Dy organizatat joqeveritare të angazhuara në çështje të antikorrupsionit, AIS dhe ACER, shprehin shqetësim për situatën e krijuar në funksionimin dhe integritetin e Komisionit të Prokurimit Publik (KPP), organi më i lartë shtetëror në fushën e prokurimeve publike.
E drejta e bizneseve për të pasur akses në një mekanizëm efikas ankimi gjatë konkurrimit në prokurime publike është cenuar për shkak të vakancës, mungesës së kuorumit për vendimmarrje deklarative dhe mosrespektimit të afateve.

Fakte të paraqitura:

Komisioni i Prokurimit Publik është institucioni më i lartë administrativ që shqyrton dhe merr vendime për ankesat ndaj procedurave të prokurimit. Ky Komision përbëhet nga pesë anëtarë, njëri prej të cilëve zgjidhet si Kryetar.

Prej datës 30 qershor, me vendim të Gjykatës së Posaçme Kundër Korrupsionit dhe Krimit të Organizuar, një prej anëtarëve të Komisionit, konkretisht Kryetari, është marrë i pandehur dhe është pezulluar nga detyra për veprën penale “Pabarazi në tendera”.

Sipas Ligjit për Prokurimin Publik, vendimet merren me kuorum prej 3 anëtarësh për tenderë nën kufirin e lartë monetar dhe me 5 anëtarë për tenderë mbi këtë kufi (tenderë ndërkombëtarë).

Për shkak të mungesës së kuorumit me 5 anëtarë, institucioni nuk është në gjendje të funksionojë me efikasitet dhe integritet në shqyrtimin e ankesave për tenderë të rëndësishëm.

Sipas të dhënave të publikuara në Open Procurement Albania, aktualisht (ditët korente) janë mbi 30 ankesa të administruara në KPP vetëm në 5 sektorë të monitoruar nga ky program: tenderë të qeverisjes vendore, të Autoritetit Rrugor Shqiptar, të Fondit Shqiptar për Zhvillim dhe të Operatorit të Blerjeve të Përqendruara.

Ky numër pritet të rritet në javët në vijim, duke përfshirë tenderë me vlera të konsiderueshme në totalin vjetor të prokurimeve publike.

Mosfunksionimi i institucionit me kuorum të plotë dhe pezullimi i Kryetarit kanë sjellë një situatë që rrezikon parimet e konkurrencës së ndershme dhe transparencës në prokurimet publike.

E drejta për një mjet juridik efektiv dhe për qasje në një organ të pavarur rishikimi janë standarde të detyrueshme për vendet që synojnë integrimin në Bashkimin Evropian.

AIS dhe ACER i bëjnë thirrje Këshillit të Ministrave dhe Parlamentit të ri, i cili do të nisë punën në shtator, të ndërhyjnë me prioritet për të rikthyer institucionin në funksionalitet të plotë dhe në përputhje me standardet e integritetit.

Kjo është e domosdoshme për të garantuar funksionimin e mekanizmit të apelimit dhe për të mbrojtur të drejtat ligjore të bizneseve dhe autoriteteve kontraktuese në sektorin e prokurimeve publike.

Organizata AIS promotore e Open Data Albania po punon për  rritje dhe përmirësim të Transparencës mbi Pronarin Përfitues dhe Regjistrin me Akses Publik.

Duke konsideruar Gazetarët Investigativ, aktorë të rëndësishëm në zbardhjen dhe gjurmimin e  rasteve që lidhen me fenomene si Pastrimi i Parave, Korrupsioni, Konflikti i Interesit dhe Influenca, ekipi ekspert dhe data analist pranë AIS (OJF) punoi për rritje kapacitetesh dhe njohurish.

Pjesëmarrës: Gazetarë Investigativ, Aktivistë dhe përfaqësues nga Organizata Jo Qeveritare OJQ.

Për të aksesuar listën e pjesmarrësve: Kliko Këtu.

Trajnimi i mbajtur në sallën tonë për median, u realizua në kuadër të Projektit Expanding Windows of Opportunity for Beneficial Ownership Transaprency, i mbështetur financiarisht nga Natioanal Endowment for Democracy NED me zbatues Kryesor  International Republican Institute IRI. AIS u angazhua si partner lokal.

Agjenda Workshop: Transparenca me Pronarët Përfitues – Regjistri i Biznesit, Aksesi dhe Gjurmimi i Informacionit

Ekspertet Lektor dhe Temat e Trajtuara:

• Sidorela Drici – Ekspert Ligjor pranë AIS

Koncepti i Pronarit Përfitues, Iniciativa ndërkombëtare për Transparencë dhe Angazhim. Lufta kundër Pastrimit të Parave, Korrupsionit dhe Influencave Malinje.

 

 

 

 

 

 

 

 

• Profesore. Lindita Lati Milo – Eksperte në Auditim Publik dhe Ekonomi

Legjislacioni ne Republikën e Shqipërisë dhe Nevoja për Përmirësime

 

 

 

 

 

• Lindita Çela Drejtuese e Rrjetit pёr Raportimin e Krimit te Organizuar dhe Korrupsionit ne Shqipëri, Gazetare pranë OCCRP.org

Roli i Gazetarëve dhe Organizatave për Transparencë. Investigime për Pastrim Parash; Korrupsion apo Influenca të huaja.

 

 

 

 

 

 

 

• Pajtim Nikolli Data Analist pranë Open Corporates Albania

Direktiva EU dhe Regjistra të Pronarit Përfitues në vende të Bashkimit Europian dhe Rajonit

 

 

 

 

 

 

 

Organizata AIS ka përgatitur edhe një Raport Politikash mbi Transparencën dhe Regjistrin Publik për Pronarët Përfitues me autor kryesor Profesore Lindita Lati  Milo duke theksuar nevojën për përmirësim të legjislacionin, forcim të transparencës dhe angazhim të institucioneve dhe aktorëve watchdog në verifikimin e fakteve që lidhen me Pronësinë Përfituese.

Deklarimi i Zotëruesve dhe Përfituesve të Bizneseve dhe OJF-ve që kanë aktivitet në Shqipëri apo që veprojnë  në partneritet me Sektorin Publik Shqiptar është një moment i rëndësishëm që lidhet me kontrollin dhe parandalimin e Pastrimit të Parave, Konfliktit të Interesit, Influencës dhe Korrupsionit. Po njësoj Transparenca më Pronarët Përfitues lidhet edhe me çështje të sigurisë kombëtare.

 

 

 

 

 

 

 

 

 

 

Organizata AIS është krijuese dhe zotëruese e Databazës Open Corporates Albania një databazë me të dhëna për Bizneset Kryesore në vend ku synohet akses në informacion dhe transparencë mbi origjinën dhe lidhjet e bizneseve që zotërojnë Kontrata, Asete, Licensa apo Përfitime nga Sektori Publik Shtetëror.

#OpenCorporatesAlbania  dhe #OpenOwnership nga @AIS