Në ditët në vijim, instituti ynë do të botojë projektin e ri Academic’al.
Qëllimi i Academic´Al është të krijojë dhe pasurojë një rrjet akademik me kërkues shkencor në Shqipëri. Ky rrjet (network) do të funksionojë online. Koncepti për funksionimin e këtij rrjeti nuk është i kufizuar tek konteksti social i fjalës, por gjithashtu tek mundësitë e ofruara nga teknologjitë semantike të përdorura për zbatim. Aplikacioni do të bëjë të mundur zbulimin e aktivitetit kërkimor nëpërmjet disiplinave dhe institucioneve të ndryshme. Rezultatet dhe ecuria e kësaj iniciative pritet të japin kontribut në ecurinë e komponentëve si vijon:
- Prezantime të institucioneve kërkimore në Shqipëri.
- Prezantime të kërkuesve shkencor, përfshi kërkues të rinj (sapo diplomuar në master shkencor).
- Prezantim i rezultateve të një kërkimi shkencor, publikimeve apo raporteve.
- Prezantimi i marrëdhënies institucion-kërkues shkencor, bashkëpunime ndërmjet kërkuesve shkencorë, kërkues-publikime, publikime-projekte, projekte-institucione.
Academic´Al do të ofrojë çdo informacion haptazi pa vendosur kufizime për një publik të gjerë (pa pagesë; pa detyrim për tu regjistruar; pa kufizim në kohë për vizibilitetin e materialit). Modulet që do të bëjnë të mundur këtë do të jenë të integruar në një website kryesor.
Profili i Kërkuesit Shkencor
Kërkuesit shkencor janë të mirëpritur të publikojnë tek Academica`Al Profilin e tyre të shkurtër me një foto (opsionale) dhe një përshkrim të thjesht me pak fjalë mbi:
– emri dhe mbiemri i kërkuesit shkencor
– edukimi i tij deri tek gradimi shkencor i mundshëm
– institucioni/marrëdhënia e tij me një institucion shkencor ku ai atribuon (ose ka atribuar)
– fusha e tij e ekspertizës apo veprimtarisë
– punime shkencore të tij
– publikime apo projekte shkencore të tij si titull (për publikimet apo projektet ku është autor apo ka angazhim).
Sipas dëshirës në këtë profil të shkurtër kërkuesi Shkencor është i mirëpritur të propozojë me link një ose dy web ku më gjerësisht gjendet informacion mbi profilin dhe kontributin e tij shkencor. Gjithçka do të duhet të jetë e kufizuar në 100 – 200 fjalë. Profili i kërkuesit shkencor preferohet të postohet në gjuhën angleze.
Profili i Institucionit Shkencor (Universitet / Qendër e Kërkimit Shkencor).
Ky profil prezanton institucione shkencore duke i dhënë më tej mundësi rrjetit akademik të prezantojë edhe lidhjet e kërkuesve dhe kërkimit shkencor me Institucionin. Profili i një institucioni shkencor duhet të përmbajë sa vijon:
– Emërtesën e saktë të Institucionit dhe një status të tij.
– Logo apo foto e Institucionit.
– Datimin e Institucionit dhe një emërtesë të më hershme. P.sh Universiteti i Shkodrës më parë ishte Instituti i Shkodrës.
– Nënndrarje të këtij institucioni. P.sh universiteti ka fakultetet, fakulteti ka departamente. Një institut kërkimor ka qendra që funksionojnë në varësi të tij etj.
– Përmbajtje (1-3 fjali) që përshkruajnë qëllimin e funksionimit të këtij institucioni; atribute të tij në botën e shkencës dhe cilësi të veçanta të institucionit.
Gjithçka duhet të jetë e kufizuar në 150 – 250 fjalë. Profili i Institucionit Shkencor preferohet të postohet në gjuhën angleze.
Kërkimi shkencor – Publikimi tek Academic`Al
Pasi ka përcjellë një profil të tij kërkuesi apo institucioni shkencorë ka mundësinë të sjellë e të prezantojë për publikun edhe punime të mirëfillta. Ky kërkues mund të sjellë një apo më shumë punime, pa ndonjë kufizim numerik. Punimi shkencor mund të jetë edhe me bashkautorë. Në kontekstin e Publikimit ky mund të vijë i plotë por mund të propozohen sipas dëshirës së kërkuesit shkencore edhe prezantim i thjesht Abstraktit / Konkluzioneve / Rekomandimeve të këtij kërkimi shkencor. Artikuj shkencor konsiderohen gjithashtu punime. Forma e propozuar për publikim do të sugjerohej në programin world por nuk përjashtohen edhe publikime në PDF. Gjuha e publikimit mund të jetë gjuha shqipe ose gjuha angleze.
Në çdo rast publikimi duhet të shoqërohet me kujdesin e duhur për të mos munguar emri i autorit apo autorëve; titulli i tij; institucioni ku ky punim mund të jetë prezantuar.
Gjithashtu nëse më parë ky punim është publikuar në një revistë apo botim të veçantë sugjerohet që kjo e dhënë të reflektohet. Nuk ka kufizim mbi botim të mëhershëm të këtij punimi, më thjesht punimi shkencor mund të jetë i publikuar më parë.
Çfarë dobishmërie sjell prezantimi i Kërkuesve Shkencor në Academic´Al!
Academic´Al është rrejti i kërkimit shkencor shqiptar. Çdo kërkues shkencor apo institucion i shkencës shqiptare ka mundësi të prezantohet duke shfaqur në ambientin akademik apo tek publiku i gjerë fakte konkrete të kontributit të tij shkencore sipas disiplinave. Gjithashtu në Academic`Al kërkuesi shkencor prezanton punë e tij dhe arritjet duke fituar mundësi të krijojë kontaktet e duhura me qëllim dobishmëri të ndërsjellë. Kërkuesi shkencor bëhet pjesë e një rrjeti duke e përçuar punën dhe arritjet personale si pjesë e një kolane shkencore në nivel kombëtar e ndërkombëtar. Publikimi dhe vizibiliteti i profilit dhe punimeve shkencore forcon reputacionin shkencor sipas atributeve. Academic´Al me instrumentet e zbatimit ofron hapësirën ku teknologjia e re e informacionit krijon fuqinë për të prezantuar vetveten, e gjetur mundësi edhe më konkrete për bashkëpunim dhe intensifikim të kërkimit shkencor.
Ju mund të drejtoheni tek [email protected] për informacion apo kontakt të nevojshëm.
Ju faleminderit!
Projekti më i ri ACADEMIC´AL
/in Press Releases /by aranitaNë ditët në vijim, instituti ynë do të botojë projektin e ri Academic’al.
Qëllimi i Academic´Al është të krijojë dhe pasurojë një rrjet akademik me kërkues shkencor në Shqipëri. Ky rrjet (network) do të funksionojë online. Koncepti për funksionimin e këtij rrjeti nuk është i kufizuar tek konteksti social i fjalës, por gjithashtu tek mundësitë e ofruara nga teknologjitë semantike të përdorura për zbatim. Aplikacioni do të bëjë të mundur zbulimin e aktivitetit kërkimor nëpërmjet disiplinave dhe institucioneve të ndryshme. Rezultatet dhe ecuria e kësaj iniciative pritet të japin kontribut në ecurinë e komponentëve si vijon:
Academic´Al do të ofrojë çdo informacion haptazi pa vendosur kufizime për një publik të gjerë (pa pagesë; pa detyrim për tu regjistruar; pa kufizim në kohë për vizibilitetin e materialit). Modulet që do të bëjnë të mundur këtë do të jenë të integruar në një website kryesor.
Profili i Kërkuesit Shkencor
Kërkuesit shkencor janë të mirëpritur të publikojnë tek Academica`Al Profilin e tyre të shkurtër me një foto (opsionale) dhe një përshkrim të thjesht me pak fjalë mbi:
– emri dhe mbiemri i kërkuesit shkencor
– edukimi i tij deri tek gradimi shkencor i mundshëm
– institucioni/marrëdhënia e tij me një institucion shkencor ku ai atribuon (ose ka atribuar)
– fusha e tij e ekspertizës apo veprimtarisë
– punime shkencore të tij
– publikime apo projekte shkencore të tij si titull (për publikimet apo projektet ku është autor apo ka angazhim).
Sipas dëshirës në këtë profil të shkurtër kërkuesi Shkencor është i mirëpritur të propozojë me link një ose dy web ku më gjerësisht gjendet informacion mbi profilin dhe kontributin e tij shkencor. Gjithçka do të duhet të jetë e kufizuar në 100 – 200 fjalë. Profili i kërkuesit shkencor preferohet të postohet në gjuhën angleze.
Profili i Institucionit Shkencor (Universitet / Qendër e Kërkimit Shkencor).
Ky profil prezanton institucione shkencore duke i dhënë më tej mundësi rrjetit akademik të prezantojë edhe lidhjet e kërkuesve dhe kërkimit shkencor me Institucionin. Profili i një institucioni shkencor duhet të përmbajë sa vijon:
– Emërtesën e saktë të Institucionit dhe një status të tij.
– Logo apo foto e Institucionit.
– Datimin e Institucionit dhe një emërtesë të më hershme. P.sh Universiteti i Shkodrës më parë ishte Instituti i Shkodrës.
– Nënndrarje të këtij institucioni. P.sh universiteti ka fakultetet, fakulteti ka departamente. Një institut kërkimor ka qendra që funksionojnë në varësi të tij etj.
– Përmbajtje (1-3 fjali) që përshkruajnë qëllimin e funksionimit të këtij institucioni; atribute të tij në botën e shkencës dhe cilësi të veçanta të institucionit.
Gjithçka duhet të jetë e kufizuar në 150 – 250 fjalë. Profili i Institucionit Shkencor preferohet të postohet në gjuhën angleze.
Kërkimi shkencor – Publikimi tek Academic`Al
Pasi ka përcjellë një profil të tij kërkuesi apo institucioni shkencorë ka mundësinë të sjellë e të prezantojë për publikun edhe punime të mirëfillta. Ky kërkues mund të sjellë një apo më shumë punime, pa ndonjë kufizim numerik. Punimi shkencor mund të jetë edhe me bashkautorë. Në kontekstin e Publikimit ky mund të vijë i plotë por mund të propozohen sipas dëshirës së kërkuesit shkencore edhe prezantim i thjesht Abstraktit / Konkluzioneve / Rekomandimeve të këtij kërkimi shkencor. Artikuj shkencor konsiderohen gjithashtu punime. Forma e propozuar për publikim do të sugjerohej në programin world por nuk përjashtohen edhe publikime në PDF. Gjuha e publikimit mund të jetë gjuha shqipe ose gjuha angleze.
Në çdo rast publikimi duhet të shoqërohet me kujdesin e duhur për të mos munguar emri i autorit apo autorëve; titulli i tij; institucioni ku ky punim mund të jetë prezantuar.
Gjithashtu nëse më parë ky punim është publikuar në një revistë apo botim të veçantë sugjerohet që kjo e dhënë të reflektohet. Nuk ka kufizim mbi botim të mëhershëm të këtij punimi, më thjesht punimi shkencor mund të jetë i publikuar më parë.
Çfarë dobishmërie sjell prezantimi i Kërkuesve Shkencor në Academic´Al!
Academic´Al është rrejti i kërkimit shkencor shqiptar. Çdo kërkues shkencor apo institucion i shkencës shqiptare ka mundësi të prezantohet duke shfaqur në ambientin akademik apo tek publiku i gjerë fakte konkrete të kontributit të tij shkencore sipas disiplinave. Gjithashtu në Academic`Al kërkuesi shkencor prezanton punë e tij dhe arritjet duke fituar mundësi të krijojë kontaktet e duhura me qëllim dobishmëri të ndërsjellë. Kërkuesi shkencor bëhet pjesë e një rrjeti duke e përçuar punën dhe arritjet personale si pjesë e një kolane shkencore në nivel kombëtar e ndërkombëtar. Publikimi dhe vizibiliteti i profilit dhe punimeve shkencore forcon reputacionin shkencor sipas atributeve. Academic´Al me instrumentet e zbatimit ofron hapësirën ku teknologjia e re e informacionit krijon fuqinë për të prezantuar vetveten, e gjetur mundësi edhe më konkrete për bashkëpunim dhe intensifikim të kërkimit shkencor.
Ju mund të drejtoheni tek [email protected] për informacion apo kontakt të nevojshëm.
Ju faleminderit!
Fitues në Hackathon Albania 2012 – Maratona Shqiptare e Inteligjencës dhe Kreativitetit
/in Events, Press Releases /by aranitaNë këtë maratonë spikatën të rinj, kryesisht gjimnazist dhe student të cilët sollën aplikacione me të dhëna dhe dije të hapura (open data dhe open knowledge). Ndër njëzet e pesë konkurrent të ndarë në nëntë grupe, fitues u shpallën tre aplikacione tepër novatore të cilat shënojnë ide dhe modele që stimulojnë ndryshim në fushat ku ato zbatohen.
Fitues i Çmimit “Open Data Albania” u shpall aplikacioni me titull: Way to Independence / Rruga drejt pavarësisë. Grupi i punës që punoi për këtë aplikacion përbëhet nga katër djem të rinj të talentuar të moshave 15 deri 19 vjeç Aldo Leka, Admir Leka, Devis Cami, Elvis Papa. “Rruga drejt Pavarësisë” është një aplikacion qe ka për qellim ti mundësoje përdoruesit për te zbuluar dhe njohur me mire historinë e Shqipërisë dhe ngjarjet e rëndësishme për kombin që janë shënuar deri në datën e Shpalljes së Pavarësisë. Programi synon të prezantojë në një mënyrë shumë të lehtë historinë tek të rinj shqiptar apo shtetas të huaj. Për ketë arsye “Way to Independence / Rruga drejt Pavarësisë” do publikohet ne anglisht dhe shqip, dhe do përhapet ne version desktop-i, web, celular dhe ndoshta edhe në tableta.
Çmimi “World of Difference” ofruar nga Fondacioni Vodafone Albania, u fitua nga aplikacioni me titull Mirëqenia ne Mjediset e Punës. Ky aplikacion erdhi nga tre studente të profileve sociologji dhe psikologji Elona Ylli, Saniela Ruga, Drilona Mulaj. Nëpërmjet këtij aplikacioni ato sollën një model për vlerësimin e mirëqenies në mjediset e punës, dhe një platformë për përmirësimin e mëtejshëm në format pyetje-përgjigje dhe konsultime të drejtpërdrejta.
Çmimi “Inovacion” në këtë Maratonë u fitua nga një student i vitit të fundit për Stomatologji. Tauland Totaj prezantoi një punim ku nëpërmjet një programi titulluar Dental Anasthetic Calculator & Technical Maps (DAC&TM), stafeve mjekësore që aplikojnë anestezi lokale gjatë mjekimeve të pacientëve ju jepet mundësia të konsultohen në mënyrë matematikore me formula dhe manuale shkencore. Është një sistem i ideuar për t’ju ardhur në ndihmë përdoruesve në fushën e Stomatologjisë Klinike si dhe mund të gjejë përdorim dhe në fushën akademike. Në këtë sistem gjendet një mjedis i përshtatshëm për të realizuar përpunimin e shumë informacioneve njëkohësisht pa qenë e nevojshme të hapen shumë libra dhe të bëhen llogaritje matematikore, duke shkurtuar kohë dhe duke ofruar mundësi zgjedhjeje.
Në Hackathon Albania 2012, si festë e inteligjencës dhe kreativitetit spikatën dhe shumë aplikime të tjera ku konkurrentët sollën modele inovative për zbatim konkret në fusha të ndryshme si kontabilitet, gjeo-mjedis, edukim për grupe me aftësi të kufizuara, open data census etj.
Hackathon Albania tashmë është një event i përvitshëm që ju jep mundësi të rinjve me ide, njohuri dhe punë të spikatur të promovohen duke shënuar njëkohësisht edhe një kontribut për shoqërinë dhe njohuritë në ambjentin ku jetojmë. Ky aktivitet zhvillohet nga Instituti Shqiptar i Shkencave (AIS) në kuadër të Projektit Open Data Albania me donator Open Society Foundations Information Program, Open Society Foundation Albania dhe ShqiperiaCom Shpk. Hackathon Albania 2012 këtë vit pati mbështetjen dhe bashkëpunimin edhe të Fondacionit Vodafone Albania.
Ju mirëpresim çdo fund viti në Maratonën Shqiptare të Inteligjencës dhe Kreativitetit.
Ngritje fondesh për pastrimin e Kepit të Rodit
/in Events /by adminVula e Skenderbeut
Sot (16 Nentor 2012) ora 19 e 30 tek Tirana Ekspres, mbrëmje për mbledhje fondesh, bli një kopje të librit “Flamuri i Kombit Shqiptar”, pasuro bibliotekën personale për 100 Vjetor, mëso historinë e Shqiponjës Dykrenare të Kastriotëve, afresku ekzistues në Kishën e Rodonit.
FONDET NGA SHITJA E LIBRIT SHKOJNË PËR AKSIONIN E ROJAVE TË KEPIT TË RODONIT
Flamuri Kombëtar i shekullit XV, relike në Kishën e Rodonit.
At Zef Pllumbi nisur nga gjurmimet në afresku dhe mure të Kishës së Shën Ndojt në Rodon zbuloi Emblemën e Kastriotëve me Shqiponjë Dykrenare. Ky është monumenti më i bukur që mund të vizitojnë shqiptarët në këtë 100 vjetor.Historinë e Shqiponjës Dykrenare të Skënderbeut, vlerat, dokumentimin dhe rëndësinë e saj vinë me dritën e një studimi shkencor në heraldikë në botimin “Flamuri i Kombit Shqiptar” (botim I vitit 2012, autor J. BRAHAJ).
@Ais me qëllimin për të kontribuar në mbledhje fondesh për Aksionet në Rojeve të Kepit, ofron 20 kopje të librit për shtije. Fondet së bashku me biletat e koncertit dhe ankandin e foto të Blerta Kambos bëhen pjesë e mbështetjes financiare për Aksionin e Radhës në Kep.
Çmimi i shitjes 600 Lekë / 6 Euro.
Afresku i Kishës së Rodonit dokumenti real i Shqiponjës Dykrenare të Flamurit tonë Kombëtar.
Vlerësimi i Impaktit Fiskal në Reforma Strukturore (FIASR) – Rast Studimor mbi Shqipërinë
/in Events /by adminNë datat 23 dhe 24 tetor 2012, Center of Excellence in Finance CEF organizoi në Danilovgrad të Malit të Zi, seminarin me titull Fiscal Impact Assessment of Structural Reforms. Instituti Shqiptar i Shkencave, AIS u prezantua në këtë event me ekspert të tij duke prezantuar një rast studimor mbi Vlerësimin e Impaktit Fiskal të Reformave Strukturore në Shqipëri.
Ky seminar organizohet nga CEF në bashkëpunim me Ministrinë e Financave të Malit të Zi me mbështetje të SECO – World Bank Trust Fund themeluar nga Unioni Europian. Ky seminar finalizoi punën kërkimore disa mujore me qellim realizimin e nj një studim të gjerë me objekt vendeve si Shqipëria, Bosnja dhe Herzegovina, Kroacia, Kosova, Maqedonia, Mali i Zi, Serbia, Sllovenia dhe Turqia. Pjesëmarrja e ekspertëve të AIS në këtë projekt si partner të Center of Excelence in Finance shënon edhe një nga bashkëpunimet e para me karakter kërkimor në fushën e financës publike.
Rasti Studimor për Shqipërinë me titull Fiscal Impact Assessment of Structural Reforms – Albania ka si autorë dy ekspertë të Institutit Shqiptar të Shkencave znj. Blerta Zilja dhe znj. Edlira Kalaja. Në këtë analizë kërkimore vlerësohet impakti i reformave strukturore të ndërmarra nga Qeveria Shqiptare duke vënë theksin tek nevoja e rritjes së kapaciteteve të drejtorive të buxhetit në ministritë e linjës, gjatë konceptimit dhe implementimit të reformave strukturore. Ky rast studimor për Shqipërinë do të publikohet së shpejti në faqen zyrtare të CEF www.cef-see.org .
TechCamp 2012 Ballkani Perëndimor – Open Data Albania frymëzon përfaqësues të shoqërisë civile nga Ballkani Perëndimor
/in Events, Press Releases /by adminNë datat 18 dhe 19 tetor me mbështetje të Departamentit Amerikan të Shtetit, Zyra për e-Diplomacy u organizua në Sarajevë eventi TechCamp me qëllim fuqizimin e rolit të shoqërisë civile në vende të Ballkanit Perëndimorë në proçese të transparencës, llogaridhënies dhe përfshirjes qytetare. Në fokus janë përfaqësues të OJF-ve lokale nga Kroacia, Bosnja and Hercegovina, Kosova, Maqedonia, Mali i Zi dhe Serbia të cilët janë të përfshirë në projekte që përkojnë më përdorimin e teknologjive dhe inovacionit. Shkëmbimi i eksperiencës dhe i ideve, si dhe zanafilla e projekteve të reja ishin ndër qëllimet e eventit.
Një grup me trajner lokal dhe ndërkombëtarë i zgjedhur me shumë kujdes moderoi mbi suksesin e eventit dhe nxitjen e përfaqësuesve të shoqërisë civile nga Ballkani Perëndimor.
Përfaqësues nga Sunlight Foundation, Frontline SMS, Open Street Map, Open Data Albania, Open Knowledge Foundation, Ipko, One World See, and the Institute for Sustainable Communities dhanë kontribut direkt për shpërndarjen e ideve dhe eksperiencës së tyre duke lehtësuar komunikimin.
Projekti shqiptar Open Data Albania u konsiderua nga organizatorë dhe trajnues si një model i mirë për transparencë, llogaridhënie dhe aktivizim social. Nëpërmjet workshopeve pjesë të këtij eventi Shqipëria u sugjerua si një model i suksesshëm per tu realizuar në të ardhmen edhe nga vende të tjera si: Kosova, Mali i Zi, Serbia apo Bosnja e Hercegovina.
Smart Tourist Albania prezantohet në komunitetin Open Labs, Shqipëri
/in Events, Press Releases /by adminProjekti ynë Smart Tourist Albania do jetë temë e takimit të rradhës të komunitetit Open Labs.
Open Labs Albania është një organizatë jo-qeveritare jo-fitimprurëse, me seli në Shqipëri, që synon të mbështesë dhe promovojë iniciativa në fushën e teknologjisë së informacionit. Open Labs janë tepër aktiv aktualisht duke organizuar ngjarje javore në Tiranë dhe qytete të tjera. Të premten në 31.08.2012 @ 19.00 miqtë e Open Labs kanë ftuar aktivistët tanë të prezantojnë projektin Smart Tourist Albania.
Më shumë informacione në faqen e tyre tek: Presenting: Smart Tourist Albania
Open Labs prezanton Smart Tourist Albania.
Aksion Qytetar – Pastro Kepin e Rodonit ( 24-26 Gusht, 2012 )
/in Events, Press Releases /by aranitaTirana Ekspres dhe Smart Toursit Albania www.smarttourist.al , Ju ftojnë të bëheni pjesë e Klubit “Rojat e Kepit”. Ky organizim synon të ndërmarrë në data 24-26 gusht një aksion konkret për të parandaluar degradimin e një prej zonave më piktoreske dhe të veçanta të bregdetit shqiptar: Kepi i Rodonit.
Degradim nga ndotja. Kepi i Rodonit është një zonë bregdetare pa ndërtime të vona në dy dekada të tranzicionit urbanistik. Gjithashtu kjo zonë shtrihet larg akseve të rrugëve nacionale. Megjithëse jo i populluar dhe frekuentuar Kepi i Rodonit ka ndotje të theksuar nga mbetjet urbane dhe inerte. Shkak i kësaj janë prurjet e lumenjve dhe deltave ujore të cilat përdoren si vende për depozitim dhe shkarkim të mbetjeve të zonave të banuara. Përkatësisht mbeturina shkarkohen në lumenjtë Ishëm dhe Mat. Në lumin Ishëm lundrojnë drejt Kepit mbetje urbanë që shkarkohen në Tiranë (Lana dhe Lumi i Tiranës bashkohen ne Kamës dhe më tej bëhen pjesë e Lumit Ishëm në afërsi të fshatit Tërkuzë); Laknas; Rinas; Prezë dhe e gjithë Malësia e Ishmit. Me lumin Mat lundrojnë drejt Kepit mbetje të hedhura në luginën e lumit që nga zona e Fanit; Krahina e Matit e më tej Milot; Kurbin; Fushë – Krujë; Fushëkuqe etj.
Këto tonelata mbetje të cilat lundrojnë drejt grykëderdhjeve të deltave depozitohen në brigjet piktoreske të Kepit të Rodonit. Aktualisht ky kep me vlera natyrore dhe historike është shndërruar në një kosh gjigand mbeturinash.
“Aksion pastrimi tek Kepi i Rodonit” është një nismë qytetare për aktivizimin e vullnetarëve të cilët në datat 24 deri 26 gusht do të pastrojnë bregun duke mbledhur dhe dërguar në depot e riciklimit mbetjet përkatëse. Gjithashtu ky aksion synon sensibilizim dhe presion qytetar për të ndërprerë hedhjen dhe depozitimin e mbetjeve urbaneve të bashkive dhe komunave përgjatë lumenjve dhe përrenjve që derdhen në bregun e Adriatikut. Grupi iniciator synon të edukojë publikun mbi rëndësinë e grumbullimit të mbetjeve për riciklim si zgjidhje e duhur për problematikën e ndotjes.
Është koha e duhur, dhe aktivizimi qytetar mund të japë rezultate për të pasur një Kep të Rodonit promovues të turizmit, natyrës dhe trashëgimisë historike të vendit tonë.
Bashkohuni me “Aksion pastrimi tek Kepi i Rodonit”, kjo nismë është qytetare dhe realizohet nga vullnetarë të ndërgjegjshëm se problemet janë për tu zgjidhur. Vepro tani bëhu pjesë e këtij Aksioni.
Shtrirja gjeografike. Kepi i Rodonit njohur ndryshe si Kepi i Skënderbeut ndan Gjirin e Rodonit nga Gjiri i Lalzit. Si vazhdim i kurrizit kodrinor të Rodonit, kepi bie thikë mbi det duke formuar një breg piktoresk. Ai shtrihet në formë trekëndëshi midis gjirit të Rodonit në veri dhe atij të Lalzit në jug. Në veri të tij derdhet lumi i Ishmit. Kepi i Rodonit është kepi më i madh në vendin tonë, i cili mbyll nga ana e jugut gjirin e Drinit.
Bukuri Natyrore dhe Vlera Historike. Veç vlerave historike që lidhen me betejat dhe qëndresën e Heroit tonë Kombëtar Gjergj Kastriot Skënderbeu, kepi mbart si toponim vlera që përkojnë më mitologjinë Ilire. Redoni sipas mitologjisë Ilire ishte hyji i detit, njëlloj si Posedoni i Grekëve apo Neptuni i Romakëve. Për një kohë të gjatë studiuesit janë përpjekur që të gjejnë elemente që të vërtetojnë se emrin e Redonit e mban sot Kepi i Rodonit. Me këtë problem janë marrë në të kaluarën arkeologët tanë mes tyre Prof. Hasan Ceka.
Është koha e duhur, dhe aktivizimi qytetar mund të japë rezultate për të pasur një Kep të Rodonit promovues të turizmin, natyrës dhe trashëgimisë historike të vendit tonë.
Bashkohuni me “Aksion pastrimi tek Kepi i Rodonit”, kjo nisëm është qytetare dhe realizohet nga vullnetar të ndërgjegjshëm se problemet janë për tu zgjidhur. Vepro tani bëhu pjesë e këtij Aksioni.
Për tu bërë pjesë e “Klubi i Rojeve të Kepit”, dhe për të marrë informacion mbi nisjen në Kep dhe organizimin bashkohu me rrjetin social në Facebook Tirana Ekspres – The Alternative Art Space of Tirana. Gjithashtu në median sociale @Smart Tourist Albania dhe në http://ais.al. Për më tepër informacion ejani në datën 21 gusht ora 19.00 në Ambientet e Tirana Ekspres (magazinat e Stacionit të Vjetër të Trenit, Rr Karl Gega, Tiranë).
Nisma Smart Tourist Albania përmes Zërit të Amerikës
/in Media Coverage @en /by adminArtikulli më poshtë është përcjellur nga Zëri i Amerikës: http://www.zeriamerikes.com/content/turizmi-shqiptar-smart-turist-aranita-brahaj-mjedis/1488773.html
Turistët publikojnë ndotjet mjedisore
Ilirian Agolli
15.08.2012
Sezoni turistik dhe përpjekjet e administratës për të përmirësuar kushtet e jetesës në zonat bregdetare kanë nxitur edhe ide të reja të shoqërisë civile për të dhënë ndihmesën e tyre në zgjidhjen e problemeve dhe për të pasqyruar realisht situatën. Instituti Shqiptar i Shkencave sapo ka nisur një projekt ku i fton të gjithë pushuesit që të denoncojnë problemet mjedisore dhe të turizmit shqiptar.
Për këtë qëllim Instituti ka hapur një faqe interneti ku dhjetra pushues vendas dhe të huaj kanë publikuar aty foto dhe video që pasqyrojnë djegien e mbeturinave dhe derdhje të ujërave te zeza nga shumë ndertime të reja. Drejtuesja e Institutit, Aranita Brahaj, thotë se “Smart Tourist Albania” është një media qytetare që fton të gjithë në zbardhjen e të vërtetave mbi mjedisin dhe mbrojtjen e natyrës.
Nga çdo telefon celular çdo pushues mund të fotografojë dhe filmojë pamje problematike nga zonat turistike dhe t’i hedhë ato në faqen e përbashkët. Aranita thotë se “pushuesit po denoncojnë ndotjen e plazheve jo vetëm në zonat e mirënjohura turistike por edhe në plazhet e reja ku abuzimi sapo ka filluar dhe duhet parandaluar”.
“Smart Tourist Albania” u bë menjëherë një nismë e dobishme qytetare në ndihmë të pushtetit vendor dhe autoriteteve të mjedisit për të njohur realisht gjendjen dhe për të bërë përmirësime të vërteta të situatës dhe parandalime të akteve që shkatërrojnë natyrën shqiptare. Ujërat e zeza janë ndotja më e madhe e plazheve shqiptare, raportojnë vetë qytetarët.
Sipas të dhënave zyrtare, Shqipëria ka aktualisht 800 mijë qytetarë me telefona të lidhur në internet dhe mbi 200 prej tyre përdorin rrjetin 3G. Aranita Brahaj thotë se “kjo nismë nuk synon publicitete negative por përpiqet të ndërgjegjësojë qytetarët për mjedis të pastër, dhe që fillimisht ata të zbulojnë zonat e ndotura dhe t’u kërkojnë autoriteteve që të vënë dorë”.
Nga të dhënat e vetë qytetarëve, Instituti Shqiptar i Shkencave do të krijojë në fund të sezonit turistik hartën e ndotjeve mjedisore, e cila do t’u jepet autoriteteve vendore për ndërhyrje, dhe vitin tjetër do të bëjë një hartë promovuese me zona turistike të pastra.
Smart Tourist Albania – Raportoni problemet ne lidhje me turizmin direkt nga celulari juaj
/in Press Releases /by adminSmart Tourist Albania eshte nje projekt i AIS qe ka si qellim rritjen dhe ndërgjegjësimin publik mbi ndotjen mjedisore në zonat turistike dhe ushtrimi i presionit qytetar mbi institucionet përgjegjëse përmes një platforme informuese online.
Per nje vend si Shqiperia, ne mungese te industrive dhe rrenimit te sistemeve ekonomike si bujqesia apo blegtoria, turizmi eshte teper i rendesisshem. Vitet e fundit ka nje kujdes te vecante per kete industri dhe kjo eshte shoqeruar me disa fushata reklamash, panaire shqiptare dhe nje sere deklaratash politike bombastike qe theksojne vlerat naturale te turizmit shqiptar.
Pertej oportunizmit dhe sy-veshurit burokratik, turizmi shqiptar calon ne disa aspekte dhe eshte teresisht i braktisur ne meshire te fatit. Projekti yne tenton qe te rrise vemendjen ndaj problemeve te turizmit duke percjelle raporte qytetare dhe shqetesime te pushuesve mbi gjendjen aktuale. Evidentimi i problemeve, dhe pranimi i tyre duhet te jete hapi i pare drejt permiresimit dhe perfeksionimit te gjendjes dhe per kete gje ne po leshojme sot dhe aplikimin e pare te bazuar mbi telefoni ne funksion te raportimeve qytetare.
Duke qene se shume nga pushuesit jane te paisur me celulare atehere platforma jone mundeson shkarkimin e nje aplikimit “Smart Tourist Albania” me ane te cilit mund te raportohet lehtesisht direkt ne vendin e pushimit per problemet e hasura. Problemet mund te jene te lidhura me ndotjen e vend-pushimeve, abuzimin me hapesira publike nga privatet e te tjera kategorizime. Gjithcka duhet jane pak klikime per te reaguar dhe ngritur zerin ndaj pakenaqesive te vrojtuara.
Faqja prezantuese e aplikimit per Android – Smart Tourist Albania
Aktualisht versioni i aplikimit mund te perdoret nga cdo celular me sistem Android dhe mund te shkarkohet nga adresa: www.smarttourist.al/SmartTouristAlbania.apk. Aplikimi eshte i krijuar mbi Ushahidi Android App dhe eshte i gjithi ne shqip. Ju ftojme ta perdorni per te ngritur zerin tuaj ndaj problematikave te lartpermendura. Per cdo problem ne lidhje me kete aplikim ju lutem na kontaktoni
AIS fillon projektin Smart Tourist Albania
/in Homeposts /by adminInstituti yne prezanton se fundmi dhe projektin Smart Tourist Albania.
Nisma jonë merr përsipër të krijojë një hartë turistike të ndotjes, nëpërmjet ekspozimit faktik në format foto-raportimi, format video dhe përshkrimi të situatës në formë teksti. Evidentimi do të realizohet nga reporterë, por në një masë të madhe edhe nga vetë turistët dhe banorët e zonave të ndryshme. Në këtë mënyrë, synohet ndërgjegjësimi dhe informimi realist dhe i paanshëm i publikut mbi gjendjen e destinacioneve turistike, si dhe ushtrimi i presionit mbi institucionet përgjegjëse për të nxitur veprime konkrete në përmirësimin e situatës. Diçka e tillë do të mundësohet përmes platformës smarturist.al, rrjeteve sociale dhe formateve video në mediat e hapura. Aplikime të posaçme për telefonat Android dhe Apple, të shkarkueshme në çdo telefon do të lehtësojnë raportimin në kohë reale. Diçka e tillë lehtësohet edhe nga fakti se sipas të dhënave të AKEP, në vend rezultojnë mbi 800 mijë pajtimtarë të telefonisë celulare me akses në internet, nga të cilët mbi 200 mijë përdorin rrjetin 3G.
Kjo nismë nuk synon të krijojë publicitet negativ, por fokusohet në rritjen e ndërgjegjësimit publik për të drejtën e çdo qytetari, të huaj apo shqiptar për një mjedis të pastër.
Faqja zyrtare e projektit eshte: www.smarttourist.al Nderkohe mund te na ndiqni dhe ne: https://www.facebook.com/SmartTouristAlbania