Pastrimi i Parave në Kontekstin e Amnistisë Fiskale dhe Penale, qëndrime të AIS, analizë dhe konkluzione

/in , /by

Organizata AIS ka analizuar me kujdes draft ligjin për “Për Amnistinë Fiskale dhe Penale të subjekteve që bëjnë deklarim vullnetar”, draft i iniciuar nga Ministria e Financave dhe Ministria e Drejtësisë dhe i prezantuar për Konsultim Publik nga Qeveria shqiptare më 23 qershor 2022. Afati për mendime dhe rekomandime i procesit të konsultimit të Ligjit është data 23 korrik 2022.
Në finale organizata mori në shqyrtim aspekte që lidhen me situatën aktuale dhe aspekte që lidhen me Amnistinë si: politika fiskale dhe administrimi; shkalla e informalitetit; lufta ndaj korrupsionit dhe rreziku i pastrimit të parave produkt i veprave penale. Po njësoj një Raport i veçantë analizoi çështje të harmonizimit të draftit me Legjislacionin Penal, duke testuar element të sigurisë juridike.
U hartuan dy dokumente të cilat u prezantuan në një takim të mbajtur në datën 19 Korrik me të ftuar dhe pjesëmarrës nga Institucionet e Angazhuara, Organizata Ndërkombëtar në vend, përfaqësues të Ambasadave të vendeve të Bashkimit Europian, Ekspert të Fushës dhe  Aktorë të Shoqërisë Civile dhe Medias.

Agjenda e eventit

Dy dokumetat e përgatitur përmbajnë veç analizës edhe konkluzione, rekomandime dhe alternativa afatshkurtra dhe afatgjata mbi çështje të Amnistisë Fiskale dhe Penale të iniciuar. Konkretisht :

  • Dokument Politikash: Pastrimi i Parave në Kontekstin e Amnistisë Fiskale dhe Penale (Shiko KËTU)
  • Raport Amnistia Fiskale Çështje dhe Problematika të Harmonizimit dhe Legjislacionin Penal (Shiko KËTU)

Dokumenti i Politikave dhe Raporti, prezantohen si pjesë e iniciativave të shoqërisë civile, që synojnë të japin kontributin e tyre në integrimin europian të vendit.

Analiza, Konkluzionet dhe Rekomandimet do ti Dërgohen Qeverisë Shqiptare, Kuvendit dhe palëve të përfshira në këtë proces si Mendime dhe Rekomandime zyrtare nga shoqëria civile.

Konkluzione, Rekomandime dhe Alternativa prezantuar data 19 korrik 2022 (Shiko KËTU)

Organizata AIS e promovuar si Open Data Albania do të vijojë të marrë pjesë në procese të konsultimit dhe diskutimit teknik të këtij Draft Ligji edhe në momentin që Draft Ligji do të shkojë në Kuvend. Kjo duke patur parasysh rëndësinë e procesit, aspektet e riskut, çështje të kornizës dhe harmonizimit të legjislacionit dhe mjaft detaje të tjera që lidhen me këtë Iniciativë të Mazhorancës Qeveritare.

Gjithashtu AIS ka përgatitur edhe një Raport Faktesh Analitike mbi Historikun e Amnistive Fiskale dhe deklarimeve Vullnetare të Pasurive në Shqipëri nga 2008 deri 2017.

Eventi me titull “Pastrimi i Parave në Kontekstin e  Amnistisë Fiskale dhe Penale” është hartuar nga Albanian Institute of Science AIS / Open Data Albania, në zbatim të projektit C1 – EU – NPA “Përmirësimi i Debatit mbi Politikat dhe Llogaridhënien për të Përmbushur të Drejtat Bazike”, përmes krijimit të Platformës së Negociatave të Cluster1 Shqipëri. Projekti C1 – EU – NPA zbatohet nga katër organizata shqiptare: Center for the Study of Democracy and Governance CSDG, Instituti i Studimeve Politike ISP, Komiteti Shqiptar i Helsinkit KSHH dhe Albanian Institute of Science AIS, me mbështetje të Ambasadës së Mbretërisë së Holandës në Tiranë.

Gjetjet, Opinionet apo Rekomandimet e shprehura në këtë event përfaqësojnë këndvështrime të ekspertëve dhe organizatës AIS dhe nuk përkojnë me përgjegjësi të partnerëve apo mbështetësve të Projektit C1 – EU – NPA.

Aktiviteti “Pastrimi i parave në kuadër të Amnistisë Fiskale dhe Penale”, organizuar nga Albanian Institute of Science/Open Data Albania

Sh.T  Z. Reinout Vos – Ambasador i Holandës në Shqipëri, Prof. Dr. Petraq Milo – Ekspert i ekonomisë

Z.Alexis Hupin, Shef i seksionit të politikës dhe integrimit në BE, Delegacioni i BE-së në Shqipëri; Z.Karel urban, Ambasador i Republikës Ceke në Shqipëri; Z.Jonas Paul, Oficer Politik në Delegacionin e Bashkimit Evropian në Shqipëri

Sh.T  Z. Reinout Vos – Ambasador i Holandës në Shqipëri

Prof. Dr. Petraq Milo – Ekspert i ekonomisë

Z.Viktor Gumi – Ekspert ligjor pranë AIS

Znj. Monika Meça –  Drejtoreshë e Njësisë Ligjore të Koordinimit të Nismave Prioritare dhe Acquis, në Departamentin Rregullator dhe të Përputhshmërisë në Kryeministri

Znj. Elsonida Rama, Drejtoreshë e Drejtorisë  së të Drejtës Penale dhe Civile, Ministria e Drejtësisë

Z. Enio Jaço – Kryetari i Dhomës Amerikane të Tregtisë

Znj, Klotilda Bushka, Deputete e Partisë Socialiste, Kryetare e Komisionit të Ligjeve

Znj. Dhurata Çupi, Deputetete e Partisë Demokrative, Zv. kryetare e Komisionit të Ligjeve

Znj. Aranita Brahaj, Drejtoreshë e organizatës Albanian Institute of Science/Open Data Albania

Forum: Të rinjtë dhe emigracioni – Korrupsioni si shtysë për t’u larguar drejt një vendi më të mirë

/in , , /by

Të premten, më 1 korrik, AIS Open Data Albania mbajti forumin me teme “Të rinjtë dhe emigracioni: Korrupsioni si shtysë për t’u larguar drejt një vendi më të mirë”. Aktiviteti u zhvillua si pjesë e projektit Open Data, Access and Transparency over Sectors Exposed to Risk of Corruption, në kuadër të të cilit AIS po përgatit Open Data Fellowship Network, një grup të rinjsh që do të aftësohen të analizojnë të dhënat dhe t’i përdorin ato në debate me interes publik.

Përgjatë 3 orëve që zgjati forumi, u fol mbi ikjen e popullsisë, si një nga problemet më të mëdha që po përballet vendi, me efekte shqetësuese që pritet të shtrihen në vitet e dekadat në vijim. Të udhëhequr nga analistë të fushës, të rinjtë debatuan mbi shkaqet që kanë ndikuar këtë fenomen, si mund të analizojmë përmasat e tij nëpërmjet të dhënave, si lidhet ai me çështje të tjera të spikatura, si korrupsioni dhe papunësia.

Spiker në event,  sollën perspektiva të ndryshme të emigrimit të popullsisë në vend:

Sociologia Donalda Tanellari e trajtoi fenomenin nga pikëpamja e zhvillimeve shoqërore, Blerina Shehu gazetare me fokus ekonominë, foli për emigracionin dhe zhvillimet demografike, ndërkohë që analisti i të dhënave  Gjergj Erebara solli një histori të censuseve në vend, duke u ndalur tek të dhënat që mund të përftohen përmes tyre, si dhe si përdoren censuset për të informuar politika të ndryshme qeveritare.

Për informacion më të detajuar mbi qasjet e shtruara gjatë forumit, ju lutem konsultoni agjendën bashkëlidhur

Agenda Forum Youth Network. Youth and Emigration Corruption as inducement to live in a better country

Para dhe Pushtet, Media zbardh Interesa Ekonomik të Ministrave dhe Familjarëve Kabineti Ministrorë Rama 3

/in , /by

Kontrolli Publik i interesave ekonomike dhe personale të Shtetarëve, është proces i rëndësishëm sa i takon Integritetit. AIS ka krijuar databazën online Para dhe Pushtet, me të dhëna të Integruara, ku publikohen pasuri dhe interesa të Individëve Drejtues në Pozicione të larta. NewsBomb revistë e printuar çdo muaj, i ka kushtuar një Shkrim në Kopertinë Deklarimit të Aseteve Pasurore të Kryeministrit dhe Ministrave, Deklarime Kabineti Rama 3. Institucioni Shtetëror për Deklarim dhe Kontroll ILDKPKI, ende nuk ka startuar procesin e publikimit online të Deklarim Asete. Ky publikim online bëhet nga Portali ynë Spending Data Albania, Para dhe Pushtet, duke krijuar mundësi për kontroll publik të interesave të Ministrave, Deputetëve dhe Familjarëve të tyre.

 

AIS pjesë e marrëveshjes me Inspektorin e Lartë të Drejtësisë. Nënshkruhet marrëveshja e bashkëpunimit mes ILD dhe 6 organizatave të Shoqërisë Civile.

/in , , /by

Vendosja e një komunikimi të vazhdueshëm mes shoqërisë civile dhe Zyrës së ILD-së, u formalizua sot përmes nënshkrimit të një marrëveshjeje bashkëpunimi mes Inspektorit të Lartë të Drejtësisë Z. Artur Metani dhe gjashtë organizatave të shoqërisë civile (OSHC), që kanë pjesë të punës së tyre monitorimin e reformës në drejtësi, e të drejtave të njeriut, transparencën, llogaridhënien e mirëqeverisjen.

Bashkëpunimi i nisur më herët me shoqërinë civile, përmes konsultimit për Planin Strategjik e Planin e Veprimit të ILD-së 2020-2022, materializohet me këtë marrëveshje, e cila synon rritjen e performancës dhe ngritjen e kapaciteteve të Zyrës së Inspektorit të Lartë të Drejtësisë, përmes rritjes së komunikimit dhe zhvillimit të aktiviteteve të përbashkëta, në kuadër të monitorimit, analizimit, procesit llogaridhënës dhe ndërgjegjësues mbi veprimtarinë e Zyrës së Inspektorit të Lartë të Drejtësisë, përmes shkëmbimit të të dhënave, organizimit të takimeve periodike, ofrimit të ekspertizës përkatëse të OSHC-ve të specializuara.

Marrëveshja me ILD-në u nënshkrua nga Instituti për Studime Publike e Ligjore (ISPL), përfaqësuar nga Z. Ardian Dhima; Instituti i Studimeve Politike (ISP), përfaqësuar nga Z. Afrim Krasniqi; Instituti për Bashkëpunim dhe Zhvillim (IBZH), përfaqësuar nga Znj. Krisela Hackaj; Komiteti Shqiptar i Helsinkit (KSHH), përfaqësuar nga Znj. Erida Skëndaj; Qendra Europiane (QE), përfaqësuar nga znj. Klara Kodra dhe Instituti Shqiptar i Shkencës/Open Data Albania, përfaqësuar nga Znj. Aranita Brahaj.

Gjatë ceremonisë së nënshkrimit të marrëveshjes, Inspektori i Lartë i Drejtësisë Z. Metani vlerësoi rolin e rëndësishëm të organizatave të shoqërisë civile në forcimin e proceseve demokratike dhe nënvizoi se ky mekanizëm bashkëpunimi institucional do t’i shërbejë përmirësimit të punës së ILD-së, e më tej gjithë sistemit për funksionimin e një sistemi drejtësie profesional, të përgjegjshëm, llogaridhënës dhe transparent.

Organizata ka një databazë në ndihmë të Reformës në Drejtësi.

Marrëveshjen e bashkëpunimit ndërmjet Inspektorit të Lartë të Drejtësisë dhe Organizatave të Shoqërisë Civile e gjeni: KËTU

Dokument Politikash Prokurimet Publike në Lupën e Integrimit Europan

/in , , , /by

Dokumenti i politikave me titull Prokurimet Publike në Lupën e Integrimit Evropian është dokument i hartuar nga Organizata AIS / Open Data Albania si rezultat i  Projektit C1 – EU – NPA Përmirësimi i Debatit mbi Politikat dhe Llogaridhënien për të Përmbushur të Drejtat Bazike, përmes krijimit të Platformës së Negociatave të Cluster 1 Shqipëri. Projekti zbatohen nga katër organizata shqiptare CSDG, ISP, KSHH dhe AIS me mbështetje të Ambasadës së Mbretërisë së Holandës në Tiranë.

Dokumenti i Politikave u Prezantua në datën 28 Shkurt në një tryezë me Pjesëmarrje nga Organizma dhe Institucione të angazhuara në procesin e Integrimit dhe në Procese që Lidhen me Prokurimet Publike.

Më poshtë po publikojmë:

  • Dokumenti i Politikeve Prokurimet Publike në Lupën e Integrimit Evropian (PDF link)
  • Përmbledhje dhe Konkluzione të Dokumentit të Politikave, Prokurimet Publike në Lupën e Integrimit Europan (PDF Link)
  • Agjenda e Eventit Prezantim i Policy Paper (PDF LINK)

Foto nga Eventi

Panelistët: Znj. Aranita Brahaj - Drejtore Ekzekutive e AIS/Open Data Albania; Z. Viktor Gumi - Ekspert Juridik, Autori i Dokumentit (AIS); Znj. Jorida Tabaku - Kryetare, Komisioni për Integrimin Evropian, Parlamenti; Z. Eduart Shalsi - Kryetar, Komisioni për Ekonominë dhe Financat, Parlamenti; Znj. Reida Kashta - Drejtore e Përgjithshme, Agjencia e Prokurimit Publik (APP)

Panelistët: Znj. Aranita Brahaj – Drejtore Ekzekutive e AIS/Open Data Albania; Z. Viktor Gumi – Ekspert Juridik, Autori i Dokumentit (AIS); Znj. Jorida Tabaku – Kryetare, Komisioni për Integrimin Evropian, Parlamenti; Z. Eduart Shalsi – Kryetar, Komisioni për Ekonominë dhe Financat, Parlamenti; Znj. Reida Kashta – Drejtore e Përgjithshme, Agjencia e Prokurimit Publik (APP)

SH.T.Z. Reinout Vos – Ambasador i Mbretërisë së Holandës në Shqipëri

Z. Alexis Hupin – Drejtures i Seksionit mbi Politikat dhe Integrimin Evropian në Delegacionin e BE në Shqipëri;

 

 

 

 

 

Z. Muharrem Cakaj – Ekspert Prokurimesh

 

Znj. Ledia Muço- Oficer Politikash në Delegacionin e BE në Shqipëri;

Znj. Kristina Voko – Drejtore BIRN Albania

Z. Neritan Sejamini – Kryredaktor Exit.al dhe Drejtor i Depertamentit te Informacionit EuroNews Albania

Znj. Valia Pentarvani – Këshilltare e Parë dhe Zëvëndës Ambasadore e Greqisë në Shqipëri, Z. Alexis Hupin – Drejtures i Seksionit mbi Politikat dhe Integrimin Evropian në Delegacionin e BE në Shqipëri; SH.T.Z. Reinout Vos – Ambasador i Mbretërisë së Holandës në Shqipëri;

Znj. Krisela Hackaj – Eksperte dhe Drejtore Ekzekutive e CDI Albania

 

Gjetjet, Opinionet apo Rekomandimet e shprehura në këtë event përfaqësojnë këndvështrime të ekspertëve dhe organizatës AIS dhe nuk përkojnë me përgjegjësi të partnerëve apo mbështetësve të Projektit C1-EU-NPA.

Dokumenti është përcjellë në formë Zyrtare tek Institucionet e Angazhuara dhe Palë të Interesuara në Proces.

AIS / Open Data Albania është organizatë joqeveritare lokale e themeluar në vitit 2011. Organizata ka krijuar databaza me të dhëna transparente mbi Prokurimet Publike në sektorët Shëndetësi; Koncesione; Qeverisje Lokale; Infrastrukturë Rrugore ; Ndërmarrje me Zotërim Publik; Fond Zhvillimi. Gjithashtu organizata aplikon instrumente të vlerësimit të riskut në kohë reale RedFlag dhe është autore e disa rasteve studimore mbi çështje të prokurimeve dhe Kontraktimeve Publike.

Bëhu Pjesë e #OpenData Fellowship Youth #Network

/in , , /by

Mundësi për të punuar me ekipin #OpenDataAlbania
Je një Djalë apo Vajze e re, #Gazetar, #Student, #Ekonomist, #Fiskalist, #Politikan i Ardhshëm, #Analist, #Sociolog apo #Kërkues në një Disiplinë të caktuar
• Nëse ke dëshirë të Publikosh një apo disa artikuj në portalin Open Data Albania
• Nëse planet për Karrierën tuaj të ardhshme lidhen me sa më lart, një Rrjet Rinor të mirëpret për një program Afatshkurtër.
Ajo çka i duhet formimit tuaj profesional është edhe pak aftësim mbi përdorimin e të dhënave në artikulimin publik, vendimmarrjen, planifikimin dhe debatin.
Ne të ftojmë të Bëhesh Pjesë e OpenData Fellowship Youth Network
• Ju thjesht duhet të shpenzoni me Ne disa orë Praktikë çdo muaj për 4 muaj rradhazi.
• Qëllimi final i procesit është forcimi i kapaciteteve dhe njohurive të një grupi rinor elitë që ka vokacion, talent dhe vullnet për tu angazhuar në artikulim publik.
• Procesi do të finalizohet edhe me publikimin e artikujve hulumtues në portalin Open Data Albania nga vetë të rinjtë duke u dhënë atyre mundësinë të ndajnë me publikun fakte, analiza dhe parashtrime.
Mirëpresim të aplikojnë për angazhim të rinj mosha deri/rreth 25 vjeç, në proces studimi universitarë apo të sapo diplomuar. Kusht është dëshira për tu fuqizuar përmes të dhënave, informacionit dhe njohurive.
Të rinjtë duhet të kenë dëshirë të përmirësojnë aftësinë e tyre artikuluese dhe aftësinë për tu përfshirë në diskutime të bazuara në argument dhe të dhëna.

Aplikoni në adresën e emalit [email protected] , emaili duhet te ketë titull Aplikoj për OpenData Fellowship Youth Network dhe duhet të përmbajë jo më shumë se 250 fjalë ku jepen të dhëna për gjeneralitetet ; edukimin ; moshën; eksperienca profesionale dhe angazhime të ngjashme, sikurse kontaktet tuaja.

Procesi ju Garanton
• Rrjetëzim me Kolegë dhe Moshatar
• Puno dhe behu Autor Artikuj në Open Data Albania
• Referencë dhe Certifikatë për Eventin
• Fuqizohu doke njohur BigData
• Pagesë për çdo Artikuj të realizuar nga Ju dhe të Publikuar te OpenDataAlbania

Njofto dhe Shokët
Më të mirët do të ftohen për Intervistë pranë nesh,
Ky Network po krijohet në kuadër të Projektit Open Data, Access and Transparency over sectors esposed to risk of Corruption mbështetur nga Sida përmes Ambasadës Suedeze në Shqipëri.

Për pyetje ju lutem na kontaktoni në [email protected].

Kërkohet një Ekspert Lokal Përmirësim i Kapaciteteve Organizative dhe Institucionale

/in , , , /by

Datë 09/02/2022

AIS, një organizatë jofitimprurëse e angazhuar në Transparencë, Llogaridhënie dhe Mirëqeverisje është duke kërkuar një ekspert lokal për angazhim me kohë të pjesshme ditë pune. Eksperti duhet të asistojë organizatën në hartimin e disa dokumenteve si rregullore dhe manual të praktikave të mira menaxheriale dhe financiare. Eksperti duhet të vlerësojë edhe nevojat për ndërhyrje në statut dhe të bashkëpunojë në hartimin e strategjisë së punës së Organizatës. Angazhimi është me kohë të pjesshme 20 ditë pune në vit, në dy vite me pagesë bruto për 20 ditët e punës në vlerën 3000Euro (viti i parë).

Eksperti duhet të jetë prezent në zyrat e AIS gjatë zbatimit të angazhimit dhe në bashkëpunim me Drejtorin dhe Sekretarin e Organizatës.

Kriteret. Personi duhet të ketë eksperienca në rritje të kapaciteteve institucionale apo auditim institucional në sektorin jofitimprurës. Kjo eksperiencë duhet vendosur në CV-në që do të përcillet për përzgjedhje. Eksperti Lokal duhet të njohë dhe zotërojë parime të rregullimit ligjor, institucional, financiar dhe të burimeve njerëzore në një subjektit ekonomik. Ai/Ajo duhet të zotërojë shumë mirë gjuhën shqipe dhe gjuhën angleze.

Kandidati duhet të ketë eksperienca të mëparshme në hartimin e dokumenteve të sipër kërkuara dhe duhet ti artikulojë qartë këto eksperienca.

Përveç Ekspert në këtë thirrje mund të aplikojë edhe një subjekt që ka punë të ngjashme të mëparshme, dhe është i gatshëm të bashkëpunojnë me tarifën e mësipërme.

Në adresën [email protected] duhet të dërgohet një BIO e shkurtër me të dhëna për kriteret dhe angazhimet e mëparshme brenda datës 09 Mars 2022.

AIS po kërkon Dy Analist të Dhënash me kohë të plotë dhe të pjesshme

/in , , , /by

Pozicioni: Analist Open Data.
Programi: Open Data, Access and Transparency over sectors to Risk of Corrupsion.
Varet nga: Drejtori i Projektit

Paga: Totali për pagë neto plus të detyrueshme punëdhënës dhe punëmarrës, plus tatime mbi pagën është planifikuar 900 Euro në muaj.

Datë Publikimi: Gusht 2022

Afati për Aplikim: Shtator 2022

Organizata AIS, një organizatë e angazhuar në transparencë, llogaridhënie, mirëqeverisje dhe antikorrupsion është duke zbatuar Programe në fushat e sipërpërmendura. Me qëllim përgatitjen e analizave me të dhëna mbi shpenzime publike, performancë ekonomia kombëtare, tenderime dhe mbi të dhëna të tjera të social ekonomike, Organizata po kërkon dy persona për punësim dhe angazhim si Data Analist.

Përshkrimi i Punës. Data Analist-i duhet të ndjekë me kujdes zhvillime që lidhen me sektorët publik përmes databazave të organizatës dhe databazave të tjera institucionale. Harton evidenca statistikore mbi disa tregues që dëshmojë zhvillime dhe performancë për ekonominë dhe zhvillimin në vend. Mbi bazën e evidencave krijon artikuj hulumtiv të cilët ndihmojnë publikun të kuptojë dhe ndërgjegjësohet mbi çështje të interesit publik. Artikujt duhet të jenë në një gjuhë të thjeshtë dhe të shoqëruara me vizualizime që e bëjnë informacionin të lehtë për tu kuptuar.

Angazhimi mund të jetë me kohë të pjesshme ose të plotë dhe varet nga vlerësimi i produktivitetit dhe nga marrëveshja me kandidatin e zgjedhur. Në çdo rast pagesa do të bëhet sipas numrit të artikujve për publikim gjatë një muaji. Projekti zgjat 3 vite. Puna mund të bëhet edhe në distancë por për të paktën 20% e kohës së angazhimit do të kërkohet prezenca në zyrën e projektit. Grupi i të dhënave për çdo artikull apo grup artikujsh do të vendoset në bashkëpunim me Drejtorin e Projektit dhe Oficerin e Marrëdhënieve me Publikun. Analisti do të bashkëpunojë me zhvilluesin e databazës për të mundësuar krijimin e vizualizimeve sipas rëndësisë dhe me qëllim qartësi të informacionit.

Kritere për Pozicionin:

  • Diplomë Universitare, Preferohen Ekonomi, dhe Drejtësi.
  • Eksperiencë të mëparshme pune të paktën 3 vite në një pozicion që lidhet me menaxhim dhe vlerësim ekonomik e statistikor, punë kërkimore dhe hulumtim.
  • Aftësi të mira analizuese.
  • Njohuri të teknikës së kërkimit dhe vlerësimit logjik.
  • Aftësi të mira për të formuluar fraza të qarta; për të përdorur fjalët me ekonomi; për të shoqëruar analizën me definicione të thjeshta për tu kuptuar gjerësisht.
  • Njohës i databazave ndërkombëtare për tregues e faktor ekonomik.
  • I zellshëm për tu thelluar çdo ditë në punë kërkimore dhe hulumtim.
  • Përdorues i programeve bazë në kompjuter.

Përtej Kritereve individi duhet të jetë person me integritet dhe entuziast për çështje që lidhen me informimin dhe ndërgjegjësimin.

Kandidati duhet të dorëzojë një CV në adresën e emailit [email protected] . CV duhet të përmbajë informacion për edukimin universitar, eksperiencën profesionale dhe kriteret e kërkuara për pozicionin e punës. Kandidatët e përzgjedhur pas vlerësimit të CV, do të thirren për një intervistë. Organizata ka të drejtën e një prove dy javore të bazuar në testim në zbatim të një detyre praktike përpara konfirmimit të pozicionit.

 

Terma Reference për Angazhimin:

  • Ndjek me kujdes publikime statistikore në databaza lokale dhe ndërkombëtare.
  • Propozon tema për analizë statistikore dhe sjell argumente mbi rëndësinë e treguesit dhe metodologjinë për vlerësim.
  • Harton Tabelat me të dhëna të agreguara dhe krahasimore.
  • Formulon draft artikullin hulumtues dhe artikullin final pas komenteve dhe shënimeve të drejtorit të projektit ose ekspertit të ngarkuar.
  • Kontrollon me kujdes burimin e të dhënës, definicionin përshkrues dhe vizualizimet.
  • Njihet me impaktin e artikullit pas publikimit si dhe komente të mundshme.
  • Bashkëpunon me kolegë për version sa më cilësor dhe të qartë në publikim (dizenjuesi, mirëmbajtësi i faqes, përkthyesi në gjuhën angleze).
  • Merr pjesë periodikisht në një mbledhje të grupit të punës.
  • Respekton afatet dhe kriteret e planifikuara për Publikim.
  • Informohet periodikisht mbi aktivitetet e organizatës dhe rezultatet e tyre.
  • Personi duhet të ushtrojë detyrat e tij duke qenë prezent ose jo në zyrat e Organizatës, por në çdo rast të paktën 20% e kohës së angazhimit është në zyrë dhe pagesa bëhet sipas numrit të artikujve që finalizohen me publikim.

CV kërkohet në gjuhën shqipe, dhe duhet të jetë sa më e thjeshtë dhe jo në formë apo standard të caktuar. CV dërgohet na adresën [email protected] brenda datës Shtator 2022 me titull emaili: Aplikim CV aplikim Analist Open Data.

Open Data FellowShip Youth Network, punojmë me të rinjtë për rritje kapacitetesh

/in , /by

AIS po punon me një ekip rinor për edukim, rritje të kapaciteteve dhe aftësive të tyre në artikulim publik dhe debatin e bazuar në kontrollin e fakteve. Të rinjtë vijnë nga audtiore universitare, institucione të rëndësishme apo nga organizata dhe lëvizje qytetare. Forcimi i tyre kundër Korrupsionit përmes Edukimit Qytetar, dhe përmirësimit të modeleve për Kontroll të Fakteve, është qëllim kryesor i kurikulës me trajnime, asistencë, punë praktike. OpenDataFellowship Youth Network po krijohet në kuadër të Projektit OpenData, Akses dhe Transparencë mbi sektorët me risk për Korruspion mbështetur nga Sida përmes Ambasadës Suedeze në Shqipëri.

 

SHKURTI 2022: Muaji i Angazhimit të Shoqërisë Civile për Integrimin Evropian!

/in , , /by

Procesi i integrimit në Bashkimin Evropian në tërësi si dhe procesi i negociatave për anëtarësim në veçanti është një përpjekje e përbashkët e shoqërisë shqiptare si një prioritet kombëtar, i cili kërkon vazhdimësi dhe angazhim nga të gjithë faktorët shoqëror.

Ideja për të patur një muaj të veçantë, të dedikuar me aktivitete të ndryshme dhe të organizuar nga të gjitha grupet e interesit si dhe institucionet publike e jopublike të përfshira në proces, vjen për të rritur më tej cilësinë e debatit publik mbi procesin e integrimit evropian si dhe për të patur një fokus më të gjerë në informimin dhe njohjen e procesit.

 

Muaji i Integrimit në BE:

→ Më shumë përfshirje e aktorëve shoqërorë në procesin e Integrimit Evropian.

→ Rritje e cilësisë së debatit publik mbi Integrimin dhe Negociatat.

→ Njohje më e mirë e hapave që Shqipëria do të ndjekë në rrugën drejt BE.

→ Rritje e transparencës dhe bashkërendimit ndërmjet aktorëve publikë dhe jopublikë.