Aktivitete – Faqe 21 – Albanian Institute of Science

Ligji për qeverisjen vendore , Dhoma Zgjedhore kundër tre mandateve për të zgjedhurit Vendorë

16/12/2015/in Aktivitete, Njoftime per shtyp /by admin

Tiranë data 15 Dhjetor 2015

Dhoma Zgjedhore, i ka kërkuar Kuvendit të Shqipërisë të mos ndryshojë variantin fillestar të draftit për ligjin e vetëqeverisjes vendore, i cili kishte një kufizim deri në 2 mandate për të zgjedhurit vendorë.

Vendimi fundit për ta çuar në tre mandate konsiderohet regres nga Dhoma Zgjedhore. Sipas përfaqësuesve të kësaj dhome, ky vendim është kthim pas, duke argumentuar se të gjithë kryebashkiakët që kishin një mandat të 3-të u proceduan penalisht për abuzime me detyrën.

Gerti Shella (INFOCIP): Përvoja shqiptare në qeverisjen vendore dikton sot më shumë se kurrë kufizimin e mandateve në dy të tilla. Vetëm në fillim të këtij viti kryebashkiakët e qyteteve të rëndësishme me nga dy mandate në detyrë që kërkonin një të tretë në kuadër të zgjedhjeve u proceduan penalisht për shpërdorim detyre dhe korrupsion. Dhjetëra ishin dhe kryekomunarët e proceduar.

Aranita Brahaj (AIS dhe Za’Lart Albania 2015): Në monitorimin e Situatave Zgjedhore në Zgjedhjet për Pushtetin Vendor 2015 u konstatua se aty ku rikandidonin kryetarë ekzistues të bashkive konstatoheshin më shumë shpenzime elektorale dhe më shumë raste të përdorimit të administratës publike në fushatë. Në platformën Za’Lart qytetarët raportuan për problem me transferime emrash në regjistrin civil. Po kështu në bashki ku rikandidohej u raportuan edhe presione për të intimiduar votuesit përmes shërbimeve publike duke cenuar kritere të konkurrimit të drejtë mes kandidatëve. Për këtë arsye ligji nuk duhet të tolerojë perëndimin e pushteti për një kohë kaq të gjatë.

Kristaq Kume: Do të përdorim mekanizma të tillë shtrëngues siç është kufizimi I të drejtës së të zgjedhurit jo më shumë sesa dy mandate”

Ndryshimi i draftit fillestar të ligjit të qeverisjes vendore, sipas Dhomës Zgjedhore shkon dhe në kundërshtim me rekomandimet e ndërkombëtarëve por dhe me procesin konsultativ e me grupet e interesit.

PDF Deklarata e Anëtareve.
Titull: Ligji për qeverisjen vendore , Dhoma Zgjedhore kundër tre mandateve për të zgjedhurit vendorë

Titull Lajmi: Dhoma Zgjedhore kundër projektligjit: Prodhon korrupsion – Top Channel Albania – News – Lajme

Gazeta Shekulli Titull: Dhoma Zgjedhore: Kryebashkiakët të zgjidhen në dy mandate

Ballkanweb: Dhoma Zgjedhore – Zgjedhja e kryebashkiakëve vetëm për dy mandate

Gazeta MAPO: Deklaratë e Shoqërisë Civile: Projekt-ligji Për Qeverisjen vendore, devijim negativ

Deklarata dhe Interesa Pasurore për Kryebashkiak të zgjedhur në 21 qershor 2015

07/12/2015/in Aktivitete, Kreupost /by admin

Në kuadër të programit Money, Government & Politics, në portalin Spending Data Albania, rubrika Para dhe Pushtet janë përditësuar të dhëna për pasurinë e deklaruar të Kryebashkiakëve të Zgjedhur më 21 qershor 2015 dhe të pjesëtarëve në lidhje familjare me ta. Të dhënat janë publikuar në respekt të aksesit për informim, parimeve të transparencës dhe llogaridhënies. Përmes këtyre publikimeve çdo gazetar apo qytetar, mund të informohet mbi të ardhura vjetore të çdo kryebashkiaku sipas burimit nga paga; të ardhura nga qira, shitblerje, pronësi intelektuale, dhurata, çelje trashëgimie etj.

Në rastin e punësimit të personave të familjes përmes deklarimeve, mund krijohet informacion mbi marrëdhëniet e punës në sektorin publik apo privat dhe në ndonjë rast gazetarë investigues mund të vlerësojnë edhe nëse jemi në kontekstin e nevojshëm për kontroll të konfliktit të interesit.
Deklaratat përmbajnë edhe informacion mbi të ardhura nga jashtë Shqipërisë sikurse kredi në banka të huaja, dhe prona të paluajtshme jashtë territorit.
Në rastin e drejtuesve të Bashkive, me mjaft interes është njohja me prona të patundshme apo biznese të familjeve të cilat përbëjnë interesa individuale ekonomike. Duke zbardhur të dhënat mbi pasurinë, krijohet edhe mundësia për monitorim qytetar, nëse vendimmarrja sipas kompetencës territoriale do të favorizojë zhvillimin e këtyre pronave dhe bizneseve.

Po në këtë rubrikë vijojnë të jenë të dhëna për deklarata dhe asete të drejtuesve apo gjyqtarëve të nivelit të lart. Duke ju falënderuar për vëmendjen me të cilën ju na ndiqni, ju rikujtojmë se ju mund ti përdorni të dhënat e publikimeve tona pa asnjë kufizim, por gjithmonë duke ju shprehur dëshirën për ta cituar portalin Spending Data Albania, rubrikën Para dhe Pushtet realizuar në kuadër të projektit të organizatës tonë AIS me titull Money, Government and Politics.

Rritja e impaktit të Open Data në demokratizimin e politikave fiskale

03/12/2015/in Aktivitete, Kreupost /by admin

Si kontribuon Open Data në transparencën e buxheteve dhe shpenzimeve publike?

Në kuadër të projektit OpenBudgets.eu, Instituti Shqiptar i Shkencave (AIS) merr pjesë në workshopin “Demokratizimi i Politikave Fiskale” i organizuar nga Open Knowldege International dhe OKF Germany, në datat 30 nëntor dhe 1 dhjetor 2015.

Workshopi kishte si qëllim krijimin e një modeli open-source për integrimin e të dhënave të shpenzimeve buxhetore dhe transaksioneve në sektorë të ndryshëm publikë, si dhe rritjen e bashkëpunimit me aktorë të ndyshëm mbi impaktin që ka open data në këtë proces.

AIS e angazhuar në hapjen e të dhënave të buxheteve nëpërmjet platformave Open Data Albania dhe Open Spending, prezantoi në këtë aktivitet modele të cilat jo vetëm kanë shërbyer në transparencën e shpenzimeve të buxhetit dhe transaksioneve të thesarit, por gjithashtu përmes përdorimit të linked data kanë ndihmuar në identifikimin e konfliktit të interesit, rasteve të korrupsionit dhe angazhimin qytetar në proceset e vendimarrjes.

Pjesë e këtij procesi intensiv ishin organizata të shoqërisë civile si: Play-Fair, Hasdana, K-Monitor, UNDP, gazetarë dhe politikëbërës, të cilët u angazhuan në krijimin e partneriteteve, përftimin e modeleve më të mira për transparencë buxhetore, si dhe formësimin e aksioneve konkrete mbi demokratizimin e politikave fiskale në Europë.

Ftesë për pjesëmarrje: Hackathon Albania 2015 “Jeta në një Qytet tjetër”

25/11/2015/in Aktivitete, Kreupost, Njoftime per shtyp /by admin

Hackathon Hacker + Marathon është një maratonë e hapur e cila do të organizohet nga AIS në datën 19 Dhjetor 2015. Individë të ndryshëm mund të marrin pjesë, punojnë dhe finalizojnë një aplikacion. Këtë vit tema është Jeta në një Qytet Tjetër dhe sugjerohet të krijohen harta apo app me të dhëna mbi një zonë të caktuar të vendit apo disa qytete krahasuar me njëri tjetrin.

Pjesë e këtij eventi mund të bëhën: Qytetar të thjeshtë; Analist; Inxhinier; Rrëfyes i Mirë (storyteller); Scout Programues, Studentë ose Designer.

Si të përgatiteni?

Secili mund të mendojë për qytetin e tij dhe të mbledhë të dhëna (jo thjesht vetëm numerike), të krijojë një hartë apo aplikacion duke i krahasuar ato me qytetin apo zonën me një zonë tjetër.

Të prezantojë me një aplikacion jetën në qytetin e tij dhe nëpërmjet disa prezantimeve të krijohet qartësi mbi jetën dhe problematikat në një Qytet Tjetër.
Të dhënat ku mund të fokusohesh duhet të jen mbi mënyrën e të jetuarit si: shërbimet, shëndetsia apo arsimi.
Infrastruktura duke përfshirë sa metra rruge të shtruara, distanca urbane, godina, hapësira të gjelbra pyje etj.
Ekonomia, punësimi, ndërmarrjet dhe sektorët ekonomik.
Demografia, ku lindin apo vdesin më shumë njerëz.
Zhvillimi teknologjik dhe aksesimi i shërbimit internet ne qytete të ndryshme etj.

Gjeni temën dhe ndërtoni nje aplikacion mbi qytetin ku jetoni, keni jetuar apo e keni për zemër!

Për më shumë detaje mbi aktivitetin dhe se si të bëhëni pjesë e tij gjeni në linkun si vijon: Hackathon Albania 2015 ose dhe në faqen facebook të Albanian Institute of Science.

Ju faleminderit!

AIS merr pjesë në Workshopin Share PSI 2.0 mbi maksimizimin e ripërdorimit të të dhënave të Hapura

25/11/2015/in Aktivitete /by admin

Instituti Shqiptar i Shkencave po përfaqësohet nga Besjana Hysa në Workshopin Share-PSI 2.0 i cili mbahet në Berlin në datat 25- 26 nëntor. Workshopi synon që të shprehë në mënyrë të qartë idetë, konceptet dhe zgjidhjet të cilat direkt ose indirekt ndikojnë në ri-përdorimin e të dhënave të hapura dhe PSI. Me qëllim identifikimin e praktikave më të mira me fokus në fushën e informacionit të sektorit publik, trashëgiminë kulturore, të dhëna tregtare, gjithashtu dhe ato shkencore të cilat janë shumë të rëndësishme.

ODA publikon të dhëna të mirë-strukturuara për shoqëri biznesi që funksionojnë si media

12/11/2015/in Aktivitete /by admin

Shoqëri Biznesi / Anglisht: Open Corporate Albania që funksionojnë si MEDIA

Përmes publikimeve në një nga rubrikat e tij, portali Open Data Albania bën të mundur vizibilitetin për të dhëna mbi Kompani Mediatike dhe Audiovizive. Të dhënat japin përgjigje për:

Cilat janë Kompanitë Mediatike në Shqipëri
Çfarë forme ligjore ka secila
Kush janë ortakë apo aksioner
Çfarë fitimi vjetor disponojnë

Këto të dhëna për ju tek rubrika Shoqëri Biznesi / Anglisht: Open Corporate Albania me filtrin e kërkimit Kategori Korporate duke përzgjedhur “Shoqëri Media”.

Ilustrimi me figurë në attach 1 ju tregon se si përzgjidhet kategoria e Kompanisë.

Aktualisht të tilla Shoqëri Media Audiovizive rezultojnë 111 subjekte.

Pasi keni klikuar njërin subjekt, dhe për efekt demonstrimi është përzgjedhur me renditje alfabetike (e para me shkronjen A) subjektin A V N. Duke klikuar ju shfaqen Të Dhëna të Përgjithshme për këtë kompani. Më pas ju mund të klikoni Vizualizime ku shfaqen figura që tregojnë se si ka qenë fitimi i kompanisë në vite sikurse shpërndarja e kapitalit sipas ortakëve, apo aksionerëve të kompanisë. Po aty kliko Transaksione Thesari dhe dalin të gjitha vlerat që kompania A V N ka përfituar nga institucione buxhetore, në rastin konkret kjo kompani ka përfituar 3 transaksione nga 2 institucione.

Ilustrimi me figurë attach 2 ju demonstron ku duhet të klikoni për secilin informacion mbi këtë kompani.

Njësoj si për A V N ju mund të gjeni të dhëna për secilën nga 111 subjektet shoqëri media. Rubrika ka informacion edhe për kompani të pezulluara, në sekuestro apo të mbyllura.

Jeni të lutur ti përdorini këto informacione pa ndonjë kufizim, por gjithmonë me sugjerimin për të cituar se në cilin portal gjenden të mirë strukturuara këto informacione. Po njësoj tek rubrika Shoqëri Biznesi / Anglisht: Open Corporate Albania gjeni të dhëna edhe për kompani të tjera sipas sektorëve të aktivitetit.

Ju faleminderit!

Ambasadorja e Mbretërisë së Hollandës në Shqipëri vizitë në zyrat e AIS

03/11/2015/in Aktivitete /by admin

Ambasada e Mbretërisë së Hollandës mbështet Institutin Shqiptar të Shkencave në projektin “Money, Government and Politics“. Ky projekt ka për qëllim të adresojë çështje të abuzimit, korrupsionit dhe konfliktit të interesit në kontekstin e qeverisjes dhe politikës në Shqipëri, duke hapur të dhëna publike për shpenzime të institucioneve shtetërore, shpenzimet elektorale, si dhe pasuri të zyrtarëve të lartë. Më 8 Tetor, 2015 Ambasadorja Dewi van de Weerd vizitoi zyrat e organizatës tonë ku diskutoi me znj, Aranita Brahaj dhe stafin e saj mbi projektet e AIS në publikim e të dhënave në një format të standartizuar në platfomat (http://open.data.al) dhe (http://spending.data.al). Krahasimi dhe analiza e të dhënave të tilla rrit transparencën dhe nxit debatin publik mbi ndryshime cilësore në këtë proces. Shkëlqesia e saj vlerësoi projektet tona dhe deklaroi se Ambasada e Mbretërisë së Hollandës do të jetë një mbështetëse e vazhdueshme e iniciativave të ndërmarra nga AIS.

Deklaratat e Pasurive për Zyrtarë të Lartë në Open Spending Albania

14/10/2015/in Aktivitete /by admin

Në kuadër të programit Money, Government and Politics, në portalin Spending Data Albania, rubrika Para dhe Pushtet janë përditësuar të dhëna për pasurinë e deklaruar të Anëtarëve dhe ish Anëtarëve të Këshillit të Ministrave , sikurse të personave në lidhje familjare. Të dhënat janë publikuar në respekt të aksesit për informim, parimeve të transparencës dhe llogaridhënies dhe janë sipas modelit të ndjekur nga Inspektorati i Deklarimit të Pasurive për mbrojtjen e të dhënave personale.

Përmes këtyre publikimeve çdo gazetar apo qytetar mund të informohet mbi të ardhura vjetore të kryeministrit, ish kryeministrit dhe anëtarëve apo ish anëtarëve të kabinetit.
Po kështu interesant është informacioni mbi të ardhura jo nga paga sikurse janë të ardhura nga qira, shitblerje, pronësi intelektuale, dhurata, çelje trashëgimie etj.
Një detaj tjetër interesant është begatimi dhe shtimi i pasurisë përmes legalizimeve, privatizimeve dhe transformimit të tokave bujqësore në toka troje (me rritje vlere), në kohën e qëndrimit në detyrë dhe vendimmarrjeve me akte nënligjore.
Në rastin e punësimit të personave të familjes përmes deklarimeve, mund krijohet informacion mbi marrëdhëniet e punës në sektorin publik apo privat dhe në ndonjë rast gazetarë investigues mund të vlerësojnë edhe nëse jemi në kontekstin e nevojshëm për kontroll të konfliktit të interesit.
Në mënyrë të spikatur, interesante është të vlerësohet edhe mbi mënyrën se si drejtues të lartë qeveritar kanë zgjedhur të investojnë në fonde pensioni, bono privatizimi apo në bursë.
Deklaratat përmbajnë edhe informacion të ardhura jashtë Shqipërisë sikurse kredi në banka të huaja, dhe prona të paluajtshme jashtë territorit.

Të dhëna për vitin 2014 ju mund të gjeni gjithashtu për Deputetët, Anëtarët e Këshillit të Lartë të Drejtësisë KLD dhe Gjykatës së Lartë. Në tërësi ky portal ka deklarime të pasurisë për vite të ndryshme për rreth 325 subjekte me detyrim për të deklaruar të ardhurat dhe pasurinë.

Duke ju falenderuar për vëmendjen me të cilën ju na ndiqni, ju rikujtojmë se ju mund ti përdorni të dhënat e publikimeve tona pa asnjë kufizim, por gjithmonë duke ju shprehur dëshirën për ta cituar portalin Spending Data Albania, rubrikën Para dhe Pushtet realizuar në kuadër të projektit të organizatës tonë AIS me titull Money, Government and Politics.

Të ardhura vjetore dhe ndryshim i pasurisë 2014, anëtar dhe ish anëtar të Këshillit të Ministrave

http://www.spending.data.al/sq/moneypower/list/pos_id/6

http://www.spending.data.al/sq/moneypower/list/pos_id/22

http://www.spending.data.al/sq/moneypower/list/pos_id/4

http://www.spending.data.al/sq/moneypower/list/pos_id/5

http://ais.al/new/

Të dhëna mbi Deklarimin e Pasurisë, Gjyqtarë të Nivelit të Lartë

14/10/2015/in Aktivitete /by admin

Në kuadër të programit Money, Government and Politics, në portalin Spending Data Albania, rubrika Para dhe Pushtet janë përditësuar të dhëna për pasurinë e deklaruar të Anëtarëve dhe ish Anëtarëve të Këshillit të Ministrave , sikurse të personave në lidhje familjare. Të dhënat janë publikuar në respekt të aksesit për informim, parimeve të transparencës dhe llogaridhënies dhe janë sipas modelit të ndjekur nga Inspektorati i Deklarimit të Pasurive për mbrojtjen e të dhënave personale.

Përmes këtyre publikimeve çdo gazetar apo qytetar mund të informohet mbi të ardhura vjetore të kryeministrit, ish kryeministrit dhe anëtarëve apo ish anëtarëve të kabinetit.
Po kështu interesant është informacioni mbi të ardhura jo nga paga sikurse janë të ardhura nga qira, shitblerje, pronësi intelektuale, dhurata, çelje trashëgimie etj.
Një detaj tjetër interesant është begatimi dhe shtimi i pasurisë përmes legalizimeve, privatizimeve dhe transformimit të tokave bujqësore në toka troje (me rritje vlere), në kohën e qëndrimit në detyrë dhe vendimmarrjeve me akte nënligjore.
Në rastin e punësimit të personave të familjes përmes deklarimeve, mund krijohet informacion mbi marrëdhëniet e punës në sektorin publik apo privat dhe në ndonjë rast gazetarë investigues mund të vlerësojnë edhe nëse jemi në kontekstin e nevojshëm për kontroll të konfliktit të interesit.
Në mënyrë të spikatur, interesante është të vlerësohet edhe mbi mënyrën se si drejtues të lartë qeveritar kanë zgjedhur të investojnë në fonde pensioni, bono privatizimi apo në bursë.
Deklaratat përmbajnë edhe informacion të ardhura jashtë Shqipërisë sikurse kredi në banka të huaja, dhe prona të paluajtshme jashtë territorit.

Të dhëna për vitin 2014 ju mund të gjeni gjithashtu për Deputetët, Anëtarët e Këshillit të Lartë të Drejtësisë KLD dhe Gjykatës së Lartë. Në tërësi ky portal ka deklarime të pasurisë për vite të ndryshme për rreth 325 subjekte me detyrim për të deklaruar të ardhurat dhe pasurinë.

Duke ju falenderuar për vëmendjen me të cilën ju na ndiqni, ju rikujtojmë se ju mund ti përdorni të dhënat e publikimeve tona pa asnjë kufizim, por gjithmonë duke ju shprehur dëshirën për ta cituar portalin Spending Data Albania, rubrikën Para dhe Pushtet realizuar në kuadër të projektit të organizatës tonë AIS me titull Money, Government and Politics.

Të ardhura vjetore dhe ndryshim i pasurisë 2014, anëtar dhe ish anëtar të Këshillit të Ministrave

http://www.spending.data.al/sq/moneypower/list/pos_id/6

http://www.spending.data.al/sq/moneypower/list/pos_id/22

http://www.spending.data.al/sq/moneypower/list/pos_id/4

http://www.spending.data.al/sq/moneypower/list/pos_id/5

http://ais.al/new/

Workshop me gazetarë, Iniciativa Open Spending

05/10/2015/in Aktivitete, Kreupost /by admin

Organizata jonë AIS me datë 10 Tetor 2015, ora 10.30 zhvilloi një workshop me gazetarë të cilët në vijimësi do të angazhohen në Iniciativën Open Spending. Kjo nismë konsiston në krijimin e një networku me gazetarë lokal të afirmuar, të cilët do të angazhohen në informimin e publikut mbi mënyrën e shpenzimit të parave të taksapaguesve shqiptar nga institucione buxhetore.

Në workshop u prezantuan instrumenta dhe të dhëna të mirëstrukturuara të cilat rrisin nivelin e informimit dhe monitorimit qytetar mbi financat dhe asetet publike. Përmes të dhënave të hapura dhe linked (të lidhura) krijohen hapësira për të kontrolluar dhe minimizuar raste të abuzimit, konfliktit të interesit dhe nepotizmit. Ky workshop u mbajt në kuadër të programit Money, Government and Politics.

Programi :

10:30 – 11:00

Aranita BRAHAJ

Drejtore Ekzekutiv (AIS)

Të dhëna mbi Open Corporates Albania, Kontrolli i Konfliktit të Interesit

11.00 – 11.25

Leonard BAKIPLLARI

Gazetar Investigativ MAPO dhe SHOQATA E GAZETARËVE PËR DREJTËSI.

Deklarimi i Pasurisë, Zyrtarë të Nivelit të Lartë, Investigimi dhe Burime të Dyshimta.

11:25 – 11:45