 (tre miliard e shtatëqind e njëzet e gjashtë milion e pesëqind e shtatëdhjetë e shtatë) Lekë po ta konvertojmë në euro rreth 30.3 milion euro. Buxheti për këtë tender parashikuar për vitin 2020 është 745 389 915 milion lekë. Objekti i marrëveshjes kuadër konsiston në infrastrukturën e zonave, infrastrukturën utilitare dhe atë urbane. Infrastruktura publike nënkupton sheshet e ndërtimit në zonat e detyruara për zhvillim të lirë dhe të gatshëm për ndërtim, infrastrukturën e transportit, infrastrukturën e furnizimit me ujë dhe largimin e ujërave të përdorura apo ati të shiut, infrastrukturën e furnizimit me energji elektrike, infrastrukturën komunitare të shesheve parqeve, terreneve sportive, ndriçimit publik në territoret e bashkive Durrës, Kamzë, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë. Ky tender është shpallur në datën 28 Prill dhe ende nuk ka njoftime për ecurinë e procedurës Link http://openprocurement.al/sq/albaniandf/view/id/323
  3. Po njësoj të shpallur në datën 17 Mars është një procedurë me Lote me vlerë fond limit total prej 4,175,217,853 (katër miliard e njëqind e shtatëdhjetë e pesë milion e dyqind e shtatëmbëdhjetë mijë e tetëqind e pesëdhjetë e tre) lekë pa tvsh. Buxheti i vënë në dispozicion për vitin 2020 është 1,043,804,463 lekë pa TVSH. Lotet janë si vijon:
  4. Loti 1. Rindërtimi i Objekteve Arsimore në zonat e prekura nga tërmeti me Burim Financimi është Fondi I Rindërtimit në Buxhetin e Miratuar me Vendim Nr 212 datë 11. 03. 2020 Për përdorimin e Fondit të Rindërtimit për financimin e rindërtimit të objekteve arsimore. Vlera fond limit pa TVSH është 511 405 370 Lekë (pa TVSH). http://openprocurement.al/sq/albaniandf/vieë/id/297
  5. Loti 2. Me Objekt Rindërtimi i Objekteve arsimore Bashkia Krujë, vlera 490 413 615 Lekë pa TVSH , Objektet e përfshira në Lotin 2 janë Shkolla 9vjecare e bashkuar Selman Daci, Shkolla 9 vjeçare dhe Kopshti Ramazan Jangozi, Shkolla 9 vjeçare dhe kopshti Kastriot Derveni, Shkolla 9 vjeçare Gjon Luka Luz me sipërfaqe totale ndërtimi të të gjitha objekteve afërsisht 10 691 m2. Data e shpalljes 17 Mars data për dorëzimin është 27 Mars. LINK http://openprocurement.al/sq/albaniandf/vieë/id/298
  6. Loti 3. Objekti i Rindërtimit të Objekteve arsimore Bashkia Durrës 1 vlera 845 723 696 Lekë pa TVSH. Objektet arsimore të përfshira në lotin 3 janë: Shkolla 9vjecare dhe kopshti Bedrie Beziqi, Kopshti Met Hasa, Shkolla 9 vjeçare Neim Babameto, shkolla 9 vjeçare dhe kopshti Qemal Mici, Shkolla 9 vjeçare Hasan Koci me sipërfaqe totale ndërtimi të të gjitha objekteve afërsisht 18 438 m2. Link http://openprocurement.al/sq/albaniandf/vieë/id/299
  7. Loti 4. Objekt Rindërtim i objekteve arsimore Bashkia Durrës 2, vlera 850 692 969 lekë. Objektet arsimore të përfshira në lotin 4 janë Shkolla Shaqe Mazreku, Shkolla e Mesme e bashkuar Rexhep Mezini, Shkolla 9 vjecare dhe kopshti Adem Gjeli, shkolla 9 vjeçare Xhelal Shtufi Shkafanaj, Shkolla 9 vjeçare Njazi Mastori 2+3, shkollafillore dhe kopshti, Shkolla 9 vjeçare Vëllezërit Haradinaj me sipërfaqe totale ndërtimi të të gjitha objekteve afërsisht 18 545 m2. LINK http://openprocurement.al/sq/albaniandf/vieë/id/300
  8. Loti 5. Objekti Rindërtimi I Objekteve arsimore Bashkia Kavajë dhe Rrogozhinë, vlera 414 766 205 Lekë pa TVSH. Objektet arsimore të përfshira në lotin 5 janë: Shkolla profesionale Charles Teleford Erickson, shkolla 9 vjeçare Shtodher, shkolla profesionale26 marsi, konvikti Golem, shkolla 9 vjeçare Gosë, shkolla fillore dhe kopshti Vilë Bashtovë me sipërfaqe totale ndërtimi të të gjitha objekteve afërsisht 9041 m2. http://openprocurement.al/sq/albaniandf/vieë/id/301
  9. Loti 6. Objekti Rindërtimi I Objekteve arsimore Bashkia Kamëz, vlera 621 757 340 Lekë pa TVSH. Objektet arsimore të përfshira në lotin 6 janë shkolla 9 vjeçare Halil Coka, shkolla e mesme Sulejman Elezi, Kopshti Niko Hoxha, kopshti Lidhja e Prizrenit Paskuqan, Kopshti Halit Coka me sipërfaqe totale ndërtimi të të gjithë objekteve afërsisht 13 555 m2. Link http://openprocurement.al/sq/albaniandf/vieë/id/302
  10. Loti 7. Objekti Rindërtimi i objekteve arsimore Bashkia Vorë e Shijak, vlera 440 458 658 Lekë pa TVSH. Objektet arsimore të përfshira në lotin 7 janë: Shkolla 9 vjeçare Ramazan Subashi, Shkolla 9 vjeçare Ahmetaq, Kopshti Kodër Berxullë, Kopshti Marqinet, Shkolla vjeçare Lidhja e Prizrenit, Shkolla e mesme gjimnazi 16 shtatori, kopshti nr 1, kopshti Vlashaj, Shkolla e Mesme Kajo Karafili me sipërfaqe totale ndërtimi të të gjitha objekteve afërsisht 9 602 m2. http://openprocurement.al/sq/albaniandf/view/id/303
  11. Tenderat e tjerë janë mbikëqyrje e zbatimit të kontratave kryesore dhe loteve. Link http://openprocurement.al/sq/albaniandf/list/keyword/Programi%20i%20Rindertimit?

 

Institucioni tjetër pjesë e tenderimeve për Progrmain e Rindërtimit është bashkia Kryesore në vend Bashkia e Tiranës. Kjo bashki është e vetmja që me fonde nga Buxheti qendror do të tenderojë vetë rindërtimet në territorin e saj.

Deri tani kjo Bashki ka shpallur disa tendera Link: http://openprocurement.al/sq/tender/list/keyword/Programi%20i%20Rindertimit?

Po deri tani Tenderi me vlerë më të lartë mbetet ai me Objekt: Rindërtim i Banesave Individuale, brenda dhe jashtë zonave të reja për zhvillim, ndërtimin dhe rikonstruksionin e infrastrukturës publike si dhe çdo ndërhyrje tjetër në funksion të rindërtimit të banesave individuale jashtë zonave të reja për zhvillim.

Ky tender ka fond limit 2 123 598 655 Lekë (dy miliard e njëqind e njëzet e tre milion e pesëqind e nëntëdhjetë e tetë mijë e gjashtëqind e pesëdhjetë e pesë lekë) konvertuar në euro rreth 17.26 milion. Tenderi u shpall në mars me një vlerë fond limit më të vogël por dështoi duke u anuluar pasi asnjë nga ofertat e paraqitura nuk përputhet me kriteret e përcaktuara në dokumentet e Tenderit. Rishpallja u bë në muajin maj me vlerë tenderi më të lartë dhe pas disa ndryshimeve në Buxhetin e dhënë për Bashkinë Tiranë me Vendim të Këshillit të Ministrave. Edhe në këtë tender procedura e aplikuar është ajo e Kufizuar. Deri tani në Territorin e Bashkisë Tiranë janë shpallur disa zona të reja për zhvillim pas tërmetit, konkretisht tek 5 Maji; Autotraktorët; Kombinat; Universiteti Bujqësor; Baldushk; Ndroq; Vaqarr dhe Zall Herr. Të gjitha VKM që përcaktojnë këto zona janë të listuara në pasaportën e tenderit dhe në përmbajtje të VKM janë koordinata dhe fotografi satelit të zonës përkatëse. http://openprocurement.al/sq/tender/vieë/id/32944

Bashkia Tiranë ka shpallur edhe tenderime për projektim të disa shkollave në rindërtim pas tërmetit http://openprocurement.al/sq/tender/list/keyëord/Programi%20i%20Rindertimit?

Programi i Rindërtimit, program i Qeverisë Shqiptare dizenjuar në janar – shkurt 2020, pas tërmetit dhe gjendjes së emergjencës për Fatkeqësi Natyrore. Qeveria Shqiptare përmes Komitetit Shqiptar të Rindërtimit ka evidentuar se nevoja totale për rindërtim është  1,076.15 billion EUR (132.4 billion Lek) lidhur kjo me të gjithë sektorët për ndërhyrje në 11 bashki të vendit.

Kjo shumë do të përdoret për rindëritm përmes një program që Qeveria Shqiptare e ka pagëzuar si Programi i Rindërtimit. Monitorimi dhe informimi publik për këtë process është një moment i rëndësishëm që lidhet me eficensën, mirëmenaxhimin dhe besimin e qytetarëve tek procesi.

15 ORGANIZATA KUNDER PROPOZIMEVE LIGJORE TE QEVERISE PER MEDIAT data 10 dhjetor 2019

Ne, një grupim prej 15 organizatash të gazetarëve dhe shoqërisë civile, në mënyrë të përsëritur, duke filluar nga Dhjetori i vitit 2018, përmes deklaratave tona publike i kemi kërkuar qeverisë të tërheqë dy projektligjet e prezantuara publikisht si Paketa Antishpifje, duke renditur të gjitha kundërtitë tona.

Gjithashtu, pas dorëzimit të këtyre dy projektligjeve në Kuvendin e Shqipërisë, i bëjmë thirrje Kuvendit që, në rast se qeveria nuk i tërheq këto projektligje, t’i rrëzojë ato menjëherë. Këto dy projektligje cënojnë lirinë e shprehjes dhe të medias në vend, si dhe bien ndesh me parimet ndërkombëtare të parashikuara në nenin 19 të Deklaratës Universale të të Drejtave të Njeriut, nenin 19 të Paktit Ndërkombëtar për të Drejtat Civile dhe Politike, nenin 19 të Konvetës Amerikane për të Drejtat e Njeriut, nenin 10 të Konventës Evropiane të të Drejtave të Njeriut, etj.

Organizatat vërejnë se dy projektligjet pjesë e paketës antishpifje i akordojnë AMAs dhe AKEP-it, kompetenca gati gjyqësore, me natyrë sanksionuese ndaj operatorëve mediatikë, ndërkohë që këto organe, edhe pse të pavarura sipas ligjit nuk ofrojnë garanci funksionale për të qenë efektivisht të pavarura, sikurse janë organet e pushtetit gjyqësor.

Shqipëria ka mjaftueshëm ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, si dhe në këtë drejtim ka patur disa precedentë të gjykuar në sistemin tonë gjyqësor.

Nevoja për të patur vetërregullim të medias dhe JO rregullim ligjor të saj, merr rëndësi të veçantë në ato shtete me demokraci në tranzicion, sikurse është vendi ynë, ku shpesh mediat janë të lidhura me interesat e njohura të biznesit, të partive politike. Vetërregullimi është kombinim i standarteve që përcakton kodet e duhura të sjelljes për median, të cilat janë të nevojshme për të mbështetur lirinë e shprehjes dhe për të mundësuar që kjo sjellje të monitorohet dhe të mbahet e përgjegjshme. Vetërregullimi ruan pavarësinë e mediave dhe e mbron atë nga ndërhyrjet partizane të qeverisë.

Organizatat i bëjnë thirrje Qeverisë Shqiptare dhe Kuvendit të Shqipërisë të marrin parasysh të gjitha kundërshtitë e përsëritura nga ana e institucioneve ndërkombëtare (të tilla si OSBE, BE, Këshilli i Europës dhe Kombet e Bashkuara), prezenca e të cilave kontribuon në vendin tonë për sundimin e shtetit të së drejtës dhe të drejtave të njeriut, të shprehen qartë dhe publikisht mbi projektligjet në fjalë, si masa në dhunim të lirisë së shprehjes.

Gjithashtu, kjo thirrje e organizatave lokale është mbështetur gjatë dy ditëve të fundit dhe nga tetë organizatat ndërkombëtare më të rëndësishme në adresimin e çështjeve që lidhen me lirinë e medias dhe të shprehjes, si dhe nga Federata Ndërkombëtare e Gazetarëve IFJ (me 600 mijë anëtarë nga 140 vende të botës) dhe Federata Europiane e Gazetarëve EFJ ( me 320 mijë anëtarë nga 45 vende)

deklaratën e përbashkët të së cilëve e gjeni bashkëlidhur.

Lista e organizatave firmëtare:

  • BIRN Albania
  • Civil Rights Defenders
  • Citizens Channel
  • Faktoje
  • Instituti Shqiptar i Medias
  • Instituti Shqiptar i Shkencave promotor i Open Data Albania
  • Këshilli Shqiptar i Medias
  • Komiteti Shqiptar i Helsinkit
  • Lidhja e Gazetarëve të Shqipërisë
  • New Media Network
  • Qendra Res Publica
  • Qendra Shqiptare MediaLook
  • Qendra Shqiptare për Gazetari Cilësore
  • Shoqata e Gazetarëve Profesionistë të Shqipërisë
  • Unioni i Gazetarëve Shqiptarë

Memo Informuese Mbi Gjëndjen e Shkollave ku zbatohet projekti në Kurbin dhe Lezhë pas tërmetit të datës 26 Nëntor 2019

Projekti Open ICT Education for Youth Employability me kontrate Granti Nr. 2017/394-533  zbatuar nga ODK dhe AIS me data zbatimi 15 Janar 2018 deri 15 Shkurt 2020 po punon me përfitues nxënës të shkollave të Bahskisë Kurbin dhe Bahskisë Lezhë.

Pas situatës Fatkeqësi Natyrore e shkaktuar nga tërmeti i datës 26 Nëntor 2019, në obejtket arsimore ku po punohet konstatohen problematika të ndryshme të cilat stafi i projektit i ka përmbledhur në një memo të cilën mund ta aksesoni Këtu

Fusha shpk fituese edhe Segmenti i II Shëtitorja e Vlorës segmenti deri tek Tuneli

Kompania Fusha shpk shpallet fituese edhe për segmentin tjetër të të Shëtitores së Vlorës. Njoftimi i fituesit është bërë javën e fundit ndërsa gara nga Fondi Shqiptar për Zhvillim është shpallur në muajin Gusht 2019. Vlera e ofertës fituese është 385 173 305 lekë. Në tender morrin pjesë 6 kompani shqiptare dhe procedura është shënuar nga sistemi për Prokurime Transparente si tender me risk, Flamur të Kuq pasi janë skualifikuar 3 konkurent edhe me ofertë më të ulët.  Shiko pasaportën http://openprocurement.al/sq/albaniandf/view/id/241

Fusha shpk ka fituar edhe  tendera të tjera për rikonstruksion bulevarde dhe shëtitore të shpallura nga Fondi Shqiptar për Zhvillim si:

  1. Vazhdim i Shëtitores së Vlorës
  2. Shëtitorja Naim Frashëri në Sarandë
  3. Rikonstruksion i Bulevardit Vlorë
  4. Ndërtim i Shëtitores Mak Albania Golem Kavajë
  5. Rehabilitim i Gjelbërimit anësor dhe hyrje dalje në qendrat e banuara në segmenti Levan Kakavijë
  6. Ndërtim i Shëtitores së Sarandës.

Pasaporta e kësaj shoqërie është e përditësuar të Open Corporates Albania http://www.opencorporates.al/sq/nipt/j61922018s

Ndërsa Lista e kontratave më Fondin Shqiptar për Zhvillim është publikuar tek Open Procurement Albania http://openprocurement.al/sq/albaniandf/list/corporate_id/J61922018S

Deklarime Pasurore Deputet që kanë marrë mandatin në 2019

Në databazën Spending Data Albania në Rubrikën Para dhe Pushtet sapo janë hedhur në dhëna të deklarimeve pasurore të deputetëve që kanë marrë mandate gjatë 2019. Të dhënat janë marrë nga deklarimet zyrtare pranë Inspektoratit të Deklarimit dhe Kontrollit përmes aplikimit të aksesit për informacion. Përpunimi është bërë duke ri formatuar përmbajtjen sipas një strukture më të mirë kategorizuar. Kështu me lehtësi mund të aksesohet e dhëna mbi pasuri të paluajtshme, automjete, sende me vlerë, likuiditet, gjendje, kredi dhe borxhe, të ardhura nga puna, biznesi, detyrime të palëve të treta, trashëgimi, dhurime apo subvencionime. Kategorizimi jep të qarta edhe pasuri  të pritshme që lidhen me kontrata porosie, sipërmarrje dhe investimi. Në deklarime pasurorë subjekte kanë informacion për të ardhura të tyre personale dhe të personave të familjes. Emra të deputetëve që kanë marrë mandate në 2019 së bashku me deklarimet janë si vijon:

  1. Andi Permeti http://spending.data.al/sq/moneypower/view/id/1069
  2. Alban Zeneli http://spending.data.al/sq/moneypower/view/id/124
  3. Adriatik Alimadhi http://spending.data.al/sq/moneypower/view/id/1067
  4. Arben Elezi http://spending.data.al/sq/moneypower/view/id/1070
  5. Arlind Cacani http://spending.data.al/sq/moneypower/view/id/1071
  6. Amina Cela (Borova) http://spending.data.al/sq/moneypower/list/pos_id/48/off_id/1068
  7. Elda Hoti http://spending.data.al/sq/moneypower/view/id/1077
  8. Edola Braha http://spending.data.al/sq/moneypower/view/id/1074
  9. Fationa Dhimitri http://spending.data.al/sq/moneypower/view/id/1081
  10. Halil Jakimi http://spending.data.al/sq/moneypower/view/id/1082
  11. Enada Kapllani http://spending.data.al/sq/moneypower/view/id/1078
  12. Ylli Shehu http://spending.data.al/sq/moneypower/view/id/204
  13. Eugen Bojaxhiu http://spending.data.al/sq/moneypower/view/id/1080
  14. Maljlinda Halilaj http://spending.data.al/sq/moneypower/list/pos_id/48/off_id/1085
  15. Ralf Gjoni http://spending.data.al/sq/moneypower/list/pos_id/48/off_id/1088
  16. Enver Roshi http://spending.data.al/sq/moneypower/list/pos_id/48/off_id/1079
  17. Edlira Hyseni http://spending.data.al/sq/moneypower/view/id/1075
  18. Nikolin Staka http://spending.data.al/sq/moneypower/view/id/1086
  19. Korab Lita http://spending.data.al/sq/moneypower/list/pos_id/48/off_id/1083
  20. Nimet Musaj http://spending.data.al/sq/moneypower/view/id/1087
  21. Ligoraq Karamelo http://spending.data.al/sq/moneypower/view/id/1084
  22. Zef Shtjefni http://spending.data.al/sq/moneypower/view/id/1089

Të tjera deklarime për deputet të cilët kanë mbajtur mandate në legjislaturën aktuale I gjeni po tek databazë Spendingh Data Albania rubrika Para dhe Pushtet, kategoria e këkrimit Deputet Legjislatura iX http://spending.data.al/sq/moneypower/list/pos_id/48

7 ditë pas tërmetit dhurimet për Qeverinë vetëm 4.2 milion Euro

Porta Vendore mbledh premtimet e Biznesit për 61 milion Euro të thëna publikisht. Çfarë po ndodh me solidaritetin, nuk ka besim tek Qeveria apo Biznesi premton shumë e nuk jep sa thotë.

Ministria e Financave nuk pranon kërkesën për transparencë dhe llogaridhënie.  Pritet konferenca e Donatorëve

Ministria e Financave deri në datën 3 dhjetor ka publikuar shumat e dhuruara nga individ, subjekte dhe qeveri të huaja përmes faqes së Ministrisë së Financave. Pas kësaj date Ministria nuk ka bërë asnjë përditësim duke hequr edhe informacionin e mëparshëm.

Sipas të dhënave të MF në datën 3 dhjetor ishin arkëtuar nga shtetit shqiptar në llogari për donacion përmes bankave të nivelit të dytë; përmes e-Albania dhe në llogari të Bankës së Shqipërisë (dhurime nga shtete) shumat: 132 912 131 lekë; 2 797 120 EURO konveruar në lekë janë 344 045 819.04 Lekë dhe 310 888 USD konvertuar në Lekë janë 34 197 730 Lekë.

Në total 7 ditë pas tërmetit Qeverisë shqiptare i janë dhuruar për fond fatkeqësie vetëm 511 155 680 Lekë (pesëqind e njëmbëdhjetë milion e njëqind e njëqind e pesëdhjetë e pesë e gjashtëqind e tetëdhjetë) Lekë.

Disa fondacione kanë artikuluar mosbesim në kalimin e fondit të bamirësisë së grumbulluar prej tyre në llogaritë e Thesarit për tu menaxhuar nga Qeveria. Po njësoj edhe biznese të ndërtimit apo artistë shqiptarë me famë ndërkombëtare kanë parashikuar të ndërtojnë vetë drejtpërdrejt shtëpi për disa familje.

Ndërkohë gazetaret Elisa Gjerani dhe Eljona Ballhysa kanë hulumtuar mbi totalin e artikuluar si ndihmë dhe solidaritet për fatkeqësitë natyrore. Shkrimi i publikuar tek Porta Vendore ka përmbledhur një shumë prej 61 milion euro, disa herë më shumë se 4,2 milion euro të mbledhura në llogaritë e qeverisë shqiptare deri në datën 3 dhjetor. Gazetaret Gjerani dhe Ballhysa kanë kalkuluar edhe premtimet e shoqërive të biznesit apo individëve si Lazim Destani, Shefqet Kastrati, Behxhet Pacolli, Samir Mane, shoqëria Salillari, shoqëria Gener 2 , Koncensionari Aeroporti i Rinasit etj LINK https://portavendore.al/2019/12/06/heronjte-e-vullnetarizmit-ne-shqiperine-pas-termetit-qindra-vullnetare-ne-terren-dhe-miliona-euro-te-dhuruara/

Ndërkohë vendimi i Qeverisë Shqiptare për ti njohur dhurimet e kompanive shqiptare si  shuma të zdritshme për efekt tatimi nuk ka përcaktuar qartë nëse kjo vlen edhe për dhurimet në natyrë in kind donation.

AIS i është drejtuar Ministrisë së Financave dhe Drejtorisë së Thesarit me kërkesë për transparencë (shiko Këtu) me shumat dhe listat e donatorëve. Pas kësaj kërkese Ministria e Financave jo vetëm nuk ka publikuar listë transparente por edhe ka ndërprerë përditësimin çdo 24 orë të informacionit duke nënvlerësuar parimin e transparencës dhe llogaridhënies për donacionet e besuara.