Ftohen të aplikojnë të rinj që kanë dëshirë të jenë Qytetar Aktiv, të Informuar dhe Pjesëmarrës.

Organizata AIS promotore e Open Data Albania dëshiron të ftojë të rinj nga dy Bashki të vendit Has dhe Berat të bëhen pjesë e aktiviteteve për rritje të ndërgjegjësimit dhe kapaciteteve për advokim dhe monitorim të Shpenzimeve dhe Kontraktimeve Publike.

Individët që dëshirojnë të marrin pjesë në trajnime, infosesione dhe diskutime të hapura duhet të jenë nën 30 vjeç, banor ose rezident në këto dy bashki.

Apliko LINK

Thirrja dhe Programi me të rinj realizohet në mbështetje të Projektit Aktivizëm Rinor për Qeverisje të Mirë dhe Forcim të Kulturës së Monitorimit dhe Aktivizmit (Youth Activism for Good Governance in Berat and Has Municipalities: Instilling Watchdog and Activism Culture).

25 deri 30 të rinj do të përzgjidhen me aplikim dhe do te ftohen të marrin pjesë në trajnime dhe aktivitete ndërgjegjësuese me qëllim aftësim dhe edukim për Qeverisje Transparente.

Afati për plotësim të dokumenteve është deri më 26 Tetor.

Krijo Aftësi dhe Fuqizohu në Monitorim, Pjesëmarrje dhe Advokim për Shpërndarje të drejtë të Parave dhe Kontratave Publike

Organizata që Ju fton të merrni pjesë.

Në përgjigje të Ftesës së Ministrisë së Shtetit për Administratën Publike dhe Antikorrupsionin, për pjesëmarrje në Konsultim Publik të Draft – Strategjisë Kombëtare Antikorrupson, lancuar në Korrik 2024, organziata AIS mori pjesë në Takimin me Shoqërinë Civile dhe adresoi gjithashtu me shkrim sugjerime dhe dhënie mendimi. Duke vlerësuar dokumentin e realizuar dhe mundësinë për pjesëmarrje në konsultim publik AIS sugjeron një Objektiv Shtesë për Strategjinë.

Më poshtë shkresa drejtuar Institucionit.

Dhënie mendimi gjatë Konsultimit Publik

Drejtuar:             Ministrisë së Shtetit për Administratën Publike dhe Antikorruspion

Lënda:                 Dhënie mendimi gjatë Konsultimit Publik të Draft Strategjisë Ndër Sektoriale Kundër Korrupsionit 2024 – 2023

Nga:                    Organziata Instituti Shqiptar i Shkencave AIS, promotor i OpenDataAlbania

Data:                   30 Gusht 2024

 

E nderuar zonja Ministre,

Të nderuar zyrtarë të Ministrisë së Shtetit për Administratën Publike dhe Antikorruspion.

Përmes kësaj shkrese më lejoni t’ju përcjell konsideratë për punën e realizuar nga Institucioni juaj për hartimin e Draft Strategjisë Ndër sektoriale kundër Korrupsionit. Gjithashtu dëshiroj t’ju falënderoj për gjithë procesin për konsultim dhe marrje mendimi të realizuar me aktorë të shoqërisë civile dhe biznesit. Duke e vlerësuar dokumentin, qëllimet, objektivat dhe masat prioritare të parashikuara, Organizata Instituti Shqiptar i Shkencave (akronim AIS), e njohur si Promotor i OpenData për Shqipërinë dëshiron të parashtrojë edhe dy propozime për përfshirje në Strategji si vijon:

1. Të Shtohet tek Objektiv Specifik  1.3 edhe Parandalimi i Korrupsionit, Depolitizimi dhe Përmirësimi i Integritetit i Ndërmarrjeve me Zotërim Publik

Sugjerohet që Pjesë e Strategjisë përveç Sektorëve të cituara në draft, të konsiderohet edhe sektori i Shoqërive dhe Ndërmarrjeve me Zotërim Publik SOC (state-owned enterprise/corporates). Ky sektor ka rëndësi të veçantë pasi menaxhon asete shtetërore dhe burime njerëzore. Po njësoj disa nga Kompanitë e këtij sektori ofrojnë shërbime ekskluzive për qytetarët (ujë , energji) apo veprojnë në sektor me rëndësi sa i përket sigurisë kombëtare (furnizimi me ujë, portet etj). Organziata jonë  sikurse edhe aktorë të tjerë, prej vitesh e ka konsideruar këtë sektor me rrisk sa i përket menaxhimit, kontrollit financiar dhe përdorimit të aseteve dhe burimeve publike. Po njësoj keqpërdorimi i aseteve dhe burimeve publike në fushata zgjedhore është evidentuar sistematikisht në sektorin e SOC.

Sa më lart do dëshironim që një nga Objektivat Specifik të Strategjisë ti përkushtohej edhe rishikimit të Legjislacionit dhe Statuteve (përmes zotëruesve Ministri apo Njësi të Qeverisjes Vendore), duke garantuar Rregullim Ligjor, Nënligjor dhe Statutore të Shoqërive SOC-eve. Rregullimet në kuadrin ligjor dhe nënligjor duhet të jenë të tilla që garanton menaxhim me meritokraci (kritere dhe konkurrim), rregulla të qarta për depolitizim të drejtuesve dhe menaxherëve të lartë, parashikime të qarta statutore për auditimet e brendshme, auditim të jashtëm dhe kontrollin financiar.

Sektori SOC është i rëndësishëm sa i përket edhe plotësimit të kritereve dhe kushteve të vendit si vend Kandidat për anëtarësim në EU, konkretisht kritereve për Kontrollin Financiar  (kapitull 32).

2. Përfshirja e Shoqërinë Civile, Organziata. Objektiv 3.3.2

Duke e konsideruar këtë aspekt si mjaft të rëndësishëm sa i përket Politikave Antikorrupsion do të sugjeroja targetim të më shumë rezultateve duke mos u mjaftuar vetëm me fushata ndërgjegjësuese. Parimisht do të sugjeroja aplikimin e marrëveshje bashkëpunimi të Ministrisë me Organizata të Shoqërisë Civile që punojnë në mbikëqyrje, denoncim dhe forcim të Eficencës së ligjit në sektorët e përzgjedhur si sektor me rrisk. Këto marrëveshje do të garantonin edhe shkëmbim të evidencave, raporteve , produkteve të këtyre aktorëve civil (shoqata jo qeveritare, shoqata biznesi apo grupe interesi). Po njësoj evente të përbashkëta pёr ndërgjegjësim, edukim, rritje kapacitetesh për mirëqeverisje. Marrëveshjet e Institucioneve me OJQ apo Paktet e Integritetit (kryesisht sektori prokurim publik) janë mekanizma që janë aplikuar me sukses në përmirësimin e situatave Antikorruspion në disa vende EU apo kandidate. Këto lloj marrëveshjesh do të lehtësonin punën e aktorëve watchdog dhe do të garantonin adresim më të saktë të gjetjeve mbi vlerësimin e riskut që bën shoqëria civile.

Po njësoj do të sugjeroja që ky Objektiv përveç Fushatave Ndërgjegjësuese të konsideronte si rezultat edhe bashkëpunime të institucioneve me aktorët civil në dedektim dhe parandalim të rasteve korruptive.

Duke ju përgëzuar edhe një herë për dokumentin Draft Strategji, ne shpresojmë që propozimet më lart të konsiderohen për përfshirje sikurse ju urojmë suksese në finalizim dhe zbatim të kësaj Strategjie.

Me respekt

Aranita BRAHAJ – Drejtore Ekzekutive AIS

Organizata AIS, promotore e Open Data për Shqipërinë në bashkëpunim me Prezencën e OSBE-së në Shqipëri ju ftojnë të aplikoni për t’u bërë pjesë e maratonës për të dhëna të hapura dhe transparente DataThon 2024.

Maratona e Open Data këtë vit i dedikohet të rinjve dhe do të fokusohet në të dhëna të buxheteve të shtetit dhe financave publike.

Eventi do të mbahet në Tiranë përgjatë datave të para të Korrikut.

Janë të ftuar dhe të mirëpritur të aplikojnë të rinj që duan të fuqizohen në edukim financiar me parime dhe modele të buxhetit të hapur dhe përfshirje në buxhetim.

Kush mund të aplikojë për pjesëmarrje:

• Të rinj nga mosha 20 deri 30 vjeç;
• Student, profesionist, ekonomist, jurist, aktivit, kërkues apo të apasionuar pas të dhënave;
• Të rinj që dëshirojnë të jenë pjesëmarrës dhe të kontribuojnë për ndërgjegjësim dhe aktivizëm qytetar!

Si aplikohet: Duke plotësuar Formularin e Aplikimit me të dhëna mbi identitetin, arsimimin, profesionin dhe angazhimin e të interesuarve. Mos harroni të plotësoni kontaktet tuaja dhe një arsye përse dëshironi të jeni pjesë e DataThon Albania 2024.

Sa kohë duhet të angazhohem? – Në javët që pasojnë kandidatët e suksesshëm do të ftohen në një event prezantues dhe dy workshop-e apo sesione informuese. Gjatë këtyre eventeve të karakterit StartUp do të bëhet përzgjedhja e temës, ndarja në grupe, monitorimi, prezantimi i databazave, ku aksesohet informacioni, mbledhja dhe analiza e të dhënave.

Në një event final DataThon secili pjesëmarrës do të prezantojë në trajtë grafike, vizuale, analize dhe qëndrimi qytetar një temë që lidhet me buxhetimin transparent dhe pjesëmarrjen.

Çfarë ndodh pas Maratonës?

• Punimet më të mira publikohen në faqjen e web-it të projektit të AIS ‘FollowtheMoney.al’;
• Individi më i spikatur do të angazhohet pranë AIS / OpenDataAlbania si staf analist me kontratë 3 deri 6 muaj;
• Promovim dhe kreativitet për pjesëmarrësit;
• Networking me të rinj të apasionuar pas të dhënave.

Historik:

DataThon janë evente të hapura, kreative, motivuese, të dobishme dhe sensibilizuese. Fjala DataThon vjen nga Data+Marathon. DataThon mund të organizohen çdo herë  nga grupe me dëshirë dhe pasion për të dhënat dhe interes në një temë apo sektor. Në Shqipëri DataThon i parë u mbajt në Dhjetor 2011 organizuar nga AIS si promotor i OpenDataAlbania. Prej atherë cdo vit AIS ka organizuar maratona të hapura si DiploHack, DataThon dhe Hackathon.

Për pyetje [email protected]

Bëhuni Pjesë e Maratonës më kreative dhe inteligjente!

Workshop:
Me Pjesëmarrës Përfaqësues nga Administrata e Parlamentit dhe e Kontrollit të Lartë të Shtetit

Mbi aspekte të punës për pjesëmarrje, monitorim dhe dialog me qytetarët gjatë hartimit dhe raportimit të Financave Publike

Workshop-i mund të konsiderohet edhe si vijimësi (follow up) i eventit të mëhershëm të mbajtur në datën 31 Janar 2024, me titull “Mbikëqyrja e Financave Publike, mbi Rolin e Parlamentit, Institucioneve dhe Shoqërisë Civile”.

Organizator:
AIS, promotor i Open Data Albania

Projekti dhe Partneriteti:
“Rritja e përgjegjshmërisë së parlamentit ndaj shqetësimeve të qytetarëve”, një projekt i financuar nga Ambasada Britanike në Tiranë dhe zbatohet si konsorcium mes IDM në partneritet me Citizens Channel dhe AIS.

Vendi:
Hotel Tirana Marriott, Salla Vjosa, Kati i tretë

Data:
1 Mars 2024

Agjenda:
Kliko këtu