Në ditët në vijim, instituti ynë do të botojë projektin e ri Academic’al.
Qëllimi i Academic´Al është të krijojë dhe pasurojë një rrjet akademik me kërkues shkencor në Shqipëri. Ky rrjet (network) do të funksionojë online. Koncepti për funksionimin e këtij rrjeti nuk është i kufizuar tek konteksti social i fjalës, por gjithashtu tek mundësitë e ofruara nga teknologjitë semantike të përdorura për zbatim. Aplikacioni do të bëjë të mundur zbulimin e aktivitetit kërkimor nëpërmjet disiplinave dhe institucioneve të ndryshme. Rezultatet dhe ecuria e kësaj iniciative pritet të japin kontribut në ecurinë e komponentëve si vijon:
- Prezantime të institucioneve kërkimore në Shqipëri.
- Prezantime të kërkuesve shkencor, përfshi kërkues të rinj (sapo diplomuar në master shkencor).
- Prezantim i rezultateve të një kërkimi shkencor, publikimeve apo raporteve.
- Prezantimi i marrëdhënies institucion-kërkues shkencor, bashkëpunime ndërmjet kërkuesve shkencorë, kërkues-publikime, publikime-projekte, projekte-institucione.
Academic´Al do të ofrojë çdo informacion haptazi pa vendosur kufizime për një publik të gjerë (pa pagesë; pa detyrim për tu regjistruar; pa kufizim në kohë për vizibilitetin e materialit). Modulet që do të bëjnë të mundur këtë do të jenë të integruar në një website kryesor.
Profili i Kërkuesit Shkencor
Kërkuesit shkencor janë të mirëpritur të publikojnë tek Academica`Al Profilin e tyre të shkurtër me një foto (opsionale) dhe një përshkrim të thjesht me pak fjalë mbi:
– emri dhe mbiemri i kërkuesit shkencor
– edukimi i tij deri tek gradimi shkencor i mundshëm
– institucioni/marrëdhënia e tij me një institucion shkencor ku ai atribuon (ose ka atribuar)
– fusha e tij e ekspertizës apo veprimtarisë
– punime shkencore të tij
– publikime apo projekte shkencore të tij si titull (për publikimet apo projektet ku është autor apo ka angazhim).
Sipas dëshirës në këtë profil të shkurtër kërkuesi Shkencor është i mirëpritur të propozojë me link një ose dy web ku më gjerësisht gjendet informacion mbi profilin dhe kontributin e tij shkencor. Gjithçka do të duhet të jetë e kufizuar në 100 – 200 fjalë. Profili i kërkuesit shkencor preferohet të postohet në gjuhën angleze.
Profili i Institucionit Shkencor (Universitet / Qendër e Kërkimit Shkencor).
Ky profil prezanton institucione shkencore duke i dhënë më tej mundësi rrjetit akademik të prezantojë edhe lidhjet e kërkuesve dhe kërkimit shkencor me Institucionin. Profili i një institucioni shkencor duhet të përmbajë sa vijon:
– Emërtesën e saktë të Institucionit dhe një status të tij.
– Logo apo foto e Institucionit.
– Datimin e Institucionit dhe një emërtesë të më hershme. P.sh Universiteti i Shkodrës më parë ishte Instituti i Shkodrës.
– Nënndrarje të këtij institucioni. P.sh universiteti ka fakultetet, fakulteti ka departamente. Një institut kërkimor ka qendra që funksionojnë në varësi të tij etj.
– Përmbajtje (1-3 fjali) që përshkruajnë qëllimin e funksionimit të këtij institucioni; atribute të tij në botën e shkencës dhe cilësi të veçanta të institucionit.
Gjithçka duhet të jetë e kufizuar në 150 – 250 fjalë. Profili i Institucionit Shkencor preferohet të postohet në gjuhën angleze.
Kërkimi shkencor – Publikimi tek Academic`Al
Pasi ka përcjellë një profil të tij kërkuesi apo institucioni shkencorë ka mundësinë të sjellë e të prezantojë për publikun edhe punime të mirëfillta. Ky kërkues mund të sjellë një apo më shumë punime, pa ndonjë kufizim numerik. Punimi shkencor mund të jetë edhe me bashkautorë. Në kontekstin e Publikimit ky mund të vijë i plotë por mund të propozohen sipas dëshirës së kërkuesit shkencore edhe prezantim i thjesht Abstraktit / Konkluzioneve / Rekomandimeve të këtij kërkimi shkencor. Artikuj shkencor konsiderohen gjithashtu punime. Forma e propozuar për publikim do të sugjerohej në programin world por nuk përjashtohen edhe publikime në PDF. Gjuha e publikimit mund të jetë gjuha shqipe ose gjuha angleze.
Në çdo rast publikimi duhet të shoqërohet me kujdesin e duhur për të mos munguar emri i autorit apo autorëve; titulli i tij; institucioni ku ky punim mund të jetë prezantuar.
Gjithashtu nëse më parë ky punim është publikuar në një revistë apo botim të veçantë sugjerohet që kjo e dhënë të reflektohet. Nuk ka kufizim mbi botim të mëhershëm të këtij punimi, më thjesht punimi shkencor mund të jetë i publikuar më parë.
Çfarë dobishmërie sjell prezantimi i Kërkuesve Shkencor në Academic´Al!
Academic´Al është rrejti i kërkimit shkencor shqiptar. Çdo kërkues shkencor apo institucion i shkencës shqiptare ka mundësi të prezantohet duke shfaqur në ambientin akademik apo tek publiku i gjerë fakte konkrete të kontributit të tij shkencore sipas disiplinave. Gjithashtu në Academic`Al kërkuesi shkencor prezanton punë e tij dhe arritjet duke fituar mundësi të krijojë kontaktet e duhura me qëllim dobishmëri të ndërsjellë. Kërkuesi shkencor bëhet pjesë e një rrjeti duke e përçuar punën dhe arritjet personale si pjesë e një kolane shkencore në nivel kombëtar e ndërkombëtar. Publikimi dhe vizibiliteti i profilit dhe punimeve shkencore forcon reputacionin shkencor sipas atributeve. Academic´Al me instrumentet e zbatimit ofron hapësirën ku teknologjia e re e informacionit krijon fuqinë për të prezantuar vetveten, e gjetur mundësi edhe më konkrete për bashkëpunim dhe intensifikim të kërkimit shkencor.
Ju mund të drejtoheni tek [email protected] për informacion apo kontakt të nevojshëm.
Ju faleminderit!
Qytetarët dhe Zëri i tyre në Zgjedhje – ZA’LART
/in Homeposts /by aranitaTë nderuar miq dhe kolegë
Në proçesin Zgjedhor 2013, veç medias tradicionale si Tv dhe Gazeta, fushata po pasqyrohet nëpërmjet raportimeve qytetare edhe në një media sociale me titull zalart.al
ZA’LART funksionon si Web dhe së shpejti si App-mobile i shkarkueshëm në celular, i cili që kur u aktivizua ka marrë 62 raportime nga tetë rrethe të vëndit që nënvizojnë problematikën e fushatës elektorale për zgjedhjet parlamentare të 23 Qershorit.
Në zalart.al raportimet që postohen nga qytetarët ndahen në kategori të ndryshme, sipas problematikës zgjedhore që ata kanë konstatuar.
Mesatarisht 5-7 raportime qytetare vijnë çdo ditë në web, dhe klasifikohen nga moderatori në të verfikuar dhe të paverifikuara, në varësi të provave vizuale (foto, video) që ato përmbajnë.
Nga 62 raportimet që kanë ardhur deri më datën 10 Qershor, 42 raportime janë të verefikuara, dhe 20 raportime janë të paverifikuara.
Për më shumë vizitoni faqen e www.zalart.al për të lexuar raportimet e fundit.
Starton DataThon Rinor 2013
/in Events /by aranitaInstituti Shqiptar i shkencave si promotor i njohurive të hapura dhe realizues i Hackathon Albania, në bashkëpunim me World Vision ka startuar një event të ri DataThon Rinor 2013. Kjo maratonë e të dhënave të hapura po zhvillohet në muajt mars – qershor 2013 me pjesmarrje dhe konkurim të të rinjve të moshës 15- 18 vjec. Të rinjt janë pjesëmarrës të pesë qendrave rinore të World Vision në Shqipëri. Eveni startoi pikërisht gjatë Javës Europiane të përdorimit të internetit Get Online Week 2013, si një përpjekje për të ndihmuar të rinjt të aftësohen nëpërmjet përdorimit të internetit.
Edukimi i moshave të reja dhe nxitja e aftësisë për të kërkuar njohuri dhe për ti përdorur ato me dobishmëri, është gjithnjë e më shumë një sfidë e shoqërisë dhe institucioneve të edukimit. Fëmijët, adoleshentët dhe të rinjtë shqiptar përballen me fenomene të reja, shumë prej këtyre fenomene janë negative. Ndërkohë të rinjtë shqiptarë gjithnjë e më shumë janë të ekspozuar ndaj internetit dhe medias vizite, e pa moderuar sipas nevojave të mirërritjes sociale.
DataThon ose maratona e të dhënave, synon pikërisht përfshirje të individëve në procese cilësore ku fitohen dhe shpërndahen dije duke siguruar konsolidim cilësor të individit që bëhet pjesë e konkurrimit.
Si një event i parë i këtij lloji, pjesëmarrësve do tu propozohet të sjellin punime me moto “Dëshiroj të njoh vendin tim“ dhe synon të përmbushë disa qëllime si: Forcimin e mendimit kritik tek të rinjtë; Nxitje e përdorimit të njohurive të hapura (open knowledge) dhe i teknologjive të informacionit prej tyre; Përdorimi me dobishmëri i internetit nga adoleshentet; Stimulimi për të fituar sa më shumë dije dhe për ti shpërndarë ato; Bashkëpunimi i të rinjve në grup dhe aftësimi në konkurrim dhe ballafaqim për punën e tyre; Thellim i njohurive e rrjedhimisht lidhjeve për/me zonën ku banojnë. Në këtë Datathon të parë do të ketë shtrirje në 5 rrethe të vendit, përkatësisht:
Librazhd; Elbasan: Kurbin; Tirane dhe Dibër.
data 23 mars ne Kurbin – Starton Datathon Rinor
Java Europiane e Përdorimit të Internetit / Get Online Week 2013
/in Events /by aranitaSot starton Java Europiane e Përdorimit të Internetit, Get Online Week 2013 (http://www.getonlineweek.eu/about/gow2013/ ). Instituti Shqiptar i Shkencave (AIS) pjesë e partneritetit Telecentre Europe ju fton ti bashkoheni fushatës në datat 18 deri 24 mars. Qëllimi i çdo aktiviteti që zhvillohet këtë javë në Europë e më gjerë është përdorimi i internetit me dobishmëri. Në fokus janë moshat e reja dhe edukimi i përdorimit të internetit për punësim dhe edukim cilësore. Po kështu rëndësi të veçantë merr përdorimi i internetit nga vajza dhe gra në vende jo fort të zhvilluara apo nga mosha e tretë.
Në Shqipëri interneti po penetron me shpejtësi, individët janë gjithnjë e më shumë të interesuar në komunikim. Por shpesh interneti për të rinj paraqet probleme pasi jo gjithmonë ka dobishmëri. Në këtë fushatë masive ju mund të bëheni pjesë e aktiviteteve tona duke u përgjigjur këtij sondazhi (http://counter.getonlineweek.eu/ ). Gjatë kësaj jave në startojmë një nga aktivitetet më të bukura dhe domethënëse Datathon Rinor.
Edukimi i moshave të reja dhe nxitja e aftësisë për të kërkuar njohuri dhe për ti përdorur ato me dobishmëri, është gjithnjë e më shumë një sfidë e shoqërisë dhe institucioneve të edukimit. Fëmijët, adoleshentët dhe të rinjtë shqiptar përballen me fenomene të reja, shumë prej këtyre fenomene janë negative. Veç problemeve ekonomike të një vendi që prej vitesh përjeton tranzicion post komunist, familja shqiptare ka hasur këto vite edhe vështirësi të fenomeneve emigracion apo migracion. Ndërkohë të rinjtë shqiptarë gjithnjë e më shumë janë të ekspozuar ndaj internetit dhe medias vizite, e pa moderuar sipas nevojave të mirërritjes sociale.
Aktivitete ku të rinjtë nxiten të provojnë dhe shtojnë dijet e tyre janë një nevojë e veçantë. Veç angazhimit cilësor të individit dhe grupit social, krijohet edhe mundësitë për të fituar vlera dhe aftësi. Përdorimi i metodave tepër inovative krijon mjedis për të tërhequr të rinjtë të jenë pjesë e këtyre eventeve.
DataThon ose maratona e të dhënave, synon pikërisht përfshirje të individëve në procese cilësore ku fitohen dhe shpërndahen dije duke siguruar konsolidim cilësor të individit që bëhet pjesë e konkurrimit.
Dita e të Dhënave të Hapura 2013
/in Homeposts, Press Releases /by aranitaPOPULLSIA & CENSUSE 1870 – 2011
Këtë vit në mbarë botën ditët e Open Data finalizohen më 23 shkurt me evente të rëndësishme si Hackathon, Datathon apo me publikime interesante në formatin dhe standardin Open Data. Projekti ynë Open Data Albania po publikon në vigjilje të kësaj date të dhëna të Popullsisë për Shtetin Shqiptar në 11 censuse zyrtare. Gjithçka në formatin Open Data . Edhe në censusin e fundit INSTAT, koordinatori ynë i të dhënave kombëtare publikoi në standardin CLOSED dhe me kosto marramendëse një atlas tradicional me të dhëna. Open Data Albania Ju fton të kuptoni brenda pak sekondash e të gjeni, përdorni dhe ripërdorni të dhëna të hapura që datojnë në dy shekuj.
Shqipëria rezulton ta ketë arritur kulmin historik sa i përket numrit të popullsisë më 1991, pas së cilit popullata erdhi në rënie si pasojë e emigrimit masiv. Gjatë dekadës së parë pas rënies së komunizmit, popullata u reduktua me 0.35 për qind në vit, ndërsa në dekadën e dytë, 2001-2011, ritmi i rënies u përshpejtua në 0.92 për qind në vit. Në total, gjatë njëzetedy viteve të fundit, popullata ka rënë me 0.6 për qind në vit. Në rast se tendenca me rënie 0.9 për qind në vit, siç ka qenë në periudhën 2001-2011 vijon, në fund të kësaj dekade, popullata e Shqipërisë do të jetë rreth 2.5 milionë banorë.
http://www.open.data.al/sq/lajme/lajm/id/669/titull/Popullsia-ne-Shtetin-Shqiptar-1870-2011
Ju faleminderit që na ndiqni!!!
Projekti më i ri ACADEMIC´AL
/in Press Releases /by aranitaNë ditët në vijim, instituti ynë do të botojë projektin e ri Academic’al.
Qëllimi i Academic´Al është të krijojë dhe pasurojë një rrjet akademik me kërkues shkencor në Shqipëri. Ky rrjet (network) do të funksionojë online. Koncepti për funksionimin e këtij rrjeti nuk është i kufizuar tek konteksti social i fjalës, por gjithashtu tek mundësitë e ofruara nga teknologjitë semantike të përdorura për zbatim. Aplikacioni do të bëjë të mundur zbulimin e aktivitetit kërkimor nëpërmjet disiplinave dhe institucioneve të ndryshme. Rezultatet dhe ecuria e kësaj iniciative pritet të japin kontribut në ecurinë e komponentëve si vijon:
Academic´Al do të ofrojë çdo informacion haptazi pa vendosur kufizime për një publik të gjerë (pa pagesë; pa detyrim për tu regjistruar; pa kufizim në kohë për vizibilitetin e materialit). Modulet që do të bëjnë të mundur këtë do të jenë të integruar në një website kryesor.
Profili i Kërkuesit Shkencor
Kërkuesit shkencor janë të mirëpritur të publikojnë tek Academica`Al Profilin e tyre të shkurtër me një foto (opsionale) dhe një përshkrim të thjesht me pak fjalë mbi:
– emri dhe mbiemri i kërkuesit shkencor
– edukimi i tij deri tek gradimi shkencor i mundshëm
– institucioni/marrëdhënia e tij me një institucion shkencor ku ai atribuon (ose ka atribuar)
– fusha e tij e ekspertizës apo veprimtarisë
– punime shkencore të tij
– publikime apo projekte shkencore të tij si titull (për publikimet apo projektet ku është autor apo ka angazhim).
Sipas dëshirës në këtë profil të shkurtër kërkuesi Shkencor është i mirëpritur të propozojë me link një ose dy web ku më gjerësisht gjendet informacion mbi profilin dhe kontributin e tij shkencor. Gjithçka do të duhet të jetë e kufizuar në 100 – 200 fjalë. Profili i kërkuesit shkencor preferohet të postohet në gjuhën angleze.
Profili i Institucionit Shkencor (Universitet / Qendër e Kërkimit Shkencor).
Ky profil prezanton institucione shkencore duke i dhënë më tej mundësi rrjetit akademik të prezantojë edhe lidhjet e kërkuesve dhe kërkimit shkencor me Institucionin. Profili i një institucioni shkencor duhet të përmbajë sa vijon:
– Emërtesën e saktë të Institucionit dhe një status të tij.
– Logo apo foto e Institucionit.
– Datimin e Institucionit dhe një emërtesë të më hershme. P.sh Universiteti i Shkodrës më parë ishte Instituti i Shkodrës.
– Nënndrarje të këtij institucioni. P.sh universiteti ka fakultetet, fakulteti ka departamente. Një institut kërkimor ka qendra që funksionojnë në varësi të tij etj.
– Përmbajtje (1-3 fjali) që përshkruajnë qëllimin e funksionimit të këtij institucioni; atribute të tij në botën e shkencës dhe cilësi të veçanta të institucionit.
Gjithçka duhet të jetë e kufizuar në 150 – 250 fjalë. Profili i Institucionit Shkencor preferohet të postohet në gjuhën angleze.
Kërkimi shkencor – Publikimi tek Academic`Al
Pasi ka përcjellë një profil të tij kërkuesi apo institucioni shkencorë ka mundësinë të sjellë e të prezantojë për publikun edhe punime të mirëfillta. Ky kërkues mund të sjellë një apo më shumë punime, pa ndonjë kufizim numerik. Punimi shkencor mund të jetë edhe me bashkautorë. Në kontekstin e Publikimit ky mund të vijë i plotë por mund të propozohen sipas dëshirës së kërkuesit shkencore edhe prezantim i thjesht Abstraktit / Konkluzioneve / Rekomandimeve të këtij kërkimi shkencor. Artikuj shkencor konsiderohen gjithashtu punime. Forma e propozuar për publikim do të sugjerohej në programin world por nuk përjashtohen edhe publikime në PDF. Gjuha e publikimit mund të jetë gjuha shqipe ose gjuha angleze.
Në çdo rast publikimi duhet të shoqërohet me kujdesin e duhur për të mos munguar emri i autorit apo autorëve; titulli i tij; institucioni ku ky punim mund të jetë prezantuar.
Gjithashtu nëse më parë ky punim është publikuar në një revistë apo botim të veçantë sugjerohet që kjo e dhënë të reflektohet. Nuk ka kufizim mbi botim të mëhershëm të këtij punimi, më thjesht punimi shkencor mund të jetë i publikuar më parë.
Çfarë dobishmërie sjell prezantimi i Kërkuesve Shkencor në Academic´Al!
Academic´Al është rrejti i kërkimit shkencor shqiptar. Çdo kërkues shkencor apo institucion i shkencës shqiptare ka mundësi të prezantohet duke shfaqur në ambientin akademik apo tek publiku i gjerë fakte konkrete të kontributit të tij shkencore sipas disiplinave. Gjithashtu në Academic`Al kërkuesi shkencor prezanton punë e tij dhe arritjet duke fituar mundësi të krijojë kontaktet e duhura me qëllim dobishmëri të ndërsjellë. Kërkuesi shkencor bëhet pjesë e një rrjeti duke e përçuar punën dhe arritjet personale si pjesë e një kolane shkencore në nivel kombëtar e ndërkombëtar. Publikimi dhe vizibiliteti i profilit dhe punimeve shkencore forcon reputacionin shkencor sipas atributeve. Academic´Al me instrumentet e zbatimit ofron hapësirën ku teknologjia e re e informacionit krijon fuqinë për të prezantuar vetveten, e gjetur mundësi edhe më konkrete për bashkëpunim dhe intensifikim të kërkimit shkencor.
Ju mund të drejtoheni tek [email protected] për informacion apo kontakt të nevojshëm.
Ju faleminderit!
Fitues në Hackathon Albania 2012 – Maratona Shqiptare e Inteligjencës dhe Kreativitetit
/in Events, Press Releases /by aranitaNë këtë maratonë spikatën të rinj, kryesisht gjimnazist dhe student të cilët sollën aplikacione me të dhëna dhe dije të hapura (open data dhe open knowledge). Ndër njëzet e pesë konkurrent të ndarë në nëntë grupe, fitues u shpallën tre aplikacione tepër novatore të cilat shënojnë ide dhe modele që stimulojnë ndryshim në fushat ku ato zbatohen.
Fitues i Çmimit “Open Data Albania” u shpall aplikacioni me titull: Way to Independence / Rruga drejt pavarësisë. Grupi i punës që punoi për këtë aplikacion përbëhet nga katër djem të rinj të talentuar të moshave 15 deri 19 vjeç Aldo Leka, Admir Leka, Devis Cami, Elvis Papa. “Rruga drejt Pavarësisë” është një aplikacion qe ka për qellim ti mundësoje përdoruesit për te zbuluar dhe njohur me mire historinë e Shqipërisë dhe ngjarjet e rëndësishme për kombin që janë shënuar deri në datën e Shpalljes së Pavarësisë. Programi synon të prezantojë në një mënyrë shumë të lehtë historinë tek të rinj shqiptar apo shtetas të huaj. Për ketë arsye “Way to Independence / Rruga drejt Pavarësisë” do publikohet ne anglisht dhe shqip, dhe do përhapet ne version desktop-i, web, celular dhe ndoshta edhe në tableta.
Çmimi “World of Difference” ofruar nga Fondacioni Vodafone Albania, u fitua nga aplikacioni me titull Mirëqenia ne Mjediset e Punës. Ky aplikacion erdhi nga tre studente të profileve sociologji dhe psikologji Elona Ylli, Saniela Ruga, Drilona Mulaj. Nëpërmjet këtij aplikacioni ato sollën një model për vlerësimin e mirëqenies në mjediset e punës, dhe një platformë për përmirësimin e mëtejshëm në format pyetje-përgjigje dhe konsultime të drejtpërdrejta.
Çmimi “Inovacion” në këtë Maratonë u fitua nga një student i vitit të fundit për Stomatologji. Tauland Totaj prezantoi një punim ku nëpërmjet një programi titulluar Dental Anasthetic Calculator & Technical Maps (DAC&TM), stafeve mjekësore që aplikojnë anestezi lokale gjatë mjekimeve të pacientëve ju jepet mundësia të konsultohen në mënyrë matematikore me formula dhe manuale shkencore. Është një sistem i ideuar për t’ju ardhur në ndihmë përdoruesve në fushën e Stomatologjisë Klinike si dhe mund të gjejë përdorim dhe në fushën akademike. Në këtë sistem gjendet një mjedis i përshtatshëm për të realizuar përpunimin e shumë informacioneve njëkohësisht pa qenë e nevojshme të hapen shumë libra dhe të bëhen llogaritje matematikore, duke shkurtuar kohë dhe duke ofruar mundësi zgjedhjeje.
Në Hackathon Albania 2012, si festë e inteligjencës dhe kreativitetit spikatën dhe shumë aplikime të tjera ku konkurrentët sollën modele inovative për zbatim konkret në fusha të ndryshme si kontabilitet, gjeo-mjedis, edukim për grupe me aftësi të kufizuara, open data census etj.
Hackathon Albania tashmë është një event i përvitshëm që ju jep mundësi të rinjve me ide, njohuri dhe punë të spikatur të promovohen duke shënuar njëkohësisht edhe një kontribut për shoqërinë dhe njohuritë në ambjentin ku jetojmë. Ky aktivitet zhvillohet nga Instituti Shqiptar i Shkencave (AIS) në kuadër të Projektit Open Data Albania me donator Open Society Foundations Information Program, Open Society Foundation Albania dhe ShqiperiaCom Shpk. Hackathon Albania 2012 këtë vit pati mbështetjen dhe bashkëpunimin edhe të Fondacionit Vodafone Albania.
Ju mirëpresim çdo fund viti në Maratonën Shqiptare të Inteligjencës dhe Kreativitetit.
Ngritje fondesh për pastrimin e Kepit të Rodit
/in Events /by adminVula e Skenderbeut
Sot (16 Nentor 2012) ora 19 e 30 tek Tirana Ekspres, mbrëmje për mbledhje fondesh, bli një kopje të librit “Flamuri i Kombit Shqiptar”, pasuro bibliotekën personale për 100 Vjetor, mëso historinë e Shqiponjës Dykrenare të Kastriotëve, afresku ekzistues në Kishën e Rodonit.
FONDET NGA SHITJA E LIBRIT SHKOJNË PËR AKSIONIN E ROJAVE TË KEPIT TË RODONIT
Flamuri Kombëtar i shekullit XV, relike në Kishën e Rodonit.
At Zef Pllumbi nisur nga gjurmimet në afresku dhe mure të Kishës së Shën Ndojt në Rodon zbuloi Emblemën e Kastriotëve me Shqiponjë Dykrenare. Ky është monumenti më i bukur që mund të vizitojnë shqiptarët në këtë 100 vjetor.Historinë e Shqiponjës Dykrenare të Skënderbeut, vlerat, dokumentimin dhe rëndësinë e saj vinë me dritën e një studimi shkencor në heraldikë në botimin “Flamuri i Kombit Shqiptar” (botim I vitit 2012, autor J. BRAHAJ).
@Ais me qëllimin për të kontribuar në mbledhje fondesh për Aksionet në Rojeve të Kepit, ofron 20 kopje të librit për shtije. Fondet së bashku me biletat e koncertit dhe ankandin e foto të Blerta Kambos bëhen pjesë e mbështetjes financiare për Aksionin e Radhës në Kep.
Çmimi i shitjes 600 Lekë / 6 Euro.
Afresku i Kishës së Rodonit dokumenti real i Shqiponjës Dykrenare të Flamurit tonë Kombëtar.
Vlerësimi i Impaktit Fiskal në Reforma Strukturore (FIASR) – Rast Studimor mbi Shqipërinë
/in Events /by adminNë datat 23 dhe 24 tetor 2012, Center of Excellence in Finance CEF organizoi në Danilovgrad të Malit të Zi, seminarin me titull Fiscal Impact Assessment of Structural Reforms. Instituti Shqiptar i Shkencave, AIS u prezantua në këtë event me ekspert të tij duke prezantuar një rast studimor mbi Vlerësimin e Impaktit Fiskal të Reformave Strukturore në Shqipëri.
Ky seminar organizohet nga CEF në bashkëpunim me Ministrinë e Financave të Malit të Zi me mbështetje të SECO – World Bank Trust Fund themeluar nga Unioni Europian. Ky seminar finalizoi punën kërkimore disa mujore me qellim realizimin e nj një studim të gjerë me objekt vendeve si Shqipëria, Bosnja dhe Herzegovina, Kroacia, Kosova, Maqedonia, Mali i Zi, Serbia, Sllovenia dhe Turqia. Pjesëmarrja e ekspertëve të AIS në këtë projekt si partner të Center of Excelence in Finance shënon edhe një nga bashkëpunimet e para me karakter kërkimor në fushën e financës publike.
Rasti Studimor për Shqipërinë me titull Fiscal Impact Assessment of Structural Reforms – Albania ka si autorë dy ekspertë të Institutit Shqiptar të Shkencave znj. Blerta Zilja dhe znj. Edlira Kalaja. Në këtë analizë kërkimore vlerësohet impakti i reformave strukturore të ndërmarra nga Qeveria Shqiptare duke vënë theksin tek nevoja e rritjes së kapaciteteve të drejtorive të buxhetit në ministritë e linjës, gjatë konceptimit dhe implementimit të reformave strukturore. Ky rast studimor për Shqipërinë do të publikohet së shpejti në faqen zyrtare të CEF www.cef-see.org .
TechCamp 2012 Ballkani Perëndimor – Open Data Albania frymëzon përfaqësues të shoqërisë civile nga Ballkani Perëndimor
/in Events, Press Releases /by adminNë datat 18 dhe 19 tetor me mbështetje të Departamentit Amerikan të Shtetit, Zyra për e-Diplomacy u organizua në Sarajevë eventi TechCamp me qëllim fuqizimin e rolit të shoqërisë civile në vende të Ballkanit Perëndimorë në proçese të transparencës, llogaridhënies dhe përfshirjes qytetare. Në fokus janë përfaqësues të OJF-ve lokale nga Kroacia, Bosnja and Hercegovina, Kosova, Maqedonia, Mali i Zi dhe Serbia të cilët janë të përfshirë në projekte që përkojnë më përdorimin e teknologjive dhe inovacionit. Shkëmbimi i eksperiencës dhe i ideve, si dhe zanafilla e projekteve të reja ishin ndër qëllimet e eventit.
Një grup me trajner lokal dhe ndërkombëtarë i zgjedhur me shumë kujdes moderoi mbi suksesin e eventit dhe nxitjen e përfaqësuesve të shoqërisë civile nga Ballkani Perëndimor.
Përfaqësues nga Sunlight Foundation, Frontline SMS, Open Street Map, Open Data Albania, Open Knowledge Foundation, Ipko, One World See, and the Institute for Sustainable Communities dhanë kontribut direkt për shpërndarjen e ideve dhe eksperiencës së tyre duke lehtësuar komunikimin.
Projekti shqiptar Open Data Albania u konsiderua nga organizatorë dhe trajnues si një model i mirë për transparencë, llogaridhënie dhe aktivizim social. Nëpërmjet workshopeve pjesë të këtij eventi Shqipëria u sugjerua si një model i suksesshëm per tu realizuar në të ardhmen edhe nga vende të tjera si: Kosova, Mali i Zi, Serbia apo Bosnja e Hercegovina.
Smart Tourist Albania prezantohet në komunitetin Open Labs, Shqipëri
/in Events, Press Releases /by adminProjekti ynë Smart Tourist Albania do jetë temë e takimit të rradhës të komunitetit Open Labs.
Open Labs Albania është një organizatë jo-qeveritare jo-fitimprurëse, me seli në Shqipëri, që synon të mbështesë dhe promovojë iniciativa në fushën e teknologjisë së informacionit. Open Labs janë tepër aktiv aktualisht duke organizuar ngjarje javore në Tiranë dhe qytete të tjera. Të premten në 31.08.2012 @ 19.00 miqtë e Open Labs kanë ftuar aktivistët tanë të prezantojnë projektin Smart Tourist Albania.
Më shumë informacione në faqen e tyre tek: Presenting: Smart Tourist Albania
Open Labs prezanton Smart Tourist Albania.