Fuqizojmë gazetarinë e bazuar në fakte përmes te Dhënave të Hapura dhe të Lidhura – Media Maj 2024
Impakt Media Muaji Maj
Edhe gjatë muajit Maj, dhjetëra raportime mediatike të publikuara në gazeta, ekrane televizive apo web portale u ndërtuan mbi evidence dhe të dhëna të hapura të databazave të AIS / Open Data Albania
Organizata vijon të fuqizojë gazetarinë e bazuar në fakte dhe gazetarinë cilësore. Kjo duke punuar me përfaqësues të medias përmes infosesione, trajnimeve apo takimeve në zyrat e organizatës. Çdo javë gazetarët furnizohen me të dhënave të Hapura OpenData dhe të Lidhura (linked data) mbi tendera publik, shpenzime publike dhe biznese që fitojnë statusin kontraktorë publik.
Duke patur akses në informacion të mirë-strukturuar, të shpejtë, të plotë dhe transparent mbi shpenzime dhe kontraktime publike, gazetarët ndërtojnë histori / raportime të gazetarisë bazuar në të dhëna apo fact checking. Kjo lloj gazetarie cilësore rrëzon propagandën, i bën gazetarët të pakontestueshëm apo denoncon raste në konflikt interesi, abuzimi apo parregullsish. Ndër Raportimet Mediatike për muajin Maj, listojmë:
- OpenDataAlbania (projekt i AIS) gjen pasaktësinë shifrat e kryeministrit Rama mbi prokurimet Publike
Zëri i Amerikës, ditari në gjuhën shqipe publikoi në datën 9 maj një Kronikë me Titull: OpenDataAlbania (project i AIS) gjen pasaktësinë shifrat e kryeministrit Rama mbi prokurimet Publike. Lajmi është ndërtuar si një raportim me Fact Checking. Deklarata të kryeministrit për shpërndarje të gjerë të kontratave publike në një numër të madh subjekte biznesi ballafaqohet me të dhëna statistikore të një monitorimi dhjetë vjeçar nga ekipi që Punon për Databaza Transparente në sektorin e Prokurimeve Publike si Open Procurement Albania
Ndryshe nga Propaganda e kryeministrit për 25 mijë biznese që fitojnë tendera publik organziata verifikon se numri i Bizneseve që përfitojnë para publike përmes kontratave nuk e kalon 4000.
Evidencat mbi të cilat është përgatitur ky raportim mediatik janë publikuar në web faqen Data.al Fact Checking. Verifikim i të dhënave për Prokurime Publike të deklaruara nga kryeministri Edi Rama në mbledhjen e Grupit Parlamentar të Partisë Socialiste datë 7.05.2024
- CNA media investigon mbi biznese me Lidhje Interesi, zotërues të lidhur me funksionar të lartë Publik
Under Investigation by SPAK/ tens of millions of euros turnover and profits from Velia’s brother’s company.
Lajmi investigon mbi performancën ekonomike në rritje të një biznesi, rritje që pason rrotacionin në Bashkinë e Tiranës pas Zgjedhjeve 2015
Raportimi Mediatik përdor evidence të Pasaportës së biznesit Gogel të krijuar në databazën tonë Open Corporates Albania.
Databaza Open Corporates (ownership) Albania është një databazë e krijuar për të mundësuar Gjurmimin e te dhënave (tracking), dhe për të përmirësuar dhe hapur (disclose) të dhëna të Pronësisë dhe Lidhjet e Interesit për Biznese që kanë fituar kontrata publike apo kanë lidhje me sektorë dhe funksionar të rëndësishëm.
- Gazeta Telegraf Publikoi në faqen e saj të parë një Shkrim mbi Pagesa Buxhetore për programe PPP apo Koncesione pa Eficensë dhe nën hetim nga SPAK
Në raportim Mediatik Telegraf përdor të dhëna të një Raporti Analizë nga Open Data Albania mbi pagesa nga Thesari i Shtetit për këto programe. Konkretisht: Qytetarët Shqiptar do të paguajnë nëpërmjet taksave të tyre në buxhet si pagesa për kontratat Koncesionare me PPP.
4. Portali i Lajmeve Balkanweb dhe TV News 24, publikuan një Investigim me titull Dyshime për garë fiktive/ Tenderët e OSHEE në energjetike i fiton e njëjta kompani, kompania tjetër në garë për të favorizuar fituesin
Ky investigim merr shkas nga listim i procedurave me risk për abuzim me garën, listë e Portalit tonë Open Procurement Albania ku çdo ditë skanohen procedura tenderuese dhe markohen me RedFlag ato që paraqesin rrisk për pabarazinë dhe konkurueshmërinë.
AIS Promotore e Open Data për Shqipërinë falënderon koleg gazetar dhe redaksi mediatike që përcollën për audiencën e tyre edhe shqetësime apo vështirësi të organizatës AIS/OpenDataAlbania të hasura në sigurimin e fondeve për të zbatuar projekte Watchdog dhe Antikorruspion .
BalkanWeb: Projektet anti-korrupsion në mungesë fondesh dhe donatori. Organizata AIS kërkon ndihmë, OpenSpendingAlbania rrezikon të mbyllet për mungesë fondesh
Revista Ekonomike Monitor :Mbyllet për mungesë fondesh portali unik me të dhëna për pagesat buxhetore “Open Spending Albania”
Web Portali Eskluzive: Alarmi/ Mbyllja e Open Data për “mungesë fondesh” goditje e rëndë për transparencën, median dhe demokracinë!
Lapsi.al: Mbyllet për mungesë fondesh portali me të dhëna për pagesat buxhetore “Open Spending Albania”
Faktor.al: Projektet anti-korrupsion në mungesë fondesh dhe Donatori! Organizata AIS kërkon ndihmë, OpenSpendingAlbania rrezikon të mbyllet
OraNews: Mbyllet për mungesë fondesh portali unik me të dhëna për pagesat buxhetore “Open Spending Albania”
BoldNews: Mungesë fondesh, rrezikohet mbyllja e portalit “Open Procurement Albania”
Politiko: Projektet anti-korrupsion në mungesë fondesh, AIS kërkon ndihmë, OpenSpendingAlbania rrezikon të mbyllet
RD News.al: Open Data Albania-Instituti në dobi të transparencës dhe llogaridhënies
Syri TV: Projektet anti-korrupsion me mungesë fondesh, organizata AIS kërkon mbështetje
Dosja.al: Mbyllet për mungesë fondesh portali me të dhëna për pagesat buxhetore “Open Spending Albania”
