Workshop mbi “Sistemet Elektronike të Deklarimit të Pasurive për Maksimizimin e Transparencës”

/in , /by

Në kuadër të projektit të USAID, “Transparenca në Sistemin Shëndetësor”, AIS është duke organizuar një workshop për Inspektorët e Inspektoriatit të Lartë të Deklarimit dhe Kontrollit të Pasurive dhe Konfliktit të Interesave me temën “Sistemet Elektronike të Deklarimit të Pasurive për Maksimizimin e Transparencës”.

Nëpërmjet këtij workshop-i, Inspektorët do të mund të diskutojnë me eksperten ndërkombëtare mbi eksperiencat e tyre, kuadrin ligjor në vend e do të mund të njihen me praktika të mira të shteteve të ndryshme.

Materialet e këtij aktiviteti mund të aksesohen në linkun në vijim:

  • Kurrikula e trajnimit (PDF)
  • Studim kërkimor krahasues (PDF)
  • Projektimi i një Sistemi të Deklarimit të Aseteve me dorëzim dhe publikim online (PDF)
  • Praktika të mira nga Sisteme Deklarimi të ngjashme (PDF)
  • Standardet e publikimit në përputhje me kuadrin ligjor (PDF)

DataThon 2018 – Si shpenzon Bashkia ku unë paguaj Taksa ?

/in , /by

AIS, organizatë promotore për të dhëna të hapura dhe grant marrëse e programit Lëviz Albania organizon eventin DataThon 2018.

Slogan i eventit:           Si shpenzon Bashkia ku unë paguaj Taksa.

DataThon është një marathon dy ditore për të gjetur, analizuar, vizualizuar dhe shpjeguar me fakte të thjeshta, procese të buxhetimit, kontraktimit, prokurimit dhe të tjera, që lidhen me menaxhimin e parave publike nga Bashkitë.

Ftohen gazetar, aktivist, individ që njohin standardit OpenData dhe kanë njohuri në ICT, të aplikojnë për të marrë pjesë në DataThon.

Ku do të zhvillohet kjo Maratonë?

Në fshatin më turistik të vendit Voskopojë!

Kur do të zhvillohet kjo Maratonë?

Në datën 2 Nëntor 2018, nisja nga Tirana bëhet në datën 1 Nëntor 2018 mbasdite

Çfarë duhet bërë?

Sillni një ide, eja dhe punoni me grupin tuaj, vizualizoni dhe shpjegoni thjesht një proces që lidhet me shpenzimet dhe buxhetet bashkiake.

Ku mund ti gjej të dhënat për të punuar: OpenProcurement.Al ; OpenCorporates.al; spendingdata.al; FinancatVendre.al etj

Ku do të publikohen punimet?

tek Porta Vendore, në Blogun e AIS dhe në çdo media që i sheh me interes

A ka çmime për më të mirët?

Patjetër! Veç kënaqësisë së pjesëmarrjes në marathon, shijes së punës në një zonë plot natyrë, energjive së një eventi me mjaft bashkëpjesëmarrës kreativ, më të mirët si grup fitojnë Çmimi e Parë .

Si mund të aplikoj:

Gazetarët apo aktivistët duhet të përzgjedhin një temë apo ide. IT tanë duhet thjesht të shkruajnë një togfjalësh apo frazë çfarë i motivon të jenë pjesë. Kjo ide do të punohet në grupe me 2-3 persona gjatë ditës së Maratonës dhe do të prezantohet në fund. Ju aplikoni si individ, grupet do të krijohen gjatë në start të eventit. Për të aplikuar klikoni këtu

A ka një Juri?

Patjetër që ka, por edhe vetë pjesëmarrësit do votojnë për idenë më të mirë.

Kur do të njoftohemi për përzgjedhjen: brenda 10 ditëve nga regjistrimi, juve do tju vijë një Biletë për Pjesëmarrje.

Nëse nuk përzgjidhem si pjesë e grupeve, a mund të jem në Event:

Maratona është e hapur, kushdo mund të vijë dhe të angazhohet, por AIS mbulon shpenzime të udhëtimit dhe akomodimit vetëm për të përzgjedhurit që marrin konfirmim.

Fjalë Hashtag #LevizAlbania #DataThon #OpenData #OpenBudget #OpenSpending #FactBasedJournalism #OpenContracting #OpenProcurement #shto edhe një hashtag që identifikon punën apo projektin tuaj për qeverisje lokale dhe komunitet më të mirë.

 

Tema të mundshme:

  • Sa shpenzon një bashki për shërbime? A ka mjaftueshëm investim në kopshte rrugë dhe infrastrukturë?
  • Cilat janë bashkitë që nuk kanë marrë asnjë projekt nga Fondi i Zhvillimit të Rajoneve? Cilat janë projektet që ka mbështetur ky fond për zhvillim dhe a kanë impakt të duhur?
  • Performanca e Bashkisë në mbledhje taksash? Sa është e ardhura e taksave për frymë, po shpenzimi për një banor?
  • Investigo për një nga tenderat me RedFlag! Përtej shënimit që bën sistemi, çfarë qëndron pas një procedure me mungesë gare dhe konkurrence?
  • Biznese që fitojnë tender vetëm me negocim dhe pa konkurrent?
  • Biznese që kanë fituar më shumë se 30% të vlerës së tenderëve të një bashkie të caktuar?
  • Kontraktor në lidhje apo konflikt interesi????
  • Biznese që ofrojnë edhe mallra edhe shërbime edhe investime, të gjithanshëm apo preferencial në prokurim???
  • Buxhetim me pjesëmarrje? Duhet infrastrukturë por shpenzohet në shërbime?! Shpërndarja e (pa)drejtë e buxheteve.
  • Si pasurohet kryebashkiaku im, a ka kryebashkiak që përfitojnë direkt dhe indirekt nga investimet e bashkisë???
  • Temë tjetër e zgjedhur dhe propozuar nga ju.

Pse duhet të marr pjesë?!

Sepse në maratonë duhen gazetar që zbardhin të vërtetën, aktivist që luftojnë për qeverisje më të mirë!

 

Integrimi i algoritmit Red Flag në procesin e vlerësimit të riskut në Kontrollin e Lartë të Shtetit

/in , /by

Integrimi i algoritmit Red Flags në procesin e vlerësimit të riskut në Kontrollin e Lartë të Shtetit (KLSH) është një nga shtyllat e projektit “Transparenca në Sistemin Shëndetësor”, të financuar nga Agjensia Amerikane për Zhvillim Ndërkombëtar (USAID) dhe zbatuar nga University Research Company, LLC (URC).


Pas një serie takimesh me stafin e KLSH-së, në mënyrë që të përfshiheshin në këtë algoritëm indikatorët e nevojshëm që do të lehtësonin punën e audituesve të lartë, instrumenti redflag është publikuar online. Algoritmi Red Flags është përfshirë në bazën e mirë-strukturuar të të dhënave që përmban procedurat e tenderave të realizuara nga institucionet e sektorit të shëndetësisë prej 1 Janarit 2016.

Red Flag është një metodologji për vlerësimin e cilësisë dhe skanimin e procedurave të prokurimit. Ai përzgjedh dhe shënon në mënyrë automatike, nëpërmjet algoritmeve, disa procedura që paraqesin shenja për rrezik të mundshëm për sjellje të paligjshme, joetike, me risk të lartë për favorizim, mungesë konkurrence dhe rrezik potencial për pabarazi në garë.

Baza e të dhënave dhe algoritmi Red Flags fuqizojnë disa grupe civile si:

• taksapaguesit, të cilët kuptojnë se si po shpenzohen paratë e tyre

• pacientët, të cilët vlerësojnë dhe reagojnë mbi kontraktime që lidhen me cilësinë e shërbimit dhe infrastrukturës në shëndetësi

• gazetarët, për të përgatitur raportime të bazuara në fakte

• aktorë të tjerë, pjesë e programeve për transparencë dhe monitorim

Instrumenti RedFlag është përfshirë në bazën e të dhënave me qëllimin e mirë për të ndihmuar institucionet publike të auditimit të marrin në kohë reale sinjale mbi tendera dhe kontrata me probabilitet për keqpërdorim, klientelizëm apo korrupsion.

Prokurime të Fondit Shqiptar të Zhvillimit nga janar 2015, online një databazë sipas standardit OpenContracting

/in , , /by

Fondi Shqiptar i Zhvillimit është një nga institucionet më të rëndësishme publike. Projektet e tij mbulohen nga Buxheti i Shtetit dhe kreditimi i Institucioneve të rëndësishme ndërkombëtare. Prokurimi i punëve civile të FSHZH janë prokurime me rëndësi të veçantë për shkak të vlerave të larta dhe impaktit që duhet të krijojnë në sektorin publik. AIS ka përgatitur një databazë për secilin prokurim sipas standardit OpenContracting. Çdo individ mund të gjej aty të dhëna për tendera, fonde limit, oferta fituese, operator fitues, operator të skualifikuar, afate dhe terma kontratash. Të dhënat mund të filtrohen duke mundësuar analizë sipas vendosjes gjeografike të investimeve, kontraktimit me subjekte të caktuara të huaja apo vendase, tip procedurave të aplikimit në tenderim, kategorive të projekteve sipas vlerës dhe nivelit të konkurueshmërisë në garë. Të dhënat do të përditësohen çdo ditë duke u bërë të mundur taksapaguesve të monitorojnë kontraktime që lidhen me para dhe të mira publike.

Asset Declaration, interesa ekonomike dhe pasurore të Kryebashkiakëve

/in , , /by

Cilat janë interesat ekonomike të Kryebashkiakëve? Asset Declaration është një proces i kontrollit të integritetit, interesave dhe pasurisë së zyrtarëve të nivelit të lartë. Në vendin tonë Kryebashkiakët si drejtues të nivelit të lartë dhe të zgjedhur me votë kanë detyrim të bëjnë deklarim të aseteve pranë institucionit Inspektoriati i Lartë i Deklarimit të Pasurisë dhe Kontrollit të Interesave. Por aktualisht asset declaration nuk janë të publikuara në web të Inspektoriatit apo në web të bashkive. Para dhe Pushtet është një databazë me akses publik, krijuar nga AIS duke aplikuar të drejtën për akses informacioni. Në këtë rubrikë janë të zbardhura të gjitha deklaratat pasurore të Kryebashkiakëve në vite. Çdo qytetar mund të bëjë kërkim dhe kontroll online për tu njohur me interesa pasurore dhe ekonomike të kryebashkiakut të tij dhe anëtarëve të familjes. Të tjera analiza mbi të ardhura dhe interesa ekonomike për Kryebashkiak gjenden tek Open Data Albania.

Open Corporates Albania – Monitoro Klient të Bashkive

/in , , /by

Monitoro Klient të Bashkive, është një nga projektet e AIS për transparencë me Bashkitë. Projektit ka si rezultat kryesor databazën Open Corporates Albania. Në këtë databazë janë të dhëna ekonomike të subjekteve të biznesit që kanë fituar tendera dhe kontrata me bashkitë. Databaza prezanton Kontraktorët Privat të Bashkive, bën te njohur se kush janë zotërues dhe drejtues të tyre,prezanton performancën ekonomike dhe historikun e aktivitetit ekonomik. Këto subjekte ekonomike pasi fitojnë një tender bëhen implementues të shërbimeve, punëve apo veprave publike. Gjithashtu publiku njihet edhe me faktin se kush qëndron pas këtyre kompanive që fitojnë të drejtën e Kontraktorit me Njësi të Qeverisjes Vendore. Për secilën shoqëri biznesi është ndërtuar një pasaportë sipas standardit OpenCorporate dhe në këtë pasaportë është edhe lista e tenderave të fituar sipas bashkive gjatë periudhës 2015 dhe ongoing.

Si shpenzohen para të taksapaguesve, Pagesa të bashkive përmes Transaksione Thesari

/in , , /by

Ku shkojnë para të taksapaguesve? Për çdo bashki apo institucion buxhetor në vend, databaza e mirëstrukturuar për Pagesa Thesari bën të mundur transparencë të plotë për çdo pagesë të bërë nga Thesari i Shtetit drejt Klientëve. Sistemi ka të dhëna autentike me burim Ministrinë e Financave por ofron një mirëstrukturim që filtron të dhënat sipas kërkimit me datë pagese, kategori shpenzimi, subjekt përfitues, numër dhe përshkrim fature, kategori dhe vlere. Për çdo bashki taksapaguesit dhe qytetarët mund të monitorojnë pagesat buxhetore duke vendosur në filtrin e kërkimit për autoritetin pagues, emërtesën e bashkisë apo institucionit buxhetor që dëshirojnë të monitorojnë. Të dhënat janë të plota që prej vitit 2012.

Tendera dhe Kontrata, njihu me projekte dhe punë civile për çdo bashki

/in , , /by

Nga korrik 2015 datë e fillimit të funksionimit të 61 Bashkive sipas ndarjes së re territoriale dhe administrative deri korrik 2018, Bashkitë kanë prokuruar mbi 18 mijë kontrata për blerje mallrash, porosi shërbimesh, realizimi punë publike, qiradhënie, ankande apo kontrata koncesionare Partneritete Publike Private. Në databazën Open Procurement Albania për secilin tender është krijuar një pasaportë me të dhëna në formatin OpenContracting. Gjithashtu databaza ofron informacion të mirëstrukturuar dhe me mundësi të kërkimit të prokurimeve sipas autoritetit prokurues, konkurrentit fitues, vlerës, llojit të kontratës, nivelit të konkurueshmërisë, datës së shpalljes së tenderit etj. Sistemi ka edhe një strukturë algoritmi ku çdo kontratë i nënshtrohet një skanimi automatik dhe në bazë të disa kritereve tenderi markohet me RedFlag. Algoritmi redflag ka markuar 10% të totalit të tenderave të bashkive duke shfaqur kështu raste me risk për mungesë gare, pabarazi, favorizim dhe abuzim ekonomik. Të dhënat e databazës janë të përdorura në dhjetëra shkrime investigative në median shqiptare.

AIS rrit transparencën për Bashkitë, Viti elektoral monitoro 4 vite performancë

/in , , /by

Organizata AIS është promotore e transparencës dhe e të dhënave të hapura. Databaza të krijuara dhe mirëmbajtura prej saj, krijojnë mundësi për të monitoruar shpenzime, prokurime, menaxhim të aseteve publik dhe shpërndarje të buxheteve edhe sipas njësive të qeverisjes vendore. Në korrik 2018 shënohen plot tre vite nga fillimi i punës së Bashkive, sipas ndarjes së re territoriale dhe administrative. Ky vit mund të quhet fare mirë edhe viti elektoral që mban zgjedhjet lokale 2019. AIS fton qytetarët, aktivistët dhe gazetarët të monitorojnë punën dhe integritetin e drejtuesve të Bashkive, edhe përmes databazave me të dhëna transparente në format opendata, të lehta për tu gjetur, përdor dhe ripërdorur.

Monitoro Kontratat nëpërmjet të dhënave, Sektori i Shëndetësisë në Shqipëri

/in , , , /by

Monitoro Kontratat nëpërmjet të dhënave, Sektori i Shëndetësisë në Shqipëri nxjerr në pah problematikat mbi në shpërndarjen e parave sipas kontraktorëve. 13 mijë kontrata të tenderuar nga institucione të shëndetit publik në vend (2016 – 2018) janë fituar nga 586 kontraktor , shoqëri biznesi. 61% e këtyre kontratave janë finalizuar në tendera me vetëm një operator konkurrues në garë ndërsa 25% e tenderëve janë procedura të mbyllura me negocim . Prokurime Transparente në sektorin shëndetësi jo vetëm open up të dhëna për kontraktimet e sektorit por krijon mundësi edhe për analiza e vizualizime të informacionit. Sëshpejti në këtë databazë do të aplikohet edhe skanimi me algoritëm read flag për tendera që kanë risk për pabarazi, mungesë konkurrence apo situate klienteliste.