61 Bashki realizuan 26 084 tendera në mandatin katërvjeçar Korrik 2015 – Korrik 2019, të dhëna të mirëstrukturuara tek Open Procurement Albania

Ndërsa Kryebashkiakët po përfundojnë mandatin në krye të 61 Bashkive, mandat 2015 – 2019 si mandat i parë pas Reformës Administrative dhe Territoriale, publiku ka mundësi të aksesojë historikun e plotë të tenderave për këto 61 Bashki, shoqëritë publike në administrimin e tyre dhe  ndërmarrjet e vartësisë.  Kjo databazë në version të mirë strukturuar informacioni, me të dhëna për çdo tender, me të dhëna që shkarkohen edhe në formatin Open Data dhe me dokumenta të listuara është e mundur të aksesohet në Portalin Open Procurement Albania, kategoria Prokurime Publike Njësi të Qeverisjes Vendore http://prokurimetransparente.al/

Në krye të katër viteve histori tenderimesh nga 61 njësi të qeverisjes vendore, publiku mund të aplikojë filtra kërkimi duke bërë të mundur kërkim dhe listim të tenderave sipas Bashkive, Sipas Llojit të Kontratës apo sipas kompanisë fituese.

Në total deri tani për periudhën Korrik 2015 deri Korrik 2019 janë të afishuara 26 084 tendera të shpallur nga të cilët janë finalizuar me njoftim për shpallje fituesi 19 499 http://prokurimetransparente.al/sq/tender/list

Ndër këta tendera me vlerë mbi 100 milion lekë janë shpallur vetëm 215, ndër bashkitë që nuk kanë realizuar asnjë tender me vlerë mbi 100 milion lekë janë: Bulqiza, Fushë-Arrëz, Klos, Kolonjë, Kukës, Lezhë, Mallakastër, Mat, Përmet, Poliçan, Pustec dhe Selenicë http://prokurimetransparente.al/sq/tender/list/limit_fond/100%20infinit

Databaza është e ndërtuar dhe funksionon edhe me një algoritëm të markimit me RedFlag për tenderat procedura e të cilave ka risk për parregullsi dhe defekte të garës. Ky sistem markimi ka shënuar 2983 tendera si problematik me potencial për parregullsi të mundshme të konkurrencës në tenderim
http://prokurimetransparente.al/sq/index/redflag

Databaza ka informacion edhe për ankande të mbajtura nga Bashkitë si Njësi të qeverisjes vendore. Në katër vite përmes mbi 200 buletineve të Agjencisë së Prokurimeve Publike janë sistemuar dhe publikuar të dhëna për 441 Ankande nga Bashkitë http://prokurimetransparente.al/sq/auction/list

Në katër vite, pesë kompanitë që kanë fituar vlerën më të lartë të tenderave nga 61 bashkitë janë:

    1. Fusha shpk me total vlerë kontratash të lidhura prej  4 922 891 411 Lekë http://prokurimetransparente.al/sq/tender/list/corporate_id/J61922018S/

    2. GPG Company shpk me vlerë kontratash 2 005 352 859 Lekë http://prokurimetransparente.al/sq/tender/list/corporate_id/J64324443V

    3. Salillari ka fituar kontrata me vlerë 1 570 604 436 Lekë http://prokurimetransparente.al/sq/tender/list/corporate_id/J62903125G

    4. Alko IMPEX General Contruction
      http://prokurimetransparente.al/sq/tender/list/corporate_id/J62903125G

    5. Vëllezërit Hysa
      http://prokurimetransparente.al/sq/tender/list/corporate_id/K12911201C

Databaza do të vijojë të plotësohet me rezultate të tenderimeve të shpallura në muajt e parë të vitit për të cilat pranimi,  vlerësimi dhe finalizimi i ofertave vijon të bëhet. Gjithashtu listimi i tenderave do të vijojë edhe për mandatin e dytë të punës së bashkive.

AIS starton projektin Improvement of Integrity of the Public Contractors, mbështetur nga Ministria Holandeze e Punëve të Jashtme

Projekti më i ri i startuar nga AIS titullohet “Improvement of Integrity of the Public Contractor, Legislation, Practice and Role of Civic Actors”. Projekti mbështetet nga Ministria Holandeze e Punëve të Jashtme si një nga Programi MATRA në Shqipëri. Në datën 18 korrik 2019 Zonja Ambasadore Guusje Korthals Altes dhe drejtoresha e organizatës AIS Aranita Brahaj nënshkruan marrëveshjen për fillimin e aktiviteteve. Projekti do të vlerësojë legjislacionin kombëtar duke e krahasuar me atë të vendeve të EU sa i takon rregullimeve në lidhje me përzgjedhjen dhe vlerësimin e kompanive private që garojnë për të fituar kontrata me shtetin. Në finale gjetjet do të shërbejnë për të propozuar përmirësime të legjislacionit dhe praktikës kombëtare. Një komponent i projektit është edhe fuqizimi i medias investigative dhe aktorëve civil që monitorojnë procese të kontraktimit publik me fokus çështje që lidhen me integritetin e kontraktorëve privat.

Open Data Albania zbardh të dhëna mbi Dëmin ekonomik të audituar nga Kotrolli i Lartë i Shtetit gjatë 2018

Portali Open Data Albania ODA ka publikuar në muajin Korrik disa artikuj hulumtiv me të dhëna të hapura nga raporte të Auditmit të Kontrollit të Lartë të Shtetit KLSH gjatë vitit 2018. Artikujt bëjnë të njohur dëmin e konstatuar sipas vlerave monetare, institucionet që kanë shkaktuar dëm më të lartë, sektorët dhe fushat ku është kryer ky dëm. Vlera të Dëmit dhe Jo Efektiviteti konstatuar gjatë auditimeve të këtij viti është dyqind e trembëdhjetë miliard Lekë. Në monedhën Euro përllogaritet një pikë shtatë miliard Euro. Dëmi ndahet në dy kategori që janë Parregullsi dhe Shkelje Financiare me Dëm Ekonomik në të ardhurat dhe shpenzimet e kryera dhe Shkelje të Disiplinës Financiare me ndikim Negativ në Performancën e subjekteve të Audituara. Auditimet janë bërë sipas Planit të Auditimeve të Institucionit gjatë muajve të vitit 2018 por i përkasin veprimtarisë ekonomike dhe financiare të viteve 2014 – 2018. Gjatë vitit 2018, KLSH ka realizuar auditime në njëqind e gjashtëdhjetë e dy institucione.

Event me Gazetar Roli i Autoriteteve Qendrore dhe Lokale gjatë periudhave zgjedhore, Praktika të Monitorimit

Në datën 26 korrik u mbajt në Tiranë një tryezë e rrumbullakët me gazetar dhe përfaqësues nga shoqëria civile me temë Roli i Autoriteteve Qendrore dhe Lokale gjatë periudhave zgjedhore, Praktika të Monitorimit. Tryeza u organizua nga Organizatat Instituti Shqiptar i Shkencave AIS dhe Instituti për Studime Politike ISP me mbështetje të USAID, projekti Zhvillimi dhe Bashkëpunimi i Përshpejtuar i Shoqërisë. Dy organizatat janë zbatuese të projekteve për monitorim dhe përmirësim të situatës që lidhet me përdorimin e aseteve publike gjatë viteve elektorale. Organizata AIS është duke zbatuar projektin Monitorimi i Abuzimit me asetet publike nga kompani me pronësi shtetërore gjatë periudhave zgjedhore. Si rezultat i këtij projekti u prezantuan edhe dy databaza. Njëra prej tyre ka të plotë historikun dhe informacionin për çdo procedurë tenderash të Shoqërive me Zotërim Publik në dy vitet e fundit përfshi vitin elektoral. Databaza tjetër i siguron publikut informim dhe njohuri mbi menaxhimin dhe performancën e shoqërive me zotërim publik prej datës së themelimit deri ne vitin aktual. Kjo databazë aksesohet në portalin Open Corporates Albania rubrika Shoqëri me Zotërim Publik . Gazetarët pjesëmarrës në event ishin nga media të ndryshme tradicionale apo media online si Top Channell; Ora News; BIRN; ShqiptarjaCom; Shekulli; News 24; Opinion; Citizens Channel; Qendra për Gazeari Cilësore; ExitAl etj.

Ekspert në tryezë janë njohës të mirë të legjislacionit dhe praktikës që përkon me përformancën dhe monitorimin e sektorit publik e kryesisht të shoqërive me zotërim publik në Shqipëri dhe Rajon. Tryeza pati për qëllim jo vetëm prezantim të gjetjeve në monitorim, por edhe rritje të kapaciteteve të gazetarëve në realizimin e artikujve cilësor për temën e përdorimit të aseteve publike në vite elektorale.

Agenda Këtu

Fotot

 



Tryezë e Rrumbullakët me përfaqësues të medias, shoqërisë civile dhe institucioneve – Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Në datën 11.06.2019 u mbajt një Tryezë e Rrumbullakët me përfaqësues të medias, shoqërisë civile dhe institucioneve. Objekt i tryezës së rrumbullakët ishte:

    • prezantimi i vëllimit dhe dinamikës së punës së institucionit në 15 muajt e parë;

    • analiza e kontekstit të krijimit të këtij institucioni;

    • vlerësimin impakti i Agjencisë në eficensën dhe cilësinë e Prokurimeve dhe Kontratave,

    • krahasimi me modele të tjera dhe nevoja për ndërhyrje dhe përmirësime të tjera

Moderator në tryezë ishin përzgjedhur ekspert të legjislacionit dhe praktikës institucionale në çështje të prokurimit dhe kontraktimit. Konkretisht: Muharrem Çakaj dhe Elton Lula, ekspert për prokurimet dhe apelimin ish anëtar i Komisionit të Prokurimit Publik.

Veç gazetarëve dhe përfaqësuesve të shoqërisë civile, në tryezë morën pjesë edhe një përfaqësues nga Ministria e Financave dhe një përfaqësues i Kontrollit të Lartë të Shtetit.

Gjithashtu në tryezë u prezantua edhe databaza e krijuar për mirëstrukturim të të dhënave të Prokurimeve Publike të Agjencisë dhe vëllimi i prokurimeve sipas karakteristikave. Konkretisht:

    • Në këtë periudhë 15 mujore, na rezulton që sistemi ka anoncuar 293 kontrata me një vlerë Fondi Limit prej 6 347 790 714 Lekë http://openprocurement.al/sq/agency/list (jo më shumë se 20 kontrata në muaj).

    • Në këto 293 kontrata me vlera më të mëdha se 100 milion lekë janë 12 kontrata
      Link:http://openprocurement.al/sq/agency/list/limit_fond/100%20infinit?

    • Tenderi me vlerën më të lartë i njoftuar është ai për Blerje Uniforma për Policinë e Shtetit dhe aksesorë që e plotësojnë me fond limit 908 973 900 lekë i shpallur në datën 10 gusht 2018. Ky tender është anulluar pasi asnjë nga ofertat e paraqitura nuk përputhen me kriteret e përcaktuara në dokumentet e tenderit. http://openprocurement.al/sq/agency/view/id/30

    • Tendera të anulluar janë 37 në total, mes tyre 3 janë me vlera të fondit limit mbi 100 milion lekë, ky dy anullime janë bërë pasi është shpallur fituesi
      http://openprocurement.al/sq/agency/list/status_id/4?

    • 23 tendera janë aplikuar me vetëm një konkurrent në garë http://openprocurement.al/sq/agency/list/bidder_no/1?

    • Deri tani Institucionet për emër dhe llogari të të cilave tenderon Agjencia janë 81 mes tyre drejtori të Policisë së Shtetit, Doganave, Burgjeve, Institucione të Shëndetësisë etj.

    • Sistemi i markimit me RedFlag ka markuar deri tani automatikisht 65 tendera, nga të cilët me vlerë mbi 100 milion lekë janë 8(nga 12 kontrata në total) kontrata
      http://openprocurement.al/sq/agency/redflag dhe me vlerë 5 deri 100 milion lekë janë 33 kontrata.

Në përfundim si konkluzion i tryezës u artikulua nevoja për të rregulluar më mirë mënyrën e përzgjedhjes dhe statusin e punonjësve të axhensisë; nevoaja për plotësim të të gjithë akteve nënligjore që rregullojnë punën e institucionit dhe rritja e numrit të institucioneve qeveritare që delagojnë kompetencat për prokurrim tek axhencia. Një nga konkluzionet më me theks të tyrezës ishte nevoja e përmirësimit dhe forcimit të rolit të aktorëve watch dog në monitorimin e kontraktimit publik.

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Transparencë, Monitorim dhe Vlerësim për Prokurimet e Agjencisë së Blerjeve të Përqëndruara

Blerjet e Perqendruara PDF.

Tendera të Agjencisë së Blerjeve të Përqendruara të proceduar nga Shkurt 2018 deri 31 Maj 2019.

Aksesi në të  dhëna standardi Open Contracting. Duke përdorur publikimet në sistemin e APP, të dhëna të buletineve, të dhëna të sistemit të Thesarit apo të dhëna të Open Corporates Albania është krijuar databaza me pasaporta për të gjitha tenderimet e prokuruara nga kjo Agjenci e Blerjeve të Përqendruara. Në rastin e tenderimeve me lote, secili Lot (garë) është konsideruar një pasaportë e vetme.

  • Në këtë periudhë 15 mujore, na rezulton që sistemi ka anoncuar 293 kontrata me një vlerë Fondi Limit prej 6 347 790 714 Lekë  http://openprocurement.al/sq/agency/list (jo më shumë se 20 kontrata në muaj).

  • Në këto 293 kontrata me vlera më të mëdha se 100 milion lekë janë 12 kontrata
    Link: http://openprocurement.al/sq/agency/list/limit_fond/100%20infinit?

  • Tenderi me vlerën më të lartë i njoftuar është ai për Blerje Uniforma për Policinë e Shtetit dhe aksesorë që e plotësojnë me fond limit 908 973 900 lekë i shpallur në datën 10 gusht 2018. Ky tender është anulluar pasi asnjë nga ofertat e paraqitura nuk përputhen me kriteret e përcaktuara në dokumentet e tenderit. http://openprocurement.al/sq/agency/view/id/30

  • Tendera të anulluar janë 37 në total, mes tyre 3 janë me vlera të fondit limit mbi 100 milion lekë, ky dy anullime janë bërë pasi është shpallur fituesi http://openprocurement.al/sq/agency/list/status_id/4?

  • 23 tendera janë aplikuar me vetëm një konkurrent në garë http://openprocurement.al/sq/agency/list/bidder_no/1?

  • Deri tani Institucionet për emër dhe llogari të të cilave tenderon Agjencia janë 81 mes tyre drejtori të Policisë së Shtetit, Doganave, Burgjeve, Institucione të Shëndetësisë etj.

  • Sistemi i markimit me RedFlag ka markuar deri tani automatikisht 65 tendera, nga të cilët me vlerë mbi 100 milion lekë janë 8 (nga 12 kontrata në total) kontrata http://openprocurement.al/sq/agency/redflag dhe me vlerë 5 deri 100 milion lekë janë 33 kontrata.

  • Projekti do të monitorojë dhe publikojë në formatin OpenContracting të gjitha tenderimet e kësaj Agjencie në 2 vitet e para të punës.

Ky proces për krijimin e databazës dhe monitorimin  e të dhënave realizohet në kuadër të projektit Transparency, Monitorin gand Evaluation of Procurement of Central Purchasing Agency, projekt i mbështetur financiarisht nga Programi i Granteve të Vogla të Komisionit për Demokraci i Ambasadës së SHBA-ve në Tiranë, ku opinionet, gjetjet, konkluzionet dhe rekomandimet e shprehura janë të autorëve dhe nuk përfaqësojnë domosdoshmërisht ato të Departamentit të Shtetit.

Transparencë, Monitorim dhe Vlerësim për tender të Agjencisë së Blerjeve të Përqendruara.

Agjencia e Blerjeve të Përqendruara është një institucion shtetëror i krijuar në vitin 2018 me qëllim përqendrim të blerjeve të mallrave dhe shërbimeve për Ministrinë dhe Institucionet e tyre të vartësisë. Qeveria Shqiptare krijoi këtë institucion me qëllim rritjen e eficensës dhe impaktin antikorrupsion në përdorimin e parave publike për shpenzime korrente. AIS ka krijuar një instrument monitorimi dhe vlerësimi mbi riskun për Favorizim dhe Klientelizëm në këto tendera. Nga Shkurt 2018 deri Maj 2019 Agjencia ka prokuruar në total 293 Kontrata nga të cilat 65 janë tender me mungesë gare apo konkurrence. AIS konstaton vonesa në publikimin e lidhjeve të kontratave dhe mos publikim të dokumenteve të monitorimit të ekzekutimit të kontratës në databazën për prokurime transparente. Monitorimi i kësaj Agjencie do të vijojë për 2 vitet e para të punës së saj.

Vlerësimi i riskut Redflag : 18% e tenderëve Bashki në 2018 janë me risk për korrupsion, Lista

Tendera pa garë negocime të drejtpërdrejta apo pa konkurencë me vetëm një operator ekonomik në garë, janë tendera me risk të lartë për parregullsi dhe keqpërdorim të kontratave dhe fondeve publike.  Përmes programit për Prokurime Transparente AIS ka konstatuar se 18% e totalit të tenderave të realizuar nga Bashkitë kanë të paktën një element risku në tenderim. Ky vlerësim bëhet përmes algoritmit për RedFlag si instrument antikorrupsion. Bashkitë dhe institucionet e tyre njoftuan nga 1 janari deri 31 dhjetor 2018 një numër prej 5642 kontrata me vlerë në lekë prej 21.9 miliard. Po në të njëjtën periudhë sistemi markoi me RedFlag 997 kontrata të tenderuara çka përbën 18% të totalit. Databaza për Prokurime Transparente Bashki ofron mundësi për të monitoruar dhe vlerësuar çdo tender të Bashkive në mandatin e parë qeverisës 2015-2019.

Programi televiziv 31 Minuta një përpjekje për gazetari kualitative.

Programi Televiziv 31 Minuta është një nga përpjekjet për gazetari kualitative. Programi po transmetohet prej pak muajsh në ekranin e televizionit publik si një bashkëpunim i Radio Televizionit Shqiptar me Qendrën për Gazetari Cilësore. Albanian Institute of Science AIS u bë pjesë e mbështetësve të programit duke ndihmuar gazetarët në realizimin e historive të tyre me karakter investigative. Nxitja e gazetarisë cilësore të bazuar në fakte dhe ekspertizë është një nga elementët më të rëndësishëm që lidhen përtej lirisë edhe me cilësinë e gazetarisë. Programi 31 Minuta vijon duke depërtuar më në thellësi të problemeve dhe duke analizuar në një mënyrë të pavarur dhe të guximshme.

Dita e Europës në Tiranë, prezantohet kursori.org platforma për aftësimin e të rinjve në Shqipëri dhe Kosovë

Në kuadër të Ditës së Europës 9 Maji, në Tiranë u prezantua platforma kursori.org. Ky instrument në gjuhën shqipe është krijuar në kuadër të projektit të zbatuar nga ODK dhe AISEdukimi i Hapur TIK për punësim të të Rinjve. Projekti ofron kurse falas për teknologji informacioni pranë shkollës profesionale “Kolin Gjoka” Lezhë, Gjimnazeve “At Shtjefën Gjecovi” Laç, “At Shtjefën Kurti” Gorre, “Arif Halil Sula”Mamurras, Gjimnazit Milot dhe Universiteteve “Ukshin Hoti”Prizren e “Haxhi Zeka” Pejë. Aftësimi për punë në teknologji informacioni është një mundësi shumë e mirë për punësim në tregun Europian pa emigruar nga vendi. Projekti mbështetet nga delegacioni i EU si IPA ndërkufitar Shqipëri-Kosovë. Ambasadori Soreca u bë pjesë e promovimit të Kursorit dhe aktiviteteve me dobishmëri për aftësimin profesional e ekonomik të të rinjve.