Të nderuar Miq,

Në datën 8 Shkurt 2024 Parlamenti do të kalojë në Votim në seancë plenare një Projekt Ligj për Shtesa në Ligjin për Prokurimin Publik Nr.162/2020.

Duke u njohur me draftin e Projekt Ligjit që po shqyrtohet këtë javë në Komisione Parlamentare, AIS shpreh shqetësim të theksuar për dy aspekte të Projekt Ligjit:

Bashkëlidhur dhe Shkresa e Organizatës AIS pёr Parlamentin (komisionet respektive)

Oponence. Projekt-Ligj Për Ndryshime Ligji Prokurim Publik

1. Neni 48 pika 2, e bën ligjin me risk të lartë për Korrupsion dhe me hapësira për Kontraktime me risk për abuzime. Si i tillë ky nen bie në kundërshtim dhe me Marrëveshjen e Asocim Stabilizimit neni 74.

2. Draft Ligji, iniciative e Qeverisë Shqiptare parashikon ndërhyrje për një Sistem Elektronik të Integruar për PP, por Relacioni që shoqëron Ligjin nuk ka parashikuar Kostot Financiare të ndërhyrjes dhe Parlamenti nuk mund të kalojë një Ligj pa Parashikime të Sakta Financiare nga Qeveria (Ministria e Financave).

Sa më lart AIS i ka kërkuar Parlamentit me shkresë të heqë nenin 48 pika 2 nga Projekt Ligji pasi në analizën tonë për corruption proofing of legislation ky nen ka risk të lartë.

Përmbajtje e Neni 48, Dispozita kalimtare pika 2. ”Brenda një periudhë 3-vjeçare nga hyrja në fuqi e këtij ligji, Këshilli i Ministrave mund të autorizojë institucionet e administratës shtetërore/publike në nivel qendror të negociojnë dhe të lidhin marrëveshje konsulence ndërkombëtare brenda fushës së kompetencës së tyre në fusha me interes strategjik, në drejtim të aplikimit të inteligjencës artificiale, sigurisë kibernetike, infrastrukturës kritike dhe luftës kundër krimit të organizuar dhe korrupsionit.“

Gjithashtu Ky Projekt Ligj nuk duhet të kalojë në Seancën Plenare të datës 8 Shkurt, pa u shoqëruar me Relacion të Detajuar nga KM për Kostot Financiare dhe pa shqyrtuar me kujdes problematikat qe bien ne Kundërshtim me MSA.

I sugjerohet Kuvendit që përpara shqyrtimit Final në Seancë të inicioje, kërkojë edhe një Takim Konsultues me organizata qe veprojnë si Shoqata Biznesi, Shoqata qe Punojnë në Fushën e Shtetit të Së Drejtës, Integrimit Evropian dhe Transparencës.

Organizata AIS e njohur si Open Data Albania ka marrë pjesë më parë në Procesin e Konsultimit Publik të Qeverisë Shqiptare për këtë Draft Ligj (qershor – shtator 2023). LINK

 

 

Me respekt

Aranita BRAHAJ

Drejtore AIS / Open Data Albania

Raporte Mediatike raztet prekin 70% të Zyrtarëve të Lartë.

Brahaj: Emërimi i Familjarëve rrezikon të përshkallëzohet në Korrupsion të Strukturuar

Programi Inside Story me gazetare Luljeta PROGNI solli gjatë muajit Nëntor një Raport Investigimi, me evidenca mbi raste konkrete të përvetshme të punësimit të familjarëve të politikanëve në Institucione Shtetërore.

Reportazhi me titull “Pinjollët e Politikës, Institucionet e Lakmuara të shndërruara në çerdhe të Nepotizmit” ilustroi me evidenca të nxjerra nga data baza e AIS,  Para dhe Pushtet se si Ministra, Deputet, Kryebashkiak kanë më shumë se një familjar të punësuar në administratë publike si Ministri, Institucione të Pavarura, Shoqëri me Zotërim Publik SOC, dhe Njësi të Qeverisjes Vendore.

Programi Inside Story Nëntor 2023 

Duke analizuar të dhëna të deklarimit pasuror të 50 Deputetëve program zbardhi dhe raportoi se asnjë nga deputetët (nën analizë) nuk i ka i shpëtuar faktit që familjarë të rrethit të ngushtë punojnë në Administratë Publike.

Programi Inside Story

Inside Story është një cikël dokumentarësh investigativë që synon transparencën dhe zbardhjen e gabimeve në Qeverisje. Dokumentari dhe gazetarja Progni zbardhën se „ …rruga e shtruar drejt posteve te larta për trashëgimtar të politikanëve nuk është veç fenomen i regjimit totalitar, por shpesh projekt i përshtatur me rregulla loje të pas viteve 90-të. Dokumentari sjell Politikanë dhe zyrtarë trashëgimtarë biologjik të njerëzve të rëndësishëm me “rrugë të gatshme e pa merita publike.

Evidence Based Approach dhe databaza të zotëruara nga AIS. Databaza Para dhe Pushtet është krijuar si një instrument që garanton kontrollin publik të integritetit dhe interesave të zyrtarëve të lartë. Kështu bën të mundur kontrollin nga publiku të rasteve të Konfliktit të Interesit, Nepotizmit, Interesave Ekonomike dhe Familjare të Politikanëve Databaza i jep mundësi publikut të njihet me deklarimin e aseteve dhe nxit gazetarinë investigative të krijojë rraporte të bazuara në prova. Dokumentet dhe Informacioni i kësaj databaze përkon me të dhëna konsistente dhe online për më shumë se 1500 subjekte nga viti 2003 kur Ligji Shqiptar detyroi zyrtarët të Vet deklarojnë.

Inside Story intervistoi edhe drejtoren e programit Aranita Brahaj duke dhënë rastin të theksohen disa pasoja të rënda të nepotizmit dhe favorizimit. Kështu emërimet me favorizim kanë prekur edhe promovimet që bën Parlamenti në Institucione të Pavarura dhe Kushtetuese, ku në çdo rast promovohen vetë politikanë, ish deputet apo njerëz të afërt të tyre. Po njësoj emërimet familjare në administratë politike kanë krijuar terren dhe raste ku në lidhje të ngushta me njëri tjetrin palët krijojnë edhe rreth të strukturuar korruptiv.

Konkretisht

Aranita Brahaj Drejtore Projekti: Është bërë një zinxhir: Ai që është promovuar në Komision Qendror të Zgjedhjeve shkon kandidat për Avokat të Popullit, nga Gjykata Supreme drejt Kontrollit të Lartë të Shtetit, e më pas diku tjetër si Banka Qendrore dhe Institucione të Monitorimit Financiar. Deputeti shkon në Bordin e Bankës. Çfarë pret? Po të marrësh të bësh zinxhirin e emrave, kupton se guxojnë të kandidojnë dhe promovohen vetëm  “ata” me lidhje politike.

Aranita Brahaj Drejtore Projekti: – Ne shohim që nepotizmi nuk ka pasojë vetëm diskriminimin, pabarazinë, shanset e munguara, cilësinë e gabuar në administratë publike, por pasoja më e rëndë është një grup i strukturuar korruptiv.

Para dhe Pushtet është pjesë e aktiviteteve të programit Open Data Akses dhe Transparencë në sektorët e ekspozuar me rrisk për korrupsion aktivitete për të cilat mbyllet financimi në shkurt 2024.