Monitoro Kontratat nëpërmjet të dhënave, Sektori i Shëndetësisë në Shqipëri

/in , , , /by

Monitoro Kontratat nëpërmjet të dhënave, Sektori i Shëndetësisë në Shqipëri nxjerr në pah problematikat mbi në shpërndarjen e parave sipas kontraktorëve. 13 mijë kontrata të tenderuar nga institucione të shëndetit publik në vend (2016 – 2018) janë fituar nga 586 kontraktor , shoqëri biznesi. 61% e këtyre kontratave janë finalizuar në tendera me vetëm një operator konkurrues në garë ndërsa 25% e tenderëve janë procedura të mbyllura me negocim . Prokurime Transparente në sektorin shëndetësi jo vetëm open up të dhëna për kontraktimet e sektorit por krijon mundësi edhe për analiza e vizualizime të informacionit. Sëshpejti në këtë databazë do të aplikohet edhe skanimi me algoritëm read flag për tendera që kanë risk për pabarazi, mungesë konkurrence apo situate klienteliste.

Kompani Koncensionare, një databazë me informacion mbi kontrata dhe performanca

/in , , /by

Një regjistër koncensionar nga shoqëria civile kundrejt regjistrit qeveritar. 222 shoqëri biznesi që zbatojnë kontrata koncensionare apo PPP me qeverinë shqiptare, janë të monitorueshme në databazën tonë OpenCorporates.al kategoria shoqëri koncensionare . Për secilën shoqëri janë të mundshme të aksesohen të dhëna mbi strukturën, zotëruesit, historikun e transferimit të kuotave (ownership), performancat vjetore në xhiro dhe fitim, tarifa koncensionare, adresa dhe licenca për ushtrim aktiviteti etj. Kjo gamë të dhënash për secilën pasaportë publikohet në JSON dhe CSV si formate open data. Pasaporta me informacion shoqërohet me një listë dokumentash të linkuara si kontrata, amendamente kontratash, ligje të posaçme, dokumente të procesit të prokurimit dhe akte të tjera të rëndësishme për një koncesion. Vitet e fundit qeveria shqiptare është angazhuar në një numër të lartë partneritetesh publik privat në sektorë të ndryshëm si energjetik, shëndetësi, infrastrukturë arsimore, infrastrukturë rrugore, telekomunikacion , shërbime etj.

Transaksione Thesari, çdo javë lista e pagesave nga Institucione Buxhetore

/in , /by

Gjithçka për paratë e taksapaguesve. Transaksione Thesari është databaza e mirëstrukturuar ku çdo kush mund të aksesojë informacion për pagesa të bërë nga institucionet buxhetore në harkun kohor 2012 dhe në vazhdim. Janë të dhëna për të gjitha pagesat e mbi 1600 institucioneve buxhetore në vend të cilat mund të aksesohen sipas filtrave të kërkimit duke bërë të mundur informacion për pagesa të bëra sipas datës, vlerës, institucionit pagues, klientit përfitues, kategorisë së shpenzimit, numrit të faturës etj. Të dhënat janë zyrtare nga sistemi i pagesave të Thesarit të Shtetit, por vijnë në format open data, të integruara dhe mirëstrukturuara në një aplikacion të realizuar nga AIS. Përmes kësaj databaze është e mundur të informohet publiku dhe taksapaguesit mbi pyetjen: Where does my Money go !? (ku shkojnë paratë e mia). Gazetarët kanë gjithashtu mundësi të ndërtojnë raportimet e tyre për para dhe klient të caktuar qeveritar. Databaza është një instrument që lehtëson aksesim dhe përdorim informacioni edhe nga bizneset.

Pozicion Pune Programues , Webmaster

/in , /by

AIS është në kërkim të një personi për ta punësuar me kohë të plotë në pozicionin e punës Programues ose Web Developer.

Personi duhet të ketë të paktën tre vite eksperiencë pune në këtë profil, njohuri në PHP/ JS / njohuri të mira në administrim databaz-ash në MYSQL (QUERY).

Preferohen edhe kandidatët që kanë njohuri në gjuhën gjermane, pasi kandidatë të suksesshëm mund të transferohen pas 6 deri 12 muajve në një subjekt të ngjashëm në shtetin Gjerman.

Pagesa neto është 900 USD, me kontribute dhe tatime të paguara. Java e punës është 35 orë.

Nëse jeni të interesuar ju lutem shkruani në [email protected] duke përcjellë një CV tuajën në një email me titull Aplikim Web Developer.